文／趙叔，文史工作者、客家樂評人，竹東饒平底客家人，這下戴竹東（海陸腔）

得著第一屆金牌農村个新竹縣北埔鄉南埔社區，一溜有「黃金水鄉」个好名聲，今年5月26日到28日辦理一年一擺个「南埔石爺祭」，辦到這下會二十年了，今年活動包含傳統祭禮、農事挑戰比賽摎漫遊劇場等，當鬧熱。

南埔个石爺信仰到今有百年个歷史了，頭擺先民開墾个時節，首先愛摎石牯整理好勢，摎較大个石牯扐到脣頭疊做一區，慢慢仔人試著石牯有靈斯開始拜，後來就變做石爺个信仰。頭擺衛生條件較毋好，細人仔愛健康長大無恁該，爺哀希望細人仔做得摎石牯共樣砸磳，對歲過斯做得揇到石爺面前分佢做契子，分石爺保佑到十六歲長大成人。

延續舊年度得著當多人迴響个「南埔少年轉大人——農事挑戰賽」，今年邀請14歲到26歲个後生人共下組隊參加，用頭擺農事个事頭像破樵、打稈索、擎蔗擎這兜項目來比賽，摎客庄傳統成年禮變做運動比較，用比賽競爭个方式來象徵「轉骨」个艱難，分參賽者了解成年以後會有還較多个家庭摎社會責任，乜分長輩个手藝做得傳承。今年有東吳大學个先生摎學生仔對台北包車來到南埔參加比賽，體驗罕得看著个農事，大學生表示「當困難、原來破樵恁無簡單、手當痠軟」。

另外，今年乜有特別个漫遊劇場表演，用友善環境做核心个理念、得著客家委員會年度藝文團隊个「自然而然劇團」帶來《巡庄少年》个戲齣，這齣戲係講在南埔村大个兄弟，在讀書个時節堵著愛留在家鄉無个問題，摎農村問題同少年个想法準準表現出來。戲劇分做三條無共樣个路線，分別係搞水、親子摎健行這三條路線，分觀眾做得一頭遶尞莊下、一頭看戲，還有聲音个展覽裝置，做得聽著南埔特別个聲，分南埔歸隻莊頭都變做一個劇場，打幫漫遊个方式慢慢來體會石爺信仰文化對客家莊个影響，同時乜用雙腳摎舌嫲這兜五感來體驗農村。

這擺係自然而然劇團在南埔村第四擺个演出，劇團團長年在農村深耕、推廣自然生態摎環境保護，這《巡庄少年》演出个預告片乜係竹東在地个青年規劃拍攝，用輕鬆摎古古琢琢个方式來講家族裡背肚个糾紛，佢个風格在網路頂背乜得到當多个分享摎回應。

華語

榮獲第一屆金牌農村的新竹縣北埔鄉南埔社區，素有「黃金水鄉」的美譽，於5月26日至28日舉辦一年一度的南埔石爺祭，迄今已籌辦近二十年，今年活動包含傳統祭禮、農事挑戰賽跟漫遊劇場等等，相當熱鬧。

南埔石爺信仰已有百年歷史，先民開墾荒土時，首要將礫石層整平方，遂將較大的石頭堆疊成區，漸有靈性，而形成石頭公信仰。也因為早年衛生條件較差，孩子要健康長大並非易事，父母期待孩子能像石頭一樣硬實，只要滿周歲就能抱到石爺面前給祂做義子，接受石爺的庇佑至16歲長大成人。

延續去年度獲得廣大迴響的「南埔少年轉大人-農事挑戰賽」，今年邀請14歲至26歲之少年共同組隊參與，透過農村傳統技藝如劈柴計時賽、打草繩、負重賽跑等多項挑戰，將客庄傳統成年禮轉換成運動賽事，以比賽競爭來象徵「轉大人」的成長艱難，讓參賽者理解成年後將擔負更多的家庭及社會責任，也藉機讓農村長者的手藝得以傳承。今年更有東吳大學的師生特地組團，自台北包車至南埔參賽，體驗難得的農耕技藝，大學生紛紛表示「相當困難、原來劈柴這麼不容易、手真的好痠」。

此外，本年度亦有別開生面的漫遊劇場演出，以環境友善為核心理念、榮獲客家委員會年度藝文團隊「自然而然劇團」帶來戲劇《巡庄少年》，敘述一對南埔村土生土長的兄弟，在求學階段面臨是否要留在村內的掙扎，精準描述農村困境與少年心境。演出將分成三條不同路線，分別為玩水、親子跟健行路線，讓觀眾一邊遊村、一邊看戲，搭配聲音展覽裝置，聆聽南埔的特殊聲景，讓整座南埔村都化身為劇場，藉由漫遊更能深入體會石爺信仰文化對於客家村落的影響，同時也用雙腳及舌尖等五感體驗農村。

本次為自然而然劇團在南埔村第四度演出，劇團長期深耕農村、推廣自然生態環境保護，而《巡庄少年》演出預告片由竹東在地青年規劃拍攝，以詼諧戲謔方式講述家族內的糾紛，其風格也在網路上獲得廣傳。