「世界客家博覽會」今盛大開幕 接駁車接送假日每10分鐘一班
【華文版】
【蘇佑昇／苗栗西湖海陸腔】由客家委員會和桃園市政府主辦「世界客家博覽會」今天盛大開幕，世客博展覽將從即日起至十月十五日，桃園市府規劃青埔轉運站（桃園高鐵站5號出口方向為客運轉運站）每天上午九點半發車，平日廿分鐘、假日十分鐘一班區內接駁車，讓民眾可以往返高鐵桃園站到世客博的主場館「台灣館」、「世界館」等展區。
世客博展覽期間，主場館周邊的環溪一街、文康路封路改當行人徒步區，實施平假日全日管制，所有車輛不得通行；文康二路、永園路及環溪二街，平假日上午九點至晚上十點禁止車輛進入，僅大客車、工作人員車輛、活動接駁車可由文康二路單向行駛進入。
世客博交通接駁方面，主展館提供橘線（青埔轉運站至青埔地區各展區）接駁路線，首班車為上午九點卅分，平日末班車為晚上七點卅分，假日則服務至晚上九點卅分，平日每廿分鐘一班車，假日十分鐘一班車；另，民眾假日可於中壢火車站搭乘假日接駁線，往返中壢火車站至桃園機場捷運A22老街溪站，轉乘機捷至A19桃園體育園區站，出站步行約五分鐘抵達主展館。
【客文版】
這滿由客家委員會摎桃園市政府共下舉辦个「世界客家博覽會」今晡日開幕，這隻盛大个世界級展覽，會從今晡日起勢延續到十月，推出一系列个精彩策展展區，還有表演活動來迎接從全世界各地來个客家鄉親還有旅客，桃園市政府乜規劃，桃園市中壢區青埔轉運站，逐日朝晨九點半就會有第一枋車仔，接送大家過去世界客家博覽會个主要場館「台灣館」、還有「世界館」這兜展區看策展，這隻接駁車平常時係每20分鐘就有一枋，拜六拜日每十分鐘就有一枋車仔來接送大家去展區，大家做得好好利用這隻交通接駁車。
桃園市政府講，世界客家博覽會展覽期間，從8月11到10月半，主場館周邊个中壢區桃園環溪一街、文康路个路會擋起來，改分行路人通行，車仔全部做毋得通過；另外，中壢區文康二路、永園路摎環溪二街，係平常時摎拜六拜日个朝晨九點起勢到暗晡頭十點之間，車仔做毋得進入，淨做得分客運、工作人員个車仔還有活動接駁車做得在文康二路單向駛入去，請有駛車仔个鄉親做得注意。
最尾，這擺交通接駁車方面，主展館提供柑仔色个路線車仔，係從青埔轉運站到青埔各展區个接駁路線，第一枋車仔係朝晨九點半起勢就會有第一枋，平常時最尾一枋車仔係暗晡頭七點半，拜六拜日个話係最尾一枋車仔係到暗晡頭九點半。另外，這兜接駁車仔平常時係每二十分鐘就有一班車班，拜六拜日係變成十分鐘就有一枋車仔；桃園市政府乜提醒鄉親，假使鄉親係在拜六拜日坐火車，做得到中壢火車站出來之後，坐拜六拜日个接駁車仔，這枋中壢火車站个接駁車會渡鄉親過去桃園機場捷運A22老街溪站，還係講愛坐桃園機場捷運个鄉親，乜做得自家坐機場捷運到A19桃園體育園區站，出來之後行差毋多五分鐘就做得到主場館「台灣館」還有「世界館」。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
