文／蕭宥（學生、台東客家人、現下戴台東，四縣腔）
對你來講，「客家」係麼个？「女性」這角色又代表麼个呢？「靚」同在地客家文化堵著，會發生麼个事情？
讀詩，做得看人个內心世界，乜做得表現出一儕人最真个情感。這幾年來，泅過詩的大海，書寫摎讀著个詩，緊鼓勵?去發現自家个心，去尋麼个正係美好。
客語詩，係?尋著最接近「靚」个所在。
這擺个表演，毋單淨係表演定，?兜定定仔講出客家女性个人生故事，一句句詩詞，包含千萬記憶同心肝肚最真實个感受。
客家女性，在歷史裡背，囥等幾多目汁抑艱辛。講恁樣係「煞猛生活」，毋當講係「齧等牙根照顧一屋下人」，這記憶就偷偷仔分人囥在頭擺歷史个痕跡，到今，總算做得分客家女聲，用最靚个方式講出來。
石頭、腳跡，用輕鬆个腳步，在記憶肚个細路項行行看看，?同阿婆在莊下个回憶，無法度替換，這首拿來表演个詩－〈影〉，講等?个童年生活摎對阿婆个感情。
分人疑狐个係，?從來就無聽過阿婆講還細時節个故事，有成時忍毋核偷偷問佢，佢嗄無想愛回答，總係盡命牯尋其他話題來講。粗粗个手、煞手个身影，阿婆在灶下就恁樣同歲月比比企，分時光跈等洗米水个流向遠方。?兜這代既經無三從四德、無結婚个壓力，甚至，毋會淨擔任人講个「女性角色」，有相夫教子个責任定。
做得做一個新時代个客家後生女詩人，?感恩，在這位做得放勢講?想講个話。
講毋出來个客家話，係?兜堵著最大个挑戰，導演有講著：「初下碼，劇團成員連在大家面前講出一句客家話都感覺見笑，參加个人乜越來越少。」
客家話擲忒強勢語言个殼，展現出最真實个聲音，這係一種幸福。做得講母語、學母語、甚至搞母語，但做麼个都恁自由了，大家嗄毋願講了？
誚㸐、排外、統一主義等，當多「社會病毒」在該壓逼客家，面對邊緣化个族群意識，?兜想做麼个，做得做麼个，這係愛思考个地方。
?識分人問：「客家族群無補助呢，做麼个愛學啊？對未來敢有幫助？」
乜識分人笑：「係毋係做客家傳承活動个人當少，你正分人講『對客家領域當熱心』？」
還分人譴：「客家國際交流？莫『崇洋媚外』啦？像你恁樣用英文傳揚客家，係背祖！」
傳承客家个人當少，這句話顛倒講著了，佢兜明明理解這兜困難，做麼个還毋願為自家个母語同文化企起來發聲呢？可能，大家對客家个印象就係：粄條、花布、食粄圓、斷粢粑這兜。
但係，敢有人想過，係麼人安了這兜刻板印象，用表面个形容定義客家？無毋著，正正係部分客家人，親身在自家身項貼上這兜標頭。
客家活動在恁多社區，打白講淨係食東西、分米粉、擂一碗擂茶、唱條山歌同跳舞就結束了，無人了解、乜無人講出這兜客家美食摎文化有麼先民个智慧、抑係客家遷徙个歷史帶來个地方差別、變化，甚至，有人連這兜美食个客家話都毋曉唸。
客家女聲，?兜用當高个水準來表演，分大家知，原來「客家」係做得同文學、美感、故事、感情同歷史結合，毋係大家人認定个客家，係創新同創意、行向國際化个表演、摎超越現實个靚。聲音、感情、語調同旋律个交織，?兜表演个係世代之間个對話，通過了距離，超越了時間、空間來到客家學堂這垤細細个客家寶地，拍手同細細聲打嘴鼓，都會分這脆命、又靚到講毋得个連結斷忒。毋過就係恁樣个情感，分客家个美好在一?目就連起來了，分人想起頭擺个故事。
這擺表演結束後，一個看起來有90歲个阿婆，牽等?个手，忍毋核緊跌目汁，厥目汁一汀一汀跌在地泥項。佢講：「多謝，多謝你兜講客家話。」
這活動个意義係麼个呢？?想，這阿婆硬喉个感謝，同分詩肚感情餳著个觀眾，就係這擺活動，最好个等路。
