文／黃美貞，係苗栗客家人， 這下戴臺北市。（腔頭：四縣腔）
最近聽著一首安到「朳仔歌」个華語歌曲，歌詞簡單好記，旋律輕鬆又自在，聽過个人就會記得，跈等嘴尾唱。分?想起在莊下戴个時節，屋前屋背總會種有兩頭仔朳仔樹。
?記得叔公屋面前有一頭差毋多一棧樓高个朳仔樹，逐年就打當結，膨尾鼠、鳥仔在樹頂走相逐，等到人上樹摘个時節，輒常分佢兜咬一口，無就伸一析吊在樹頂了，做家个叔婆試著異毋盼得，好好个東西分這兜孤盲頭爽淨淨，又看著伙房个細人仔閒閒打行，盡肯喊?兜去摘朳仔，該時罕得有零嗒好食，有朳仔好塞牙縫仔就暢樂樂仔哩。
隔壁个阿雪仔當會變，聽著湊摘朳仔定著走第一，硬朳仔、黃朳仔全部做得，?看佢摘恁多，問佢愛仰仔變，佢牙西西仔拿出阿婆个刷仔，硬朳仔刷絲做得晒朳仔乾，去碗棧仔摎敬神个托盤揙出來，堵著日頭烈烈个時節，五六盤个朳仔乾，一日就過詐了。佢拈一撮仔請?嘗啊，食起來甘甘，到尾又有一息仔甜味，斯比毋得現下个果乾恁有肉，但係有天然个日?味，吂等著泡茶，打淨食就無幾多下了。黃朳仔蒂頭切忒，對半破析連仁共下打汁盡好，加兜仔糖、攞兜仔冰矻，連食兩、三杯乜無問題。
後來，阿姆在雞塒脣種一頭新品種个盎仔朳，細細頭該下，還特別用網仔箍起來，望毋得著佢開花、結子，總算分?等著了，頭年打無幾多粒，還用袋仔一粒粒仔包起來，一駁仔又打開來看啊，等到歸粒仔白面白面，正好摘下來。?還記得該粒朳仔切幾下㼓，斯細細口仔咬，定定仔噍，朳仔當賁肉，口感幼合脆，還有一息清甜个味道。該幾下年當有食祿，同阿姆共下摘朳仔，坐在廊仔下譫哆打嘴鼓，當難得个一段清閒个朳仔下晝茶時光。
伯公下還有一頭野生个冬朳，天生天養，無放肥乜無淋水，每年打到歸樹仔纜纜吊吊，大叔婆會拿兩隻大家濟仔，細人仔毋使人講，就煞猛蹶上樹摘，緊講緊摘，緊摘緊笑，人多好辦事，三兩下仔就好勢哩！用擔竿㧡轉去，煮一烳鏍水來煠朳仔，歸鑊仔个朳仔拋拋滾，對青轉黃等到變軟兜仔，正用笊撈撈起來，倒到大腳盆，委兜仔鹽花仔、甘草片仔同黃冰沙，摎朳仔共下拋拋仔，灶下門背个細孲仔早就拿便碗公，等叔婆拿鐵杓仔舀，一家屋兜一碗轉屋去，該種朳仔同甘草特別合味，兩碗公乜毋罅?兜食。
現下一年透天全有好食个朳仔，新品種一年比一年多，連頭擺罕得看著个紅心朳仔乜毋會難買，毋過，?還係盡懷念碗公裝个甘草冬朳，該種多少仔澀又帶兜仔甘甘，正係?心肝頭个朳仔味緒。
華語
最近聽到一首歌名叫做「芭樂歌」的華語歌曲，歌詞簡單好記，旋律輕鬆自在，聽過的人都會記得，就能跟著哼起來。讓我想起住在鄉下的時候，住家的旁邊總會種上兩棵芭樂樹。
我記得叔公家前面有一棵差不多一層樓高的芭樂樹，每年都會結滿果實，松鼠、小鳥會在樹上追逐嬉戲，等到人們上去摘果子的時候，常常已經被他們咬了一口，不然就是剩一半吊在樹上，勤儉的叔婆覺得很捨不得，好好的東西被這些頑皮鬼白白浪費了，又看到伙房裡的孩子成天在閒晃，就常常叫我們去摘芭樂，那時難得有零時可以吃，有芭樂可以塞牙縫就很開心了。
隔壁的阿雪很古靈精怪，聽到摘芭樂一定是跑第一，硬芭樂、黃芭樂全部來者不拒，我看他摘很多，問他要怎麼處理，他笑嘻嘻地拿出阿婆的刨絲器，硬芭樂刨成絲可以曬芭樂乾，去碗櫥翻出拜拜用的托盤，遇到太陽很大的時候，五六盤的芭樂乾，一天就大功告成了。他拿一小撮讓我嚐嚐看，吃起來甘甜甘甜的，最後又有一點甜味，當然是比不上現在的果乾那麼有肉，但有天然的日曬味，還沒等到泡茶，當零食吃就已經差不多見底了。黃芭樂去掉蒂頭，對半切連同籽一起打汁是最好的，加些糖和冰塊，連喝兩、三杯也都沒問題。
後來，媽媽在雞舍旁種了一顆新品種的瓶子芭，小小棵的時候，還特別用網子罩起來，盼望著它開花和結果，後來總算被我等到了，第一年沒結幾顆，還用袋子一顆顆包起來，幾天又打開來看一下，等到整顆轉成淺綠色時，才可以摘下來。我還記得那顆芭樂切好幾片，還小口小口的咬，慢慢的咀嚼，芭樂的肉很厚實，口感細緻又爽脆，還帶有一點清甜的味道。那幾年很有口福，和媽媽一起摘芭樂，坐在屋簷下話家常，是很難得的芭樂下午茶時光。
土地公旁還有一顆野生的土芭樂，自然的生養，沒有施肥也沒有澆水，每年都是結滿了果實，大叔婆會拿兩個大家濟袋，小孩子不用人叫，就拼命地爬上樹摘芭樂，邊講邊摘，邊摘邊笑，人多好辦事，一會兒工夫就大功告成了。用扁擔挑回家，煮一鍋的滾水來煮芭樂，滿鍋子的芭樂隨著沸騰的水滾啊滾的，從深綠轉黃綠再變軟些的時候，才用大撈子撈起來，倒到大水盆，撒些鹽、甘草片和黃糖，和芭樂一起充分滾動和勻入味，廚房外的小孩早早就準備好自家的碗公，等叔婆用大鐵勺舀，一家一碗的端回去，那種芭樂和甘草特別對味，就算兩碗公也不夠我們吃。
現在一年四季都有好吃的芭樂，新品種一年比一年多，連以前難得看到的紅心芭樂也不難買，不過，我還是最懷念用碗公裝的甘草土芭樂，那種有點兒澀味又帶點兒甘甜，才是我心中的芭樂味。
