文／黃脩閔，碩士生，埔心客家人，這下戴台北市
客家電視台對2003年7月1日開始，係全世界第一個、乜係目前唯一全程用客家話來報新聞、經營節目个電視頻道。客家電視台，希望自家做得做「世界个客家」，除忒分台灣人看著世界各地个客家文化，乜分世界各地个人看著台灣个客家族群。
今年（2023年）係客家電視台二十週年，6月17日暗晡頭，客家電視台舉辦「客家製譟演唱會」，講个毋單淨係「製造客家音樂」、「傳播客家語言文化」个意思，還有「為客家音樂製造還較多聲音、還較多聲量」个目標，分大家看著客家、聽著客家。
這擺个主題，有「世界个客家」、「好搞个客家」、「新創个客家」、「未來个客家」摎「有故事个客家」。配合無共樣个主題摎歌曲，乜有當厲害个舞台設計、當好个聲光效果，分大家看著，唱客家歌仔，做得像Yappy、彭柏邑、原子少年唱到恁緣投，無論係嘻哈還係舞曲，都做得有客家語言个元素；做得像彭佳慧、魏如萱、黃宇寒樣，唱出細妹人个力量；乜做得像吉那、米莎、官靈芝，唱到恁國際化、恁自然大方；當然，乜做得像生祥樂隊、謝宇威、羅時豐共樣，唱出土地个精神，唱出台灣本土、在地个文化。
天公落水、細妹恁靚、面帕粄、打烏子、曬菜乾、客家山歌……各種客家語言、族群文化，自然表現在舞台頂。在表演个過程，有人用「音樂」認識客家、有人用「語言」認識客家，有人用「美食」認識客家，乜有人係因為歌手講个「客莊故事」、「客家淵源」，第一擺看著客家族群。帶等恁樣个認識，在日常生活也做得繼續看著「族群」。
有一幕，特別分人無法度毋記得、添放忒，謝銘祐唱福佬話、謝宇威唱客話、Sangpuy唱卑南族語，各儕唱等自家个阿姆話，乜唱兜仔別人个母語。該就係台灣个多元族群。就算毋會講、毋曉聽，乜做得好好欣賞，因為正經當靚。
在彭佳慧唱「歸來」這條歌仔以前，佢紹介自家係屏東麟洛人，從細講客家話，到台北過後，在艱苦个時節輒常想起屋下人、熟識个家鄉。佢乜講，佢無想著做得用自家个阿姆話唱歌做專輯。唱這條歌个時節，?看著佢个目汁流下來，?乜恬恬仔噭了。「歸來」，唱个就係恁樣个心情，無論係熟識个家鄉、母語、生活方式，都會分你想著自家个根。
音樂無分語言，音樂顛倒會因為語言个多元，更加特別、有特色；分本土語言一隻機會，你會看著有文化个台灣。
華語
客家電視台從2003年7月1日開播，是全世界第一個、也是目前唯一一個、全程用客家話來播報新聞、經營節目的電視頻道。客家電視台，希望自己能做「世界的客家」，除了讓台灣人看到世界各地的客家文化，也讓世界各地的人看到台灣的客家族群。
今年（2023年）是客家電視台二十週年，6月17日晚上，客家電視台舉辦「客家製譟演唱會」，這個題目的意涵，講的不只是「製造客家音樂」、「傳播客家語言文化」的意思，更加有「為客家音樂製造更多聲音、更多聲量」的目標，使大家看到客家、聽到客家。
這次的主題，有「世界的客家」、「好玩的客家」、「新創的客家」、「未來的客家」和「有故事的客家」。搭配不同的主題跟歌曲，也有非常厲害的舞台設計和聲光效果，讓大家看到，唱客家歌曲，可以像Yappy、彭柏邑、原子少年如此帥氣，無論是嘻哈還是電子舞曲，都可以擁有客家語言元素；可以像彭佳慧、魏如萱、黃宇寒一樣，唱出女性的力量；也可以像吉那、米莎、官靈芝，唱得如此國際化、如此自然大方；當然，也能像生祥樂隊、謝宇威、羅時豐一樣，唱出土地的精神，唱出台灣本土、在地的文化。
天公落水、細妹恁靚、面帕粄、打烏子、曬菜乾、客家山歌……各種客家語言、族群文化，自然地表現在舞台丄。在表演的過程中，有人用「音樂」認識客家、有人用「語言」認識客家，有人用「美食」認識客家，也有人是因為歌手講述的「客庄故事」、「客家淵源」，第一次看到客家族群。帶著這樣的認識，在日常生活也能夠繼續看到「族群」。
有一幕，特別讓人難以忘懷，謝銘祐唱臺灣臺語、謝宇威唱臺灣客語、Sangpuy唱卑南族語，每個人唱著自己的母語，也唱一些別人的母語。那就是台灣的多元族群。就算不太會說、不太能聽懂，也能夠好好欣賞，因為這真的很美。
在彭佳慧唱「歸來」一曲前，他介紹到自己是屏東麟洛人，從小講客家話，到台北後，在辛苦的時候時常想起家人與熟識的家鄉。他也提到，他沒有想過可以用自己的母語唱歌、做專輯。唱這首歌的時候，我看到他的眼淚流下來，我也靜靜地哭了。「歸來」，唱的就是這樣的心情，無論是熟悉的家鄉、母語、生活方式，都會讓你想到自己的根。
音樂不分語言、音樂反而會因為語言的多元，而更加特別、有特色；給本土語言一個機會，你會看到有文化的台灣。