華語
對你來說，「客家」是什麼？「女性」這個角色又代表什麼呢？「美」與在地客家文化碰撞，會發生什麼事？
詩是最能展現、通往內心世界的管道，也流露出一個人最細膩的情感。這幾年在詩的海洋中徜徉，書寫與閱讀的詩詞，不斷地激勵我：探索、挖掘自己的內心，找尋什麼才是真正的美。
客語詩，是我找到的，最接近「美」的境界。
這次的展演，不只是一場表演，我們娓娓道出的是客家女性的人生故事，一句句詩詞承載了數以萬計的記憶與內心深處最真實的感受。
客家女性，在歷史的洪流中，隱藏了多少的淚水或艱辛，與其說勤奮的生活著，不如說是「咬牙撐起一個完整的家」，這份記憶就默默被藏在古老的歷史痕跡，如今，終於能被客家女聲用最美的方式訴說。
石頭、腳印，踏上腦海中的小路，踩著輕快的步伐，我與阿婆在鄉間的回憶，是無可取代的，這首表演的詩－〈影〉，凝聚了我的童年風光和對阿婆的感情。
令人疑惑的是，我從未聽過阿婆年少時的故事，有時忍不住偷偷詢問，卻總是被刻意迴避及轉移話題。粗糙的手、俐落的身影，阿婆在廚房裡就這樣與歲月肩並肩，讓時光跟著洗米水流向了遠方。我們這一代不再有三從四德，不再有婚姻的壓力，甚至，不再只能擔任所謂的「女性角色」，被賦予相夫教子的責任。
作為新時代的客家年輕女詩人，我感恩、慶幸，在這裡，我能盡情的說我想說的話。
說不出口的客家話，是我們遇到最大的挑戰，導演提到：一開始，演員連在大家面前說出一句客家話都覺得羞恥，參加的人也越來越少。
客語褪去了強勢語言的外殼，露出最真實的聲音，這是一種幸福。我們現在能夠說母語、談母語、學母語，但為什麼都這麼自由了，人們卻不再願意開口說了？
嘲笑、排外、統一主義等，許許多多的「社會病毒」在欺壓著客家，面臨邊緣化的族群意識，我們想做什麼，能夠做什麼，這是要思考的地方。
我曾被問到：「客家族群沒有補助耶，那幹嘛要學啊？對未來有幫助嗎？」
也曾被揶揄：「是不是做客家傳承的人很少，你才被塑造成「對客家領域很熱心」的形象啊？」
更是被攻擊：「客家國際交流？你不要崇洋媚外吧？你這樣用英文傳揚客家是背祖！」
傳承客家的人很少，這句話倒是說對了，他們明明理解這些困難，卻為什麼還不願意為自己的母語和文化站出來發聲呢？或許人們對客家的印象就是：粄條、花布、吃湯圓、做麻糬等
但，有沒有想過，是誰塑造了這些刻板印象，用表淺的形容去定義客家？沒錯，正是部分的客家人，親手在自己身上貼上了標籤。
客家活動在很多社區間，說白了只是吃吃喝喝、分發米粉、搗搗擂茶、唱唱山歌跳個舞就結束了，沒有人了解這些客家美食或文化蘊含的先民智慧、或是客家移墾史所帶來的區域差別、變化，甚至，有些人連這些美食的客家話都不會唸。
客家女聲，我們用高水準的演出，讓大家知道，原來「客家」可以和文學、美感、故事、感情和歷史結合，不再是大眾認知的客家，而是創新的展演、走向國際化的演出、與超脫現實的美。聲情與韻律交織，我們展演的是世代之間的對話，穿越了距離，跨越了時空來到了客家學堂這塊小小的客家寶地，連拍手與細微的談話，都會讓這份極其脆弱，卻又絢麗無比的連結被打斷。但就是如此細微的情感釋放，讓客家之美在一瞬間被串聯起來，使人憶起塵封的往事。
這次演出後，一位幾乎已經高齡90的阿婆，牽著我的雙手，眼淚止不住的滑落，一滴，一滴的滴落在草地上。她說：「謝謝你，謝謝你們說客家話。」
這場活動的意義是什麼呢？我想，這位阿婆哽咽的感激，以及被詩篇中的感情渲染的觀眾們，就是這場活動最好的饋禮。
