文／謝宜庭，這下戴新北市 （腔調：四縣腔）

講著避暑，就像「老鼠跌落米缸肚——一重歡喜一重愁。」歡喜个係毋使恁鬥緊打早就渡細人仔去學校，有較多个時間在屋下，感情會還較好；愁个係愛加異多時間顧細人仔，加減會影響著事頭，還愛詳細安排厥暑假活動，三不二時乜會分佢兜搣到像極樂仔樣捩捩轉，歸日仔無閒洎杈，就像三十暗晡个飯甑——無閒。

還記得?讀國小放避暑該下，阿爸、阿姆愛去外背食頭路，?兜細人仔自家主意，食飽就湊伴搞上搞下，無搞到斷烏毋會轉，正經係逍遙自在，還快樂啊。臨尾愛開學了，正想著避暑作業還吂寫，煞煞摎毋知擲到哪位个書包仔尋出來、揙出裡肚一隻字都無寫个字簿仔，想噭就無目汁。阿姆看著?兜逐擺就恁樣及時及急正來緊拚拚仔趕工，就會咄：「恁好膽，兩隻月會過忒了，全全無寫！總下六十篇个日記這下正來做一日寫？仰使寫？留等做嫁妝就好了！」當在該拚事个?兜恬恬毋敢應，在心肝肚愐，「下二擺?定著會早早就寫好，毋會過分人刻了。」毋過「半夜想該千條路，天光本本賣豆腐」，下二擺避暑个時節，又共樣在盡尾日正寫好，實在還毋知死！

有一擺阿爸為著分?兜赴時赴刻寫忒功課，押等人去搬桌仔、凳仔出來，在禾埕項个大樹下比比坐共下寫。?兜像蠕屎蟲樣仔坐毋核，想空想缺想愛趖出去尞，毋過阿爸拿等竹修仔在邊脣掌等，係有生翼胛乜飛毋走，高不將恬恬坐等寫字。仰會知一陣大風吹啊過來，老妹个字簿仔嗄分風吹到泥濫濫个田肚，阿爸遽遽摎褲腳攝起來行落去拈，還過用水道水洗淨來，摎水拂忒過用烤箱摎溼溚溚仔个字簿仔焙燥來。叮！時間到了，出爐个毋係香噴噴个麵包，係焙到歸本皺皺、虬虬个字簿仔，老妹看著斯緊蹬腳緊噭到大嫲聲，噭到?了，正目汁含等拚命寫。見擺?兜姊妹仔都愛寫到眼茫鼻花、手骨痛到像人會斷忒樣仔正寫得好，發夢都會夢著下二擺避暑會有「寫功課機器人」來同??手啊！

這下因爭社會結構同環境个變化，屋下係無人?手，爺哀儕就會安排子女去安親班、補習班抑係參加夏令營，先生會督促細人仔寫功課、學習才藝，還有當多生趣又好搞个活動做得參加，係講有安排好勢，暑假乜做得過到當有意思、當快樂。當然乜有無愛去安親班、大人去哪位佢都愛跈衫尾个細人仔。

避暑時節，無論在市場肚、街路項、捷運抑係火車頂，滿哪仔都加異多細人仔，有參加活動鬧熱煎煎个隊伍；乜有共下出門遶尞，儕儕笑到暢靂靂仔个老嫩大細；有冤家泌背分世大人刻到像食著苦瓜樣仔个細人仔；還有在該緊行緊噭、噭到抽胲另命个細孲仔；無論係歡喜、快樂、發譴、還係悲傷，各式各樣个表情項項有，避暑就像細人仔擎等畫筆，在亻恩俚个生活肚畫上活跳又生趣个色彩，分亻恩俚看著無共樣个景色，乜加添了當多生活个趣味。

華語

一說到暑假，就像是「老鼠跌落米缸裡一樣——一則以喜，一則以憂」。喜的是不用一大早就急急忙忙的送小孩去學校，有較多的時間可以在家裡，感情會變得更好；憂的是要增加許多時間照顧小孩子，多少會影響到工作，還要仔仔細細的安排暑假活動，常常被他們弄到像陀螺一樣團團轉，一整天都非常的忙碌，就像除夕夜的飯桶——完全沒有空下來的時候。

還記得讀國小放暑假那時，爸爸、媽媽必須去外面工作，我們這些小孩子自己當家，吃飽飯就找玩伴到處去玩，沒玩到天黑是不會回家的，真的是逍遙自在，非常快樂哦。最後要開學了，才想到暑假作業還沒寫，趕緊把早已不知所踪的書包找出來、翻出裡面一個字都沒寫的作業簿，真的是欲哭無淚。媽媽看到我們每次都是這樣臨時才要急急忙忙的趕作業，就會罵我們：「膽子這麼大，兩個月都要過了，作業全部都沒寫！總共六十篇的日記，現在要一天寫完？為什麼還要寫呢？留著當嫁妝就好了啊！」正在趕工的我們靜悄悄的不敢回話，在心裡想著：「下次我一定會早早就寫好作業，不會再被罵了啦。」不過想半天都只是空想而已，又放暑假的時候，還不是一樣在最後一天才寫好作業，真是不知悔改！

有一次爸爸為了讓我們能準時寫完暑假作業，押著人去搬桌子、椅子出來，在屋前晒穀場邊的大樹下排排坐好一起寫功課。我們就像糞坑裡的蛆一樣，動來動去的坐不住，想東想西的要溜出去坃，不過爸爸拿著小竹條在旁邊看守著，插翅也難飛啊，不得已只好靜靜地坐著寫字。哪知一陣大風吹過來，妹妹的作業簿卻被風吹到泥濘的田裡，爸爸急忙把褲腳捲起來走去田裡撿，再用自來水洗乾淨，把水甩掉，然後用烤箱把溼答答的作業簿烤乾。叮！時間到了，出爐的不是香噴噴的麵包，而是烤到整本皺皺、捲捲的作業簿，妹妹看到就邊跺腳邊大聲哭嚎，哭到自己覺得累了，才含著眼淚趕緊拚命寫作業。每次個個都要寫到頭昏眼花、手痛到快斷掉了才寫好，作夢都會夢到下次放暑假的時候會有「寫功課機器人」來幫忙我！

現在因為社會結構及環境的改變，家裡如果沒人可以幫忙顧小孩，父母就會安排子女去安親班、補習班或者參加夏令營，老師會督促孩子寫功課、學習一些才藝，還有很多有趣又好玩的活動可以參加，如果安排得好，暑假也可以過得很有意思、很快樂。當然也有一些不想去安親班、大人去哪裡都想跟著去的孩子。

暑假期間不管在市場、街道上、捷運還是火車上，到處都多了許多小孩子，有參加活動熱鬧滾滾的隊伍；也有跟家人一起出遊，個個都開懷大笑的大人小孩；有吵吵鬧鬧被大人罵到像吃苦瓜的樣子的孩子；也有在路上邊走邊嚎啕大哭的小孩；不論是高興、快樂、生氣、還是悲傷，各式各樣的表情樣樣有，放暑假就像小孩子拿著畫筆，在我們的生活裡畫上活潑又有趣的色彩，讓我們看到不一樣的景色，也增加了許多生活的樂趣。