文／賴傳毓，苗栗人，退休公務員（腔頭：四縣腔）
大尖山係一座當竳又當大个山，山腳村在大尖山个山腳下，村民和挼過日仔，今年舊曆過年个時節，迎龍弄獅鬧熱鑼鼓聲，大街細巷響毋恬。
17歲个古添海，逐日就會出去看鬧熱，直直到盡尾一日，當地个政府有一個傳統風俗活動，喊做?龍个民俗活動，添海看忒有一個當深个感覺。?龍个民俗，包含一個商機，一面行等轉屋，一面就盤算愛仰般打幫這隻商機，吂知轉到屋下嗄看着爺哀面臭臭仔緊䁯佢。
清明前一日暗晡，當多男仔人坐到牛眼樹下打嘴鼓。村長䟘起來，想愛行入屋肚，兜出炙茶个傢伙，毋過行無幾步路，旋旋風天搖地動，試着緊來緊厲害，嚴重到強強會企毋核。無幾久又再地動，共樣搖到當嚴重，當多屋仔開始連連續續橫下去，來得掣走命个人，大人細子歸群走到空跡地方來保命。
無幾久又再發生地動，有兜地方个地泥還會扯開來，搣到儕儕發痴驚，尤其脣項無大人帶个細人仔，有兜細人開始噭，肚屎枵愛尋爺哀。
村長看著當毋盼得，遽遽摎細人仔扐到脣項，拐恬後就交分村民?手渡，婦人家去菜園尋還做得食个青菜，男仔人去尋石牯結灶頭，旋旋風看着村長敨大氣，無幾久，眾人看到村長在敨大氣，因為水、钁頭、碗公、瓦斯總下無，愛仰般煮分所有个災民食？
忽然看着有當多大車仔駛入災區，車仔停好，當多人跳下車，下下當多東西，原來係救難人員來支援救災任務，載來各種救濟資源。
大家開始搭篷仔，有人煮分災民食，有人照顧著傷个災民，有兜照顧行動不便个災民、有兜?手照顧無屋下人个細人仔、有人入去災區?手尋該兜出毋來个著傷者、需要急救个受難者，大家共同全力救護衰過个山腳村民。
避難个村民安排定疊過後，村長驚怕細人仔無聊，在該發琢戇，就去偎近个竹園肚，剁了幾支仔竹仔，先算細人仔有幾多儕？開始鋸竹笐，又再剁竹筷仔，因為情況特殊、傢伙又毋罅，故所村長淨有做簡單个極樂仔。
先鋸5公分摎15公分長个竹笐：5公分个竹笐，兩片愛閃開目頭，中間刺一隻細空仔，15公分个竹笐，修到細笐竹筷仔後，一片削尖鑽過竹笐个細空仔，用浸濕个衛生紙來固定竹笐摎竹筷仔後，用手指試轉一下，看佢自家會捩無。
做忒後，逐隻細人仔就分着一隻來搞，逐隻細人仔真遽就搞到麼个就毋記得了，大人看着實在當感慨。
村長煩惱愛仰般分細人仔知，爺哀無在了，還過愁慮愛仰般照顧，這群無爺無哀个細人仔，好得政府當遽來?手，希望這兜細人仔做得順序、平安、康健到長大。
華語
大尖山是一座很陡峭的山，山腳村位在大尖山的山腳下，村民和氣過日子，今年舊曆過年時，村裡敲鑼打鼓、舞龍舞獅，大街小巷熱鬧連連。
17歲的古添海，每天都會跑出去看熱鬧，一直到最後一天，當地的一個傳統風俗活動，叫做?龍。添海看到有一個非常深的感受，包含一個商機，一面走回家，一面就盤算要如何利用這個商機？沒有想到回到家，父母臉臭臭的瞪他。
清明節前一天晚上，很多男人坐在龍眼樹下閒聊。村長站起來，想愛進入屋裡，端出煮茶的器具。不過走沒幾步路，突然天搖地動，感覺越來越厲害，嚴重到差點站不住。沒多久又再地動，共樣搖到當嚴重，當多房子開始陸續倒下去，來得及逃命的人，大人小孩一起跑到空曠地方來保命。
沒多久再度發生劇烈的餘震，有些地方的地面還會撕開，搞到每個人都很害怕，尤其是身邊沒有大人帶的小孩，很多小孩開始哭，也有小孩肚子餓，找不到父母親而哭。
村長看到心不忍，很快把小孩招到自己的身邊，安慰到不哭之後，交給其他村民幫忙照顧，然後拜託婦人家去菜園，還可以吃的青菜，男人去找尋石頭做煮東西簡易的灶。沒多久，許多人看到村長在嘆氣，因為沒有食用水、沒有炊具、沒有餐具、沒有食材、沒有燃料，要如何餵飽倖存的災民？
忽然看到有很多大車子駛入災區，車子停好後，很多人跳下車，找到村長後，開始搬東西下車，原來是外地的救災人員前來支援救災任務，而且載來各地捐助的救濟資源。
大家開始搭帳篷，有人煮食物給災民吃、有人照顧受傷的災民、有人照顧行動不便的災民、有人幫忙照顧沒有家人的小孩、有人進去災區幫忙找尋出不來的傷者、需要急救的受難者，大家共同全力救護可憐的山腳村民。
避難的村民安排妥當後，村長深怕小孩子無聊，就去附近的竹子園，砍了幾支竹子，先算小孩有多少人？就開始鋸竹筒、剁竹筷仔，因為情況特殊、又缺少工具，所以村長只好做簡單的陀螺。
先鋸5公分和15公分長的竹管：5公分的竹管，兩邊要避開竹節，中間挖一個小洞；15公分的竹管，修成竹筷子後，用浸濕的衛生紙，固定竹管和竹筷子後，用手指試轉一下，看它自己會不會轉。
做好後，每個小孩都分到一個，每個小孩很快就玩到什麼都不記得了，大人看到內心感慨萬千。
村長煩惱要怎麼樣讓小孩子知道，父母親已經不在了，也在煩惱要如何照顧這些已經無爺無哀的孩子？好在很快的政府就伸出援手，希望這些小孩可以順利、平安、健康長大。
