文／鍾孝昇，國小教師、中壢客家人，這下戴中壢（四縣腔）
總共10禮拜个龍岡國小客家藝文社課程，就在12月初結束了，根據課程設計，在最尾一禮拜，?兜會舉辦成果發表會，分小朋友展出在這擺个課程當中，學著个客家歌曲摎舞蹈。
做主辦人个?，坐在辦公室想去想轉，應該在成果發表會當中，安排哪兜仔活動，來鼓勵這兜小朋友呢？看等窗門外背「客家菜園」種个大菜，旋旋風有了一隻想法：「係啊，無就來辦一隻滷鹹菜个活動好咧。」
故所?先聯絡社區个義工阿婆，請佢做鹹菜料理，乜準備好滷鹹菜愛用到个材料，還借著一大垤篷布，「躪鹹菜」个時節拿來鋪地泥。這擺个客家藝文社成果發表會，暨親子滷鹹菜活動，跈等上場。
今年度龍岡國小客家藝文社，邀請著林彩立先生。林先生係客家電視台「鬧熱打擂台」第五屆个年度總冠軍。這幾隻月，林先生毋驚辛苦，逐禮拜五對苗栗駛車仔到桃園，教小朋友唱客家歌謠摎跳舞，活潑生趣个課程，分小朋友盡好上佢个課。
成果發表會一開始，就由小朋友帶來客家棚頭。1年生个小朋友學習客家話个時間，雖然無幾久，毋過大方个動作，朗朗唸棚頭个聲，大家都拍手阿腦。續等就由小朋友帶來个客家歌曲「農家樂」、「油桐花」、「客家客家」，小朋友舊年既經上過蕭佩茹先生个課了，過加上這擺有林先生个指導，無論係客話个發音，抑係歌曲个旋律，都表現當湛斗。大家都講佢兜做得去參加客家電視台个「鬧熱打擂台」咧。
成果發表會，表演个部分，就在大家个掌聲當中，鬧熱煎煎結束咧，續下來就係親子滷鹹菜个活動。
滷鹹菜係客家人傳統个活動。逐年割好冬禾過後，耕種人就會在田項種大菜，這兜菜收成過後，經過日頭晒軟摎亼鹽， 再過放落大醃缸肚，用大石牯矺等，等佢轉黃發酵，就係客家莊輒常看著个鹹菜。鹹菜个酸香味，做得講係農民經過一年打拚耕種過後，最想鼻著个味緒。
在大菜放到淰淰个篷布項，用鹽摎大菜亼亼啊，大人細子用腳緊躪大菜，踏到軟熟軟熟出水後，放入醃缸裡肚，滷鹹菜就算係做好一半咧，續下來就交分時間來處理了哦。
躪過大菜後，大家个肚屎都枵到變背囊，義工阿婆兜上燒熝熝个鹹菜豬紅湯，還有包了鹹菜炒豬肉个割包，分大家食。好食个鹹菜料理，分大家食到差一息仔就愛摎舌嫲吞入胲咧。
食等用「客家菜園」種个大菜，做出來个鹹菜豬紅湯，?試著這酸香甘甜个味緒，毋單淨像農民一年春耕秋收、苦盡甘來个過程，乜像客家藝文社个小朋友，這幾隻月學習客家文化个經驗。雖然會堵著困難，毋過小朋友還係煞猛打拚，摎客家歌謠、舞蹈學起來，總算無分先生漏氣咧。
鹹菜酸香甘甜个味緒，代表著打拚過後，豐收个心情，用佢來鼓勵小朋友學習客家文化，斷真係相幫相?，非常鬥搭。這隻淰淰鹹菜香个成果發表會，辦到十分成功！
華語
為期10週的龍岡國小客家藝文社課程，在12月初結束，根據課程設計，在最後一週，我們將舉辦成果發表會，讓小朋友展現在這次的課程當中，學到的客家歌曲和舞蹈。
身為主辦人的我，坐在辦公室左思右想，應該在成果發表會當中，安排怎哪些的活動，來鼓勵這些小朋友呢？望著窗外「客家菜園」種的刈菜，突然心生一計：「是啊，不然就來辦一個醃鹹菜的活動好了。」
於是我先聯絡社區的義工阿婆，請他做鹹菜料理，也準備好醃鹹菜要用到的材料，還借到一大塊帆布，「踩鹹菜」的時候墊在地板上。這次的客家藝文社成果發表會，暨親子醃鹹菜活動，隨即登場。
今年度龍岡國小的客家藝文社，我們邀請到林彩立老師。林老師是客家電視台「鬧熱打擂台」第五屆的年度總冠軍。這幾個月，林老師不辭辛苦，每周五從苗栗開車到桃園，教小朋友客家歌謠與舞蹈，生動有趣的課程，讓小朋友非常喜歡上他的的課。
成果發表會一開始，便由小朋友帶來客家順口溜。1年級的小朋友學習客語的時間雖然沒多久，但大方的動作，與朗朗的讀聲，讓大家都拍手稱讚。接著由小朋友帶來的客家歌曲「農家樂」、「油桐花」、「客家客家」，小朋友去年已經上過蕭佩茹老師的課，再加上這次有林老師的指導，不管是客家話的發音，還是歌曲的旋律，都表現得很出色。大家都說他們可以去參加客家電視台的「熱鬧打擂台」了。
成果發表會，表演的部分，就在大家的掌聲中，熱熱鬧鬧結束了，接下來就是親子醃鹹菜的活動。
醃鹹菜是客家人傳統的活動。每年收割二期稻作後，農民便會在田裡種芥菜，這些菜收成後，經過太陽曬軟、撒鹽揉搓，然後放入甕中，用大石頭壓著，等待它發黃發酵，成為客家庄常見的鹹菜。鹹菜的酸香味，可說是農民經過一年辛勤的耕耘後，最想聞到的味道。
在擺滿芥菜的帆布上，用鹽幫芥菜搓揉一番，大人小孩用腳踩著芥菜，踩到軟熟軟熟出水後，放入醃缸裡面，醃酸菜算是就完成了一大半，剩下的就交由時間來處理了。
踩好芥菜後，大家都餓到前胸貼後背，義工阿婆端上了熱騰騰的酸菜豬血湯，以及包了酸菜炒肉的刈包，讓大家品嘗。美味的鹹菜料理，讓大家差一點就把要舌頭都要吞進入喉嚨了。
吃著用「客家菜園」種的芥菜，做出來的客家酸菜豬血湯，我覺得這酸香甘甜的味道，不但像農民一年春耕秋收後、苦盡甘來的過程，也像客家藝文社的小朋友，這幾個月學習客家文化的經驗。雖然會遇到困難，不過小朋友還是勤奮努力，將客家歌謠、舞蹈學起來，總算沒讓老師們漏氣了。
鹹菜酸香甘甜的味道，代表著努力過後，豐收的心情，用它來鼓勵小朋友學習客家文化，確實相得益彰，非常適合。這個充滿酸菜香的成果發表會，辦理得十分成功！
