文／羅烜淳，苗栗公館客家人（腔頭：四縣腔）
記得還細个時節，阿婆就會摎?同老弟講客，堵好小學个課程乜有教客話，該央時先生乜會帶等?兜去參加客話比賽，故所講客對?來講係當慣勢个事情；到了國中，堵好有先生鼓勵?做得去考客語認證（該央時考過了還有錢好拿），故所就開始了暑假逐日騎腳踏車去學校上客語認證訓練課个日仔。恁樣上了兩隻月過後，後來就順利考著客語認證初級摎中級，較打爽个係單淨差15分就通過中高級个認證了。
到了高中，在學校較少有做得講客个機會，毋過轉到屋家還係會摎阿公阿婆講客，有成時摎爺哀打嘴鼓無講客還會分阿婆罵：「做麼个無講客？」有成時還係會想：「做麼个定著愛講客？」後來在準備考大學个時節，逐日會去圖書館讀書，有一擺去一個阿婆个麵攤食麵，佢聽著?會講客當歡喜，問?講做麼个客話講著恁好又恁正？又講這下當少後生人會講客了。?講：「因爭從細就開始講客，故所當慣勢了。」該央時就試著?分別儕知講?會講客、做得摎?講客，係一件當沙鼻个事情！毋會因爭這下較少後生人會講客就毋敢講。
後來到了大學，接觸著較多个人，認識當多無共隻縣市个朋友還有外國个朋友，聽著當多無共樣个語言，就想著在大學一年生開始，有同學聽著?講客話，佢兜會問講：「妳在該講麼个啊？這句話係麼个意思？做得教?無？」再加上該央時社群媒體Instagram正開始有較多人用，?正想著：「做得創立一隻粉絲專頁，教大自家一息仔較簡單个客語單字，恁樣大自家就毋會恅著客話當難學了！故所黏時就創立了教客話个粉絲專頁，還過繼續考客語認證，緊加強自家个客話能力！」
粉絲專頁創到這下，乜熟事了當多共樣為著客話做得分社會大眾看著，在該煞猛打拼个人。堵好客家委員會這幾下年開始推動「還?阿姆話」个運動，大自家正慢慢重視臺灣个本土語言，本來對自家無麼个自信个?，因爭這隻原因，分?開始有信心去分享自家熟事个事情。雖然有成時會有講毋著个地方，毋過這兜經驗會變到?成長个養分，分自家个客話能力變到緊來緊好！
華語
記得小時候，奶奶就會跟我還有弟弟講客語，剛好小學也有教客語的課程，那時候老師在課餘時間也會帶著我們去參加客語比賽，所以講客語對我來說是很習慣的一件事情;到了國中剛好也有老師鼓勵我可以去考客語認證（那時候通過客語認證會有獎金 ），剛好也開始放暑假，所以就開始了暑假每天騎著腳踏車去學校上客語認證訓練課的日子。上完兩個月的課程過後，後來也順利考到客語認證初級及中級，但比較可惜的是只差15分就通過中高級的認證了。
到了高中，在學校比較少可以講客語的機會，但是下課回到家還是會跟爺爺奶奶講客語，有時候跟爸媽聊天沒有用客語還會被奶奶罵：「為什麼沒有講客語？」有時候還會想：「為什麼一定要講客語？」後來在準備考大學的時候，我每天都會去圖書館讀書，有一次去一個奶奶開的麵攤吃麵，她聽到我會講客語非常高興，問我為什麼客語講得這麼流暢？又說現在很少年輕人會講客語了。我說：「因為從小就開始講客噢，所以很習慣了。」那時候我就認為讓別人知道我會講客語、可以跟我用客語交流，是一件很值得驕傲的事情！不會因為現在很少年輕人會講客語就不敢說。
後來到了大學，認識了各式各樣的人，也認識很多從外縣市來的朋友以及外國的朋友，聽到很多不同的語言，就想到從大學一年級開始，有同學聽到我講客語，他們會問說：「妳在說什麼啊？這句話是什麼意思？可以教我怎麼講嗎？」再加上那時候社群媒體Instagram才開始比較多人使用，我就想到：「可以創一個粉絲專頁，教大家一點比較簡單的客語單字，這樣大家就不會覺得客語很難學了！所以馬上創立了教客語的粉絲專頁，也繼續考客語認證，持續精進自己的客語能力！」
粉絲專頁創立到現在，也因此認識了很多同樣為了客語可以讓社會大眾看見，一起努力的人。也剛好客家委員會在這幾年積極推動「還我母語」的運動，大家才開始慢慢重視臺灣的本土語言，原本對自己沒什麼自信的我，因為創立粉絲專頁，讓我開始有信心去分享自己熟悉的事情。雖然有時候會有講錯的地方，但這些經驗會變成我成長的養分，讓我的客語能力變得越來越好！
