文／鍾孝昇，國小教師、中壢客家人，這下戴中壢（四縣腔）
校狗「來瘋」這駁仔看起來懶??，無麼个愛食東西，成時還會走去公園食草，食草過後還會屙痢肚，帶去分醫生看過，正知係胃腸消化毋好。醫生就摎佢注射、開藥仔，還交代愛摎厥个毛剃較短兜仔，莫分佢熱著。故所轉到學校後，?兜就同來瘋，表演這齣配合五月節到來个「襖婆入甕記」。
首先一開始，?兜先準備好狗仔用个電剪，過用梳仔摎來瘋个毛梳兩三遍，恁仔正方便等一下剪毛。續下來，就來到「襖婆入甕」个第一關—安定來瘋个心情。
因爭電剪會發出「伊伊伊伊」个聲，來瘋又係一隻當會嚇著个狗，故所?兜就請來瘋个好朋友—警衛阿伯來拐佢，還準備佢盡好食个零嗒仔，分佢心情較穩定，就恁樣，來瘋正乖乖分?兜剪毛。
?兜先對厥个背囊開始剪，因為係講對背囊開始剪，較毋會分狗仔試著緊張。毋過，愛記得愛順等毛个方向來剪，下二擺毛正會生著較靚。
剪好圓身後，?兜再過用剪刀，細心細意剪腳項、肚屎，還有屎朏脣个毛。下後，就堵著這齣戲，盡大个難關–修剪頭那个毛。
警衛阿伯先手用摎來瘋个頭那輕輕仔扶等。下後，先生就用電剪細心細意從頭那頂个毛開始剃，正開始該下仔，來瘋還會小可仔緊停動，毋過在先生溫柔个手路下，來瘋頭那頂个毛，一下仔就剃到淨淨又靚靚，乖乖睡在地泥項，就像係童話故事个睡美人樣。
毛剃好了，小朋友就?手摎佢洗身，摎來瘋屙糟个圓身洗淨俐。阿彬同先生講：「來瘋剪毛後，變到還較瘦。」大家詳細一看，發現剪毛過後个來瘋，尺寸正經細了一號。原來，狗仔就摎人共樣，寒天看起來肥卒卒仔，除忒係因為食較多，乜係因為著了一身賁賁个襖婆啊。
客家諺語講：「吂食五月粽，襖婆毋入甕。」來瘋个襖婆，陪佢度過冷咻咻个寒天，還過時時變面个春天。這下來到熱??仔个五月節，?兜?手摎來瘋个襖婆脫下來，送入甕，分佢做得享受透心涼个五月節。
華語：
校犬來瘋最近精神不濟，食慾不太好，有時還會跑去公園吃草，吃草之後又拉肚子，去給醫生看過後，才知道是胃腸消化不良。醫生就幫他打了針，並開了藥，還叮嚀我們要幫他的毛剃短一點，不要讓他熱到。所以回到學校後，我們就和來瘋，表演這齣配合端午節到來的「外套入甕記」。
首先一開始，我們先準備好狗狗用的電剪，再用梳子將來瘋的毛梳個兩三遍，方便等一下剪毛。然後就進入「外套入甕記」的第一關，安撫來瘋的情緒了。
由於電剪會發出「伊伊伊伊」的聲音，來瘋又是隻容易受到驚嚇的狗狗，所以我們請了來瘋的好朋友——警衛伯伯來安撫他，還準備了他最喜歡的零食，讓他情緒比較穩定，就這樣，來瘋就乖乖的給我們剃毛。
我們先從來瘋的後背開始剪，因為若是從後往前剪的話，比較不會讓狗感到緊張。不過，要記得要順著毛髮的方向剃，下一次毛髮才會長得漂亮。
剪完身體後，我們再用剪刀，小心剪腳上、肚子，還有屁股附近的毛。然後就遇到這齣戲的最大難關——修剪頭部。
警衛伯伯先手用將來瘋的頭輕輕扶著，然後，老師就用電剪小心翼翼從頭頂的毛開始剃，剛開始時，來瘋有一點躁動，不過在老師溫柔的手藝下，來瘋頭上的毛，一下子就被剃得光光又漂亮，乖乖睡在地上，就像是童話故事裡的睡美人一樣呢。
剃完毛後，小朋友就幫忙來瘋洗澡，將來瘋骯髒的身體洗乾淨。阿彬向老師說：「來瘋剪完毛後，變好瘦喔。」我們大家仔細一看，發現剪完毛的來瘋，尺寸真的小了一號。原來，狗狗就跟人類一樣，冬天看起來比較胖，除了是因為吃比較多之外，也是因為穿了一身厚重的外套啊。
客家諺語說：「吂食五月粽，襖婆毋入甕。」來瘋的外套，陪他度過寒冷的冬天，及天氣變化不定的春天。現在來到炎熱的夏天，我們幫來瘋把外套脫掉，送入甕裡，讓他能夠享受透心涼的端午節。
