文／黃筱婷，竹東客家人，這下戴竹東鎮（腔頭：海陸腔）
前駁仔阿姆摎?講，頭擺在屋下?手做事个阿伯著病了，結果無幾多日个時間，該阿伯就過身了；阿伯盡早就跈等阿公食頭路，乜係阿公个學師仔，聽著佢過身个消息，?心肝肚有兜哀傷。
該暗晡?摎阿公个紀錄片重新看加一遍，阿公過身盡多年了，佢係一個起廟師傅，三十歲該年開始，一生人都在該起廟，係一個當了解傳統建築个老師傅。?還記得該當時客家電視台製作一隻安到「世紀个寶貝」个節目，紀錄當多客家前輩个生命故事，其中一位就係?个阿公。
頭擺阿公日時頭出去做事，暗晡頭食飽就會摎阿爸坐在廳下，參詳工程堵著个問題還過解決个辦法，其他時間阿公都會在佢个間肚畫圖；盡多愛起廟摎客家傳統伙房屋个人都會特別來尋阿公?手，還有一兜後生个建築師乜會來屋下拜訪，請阿公?手解答拒兜毋曉个問題。
在阿公七十五歲个時節，「世紀个寶貝」節目組來到屋下，希望做得摎阿公起廟个故事記錄下來，這部紀錄影片个名仔就安到「阿榮伯个文物館」，這個阿榮伯就係?个阿公；在紀錄影片裡背做得看著阿公總係開容笑面，毋過該當時佢其實著病了，但係阿公對待厥頭路當認真，到發病該時，佢還係想愛去起廟現場看啊工程有堵著任何問題無。
阿公在紀錄影片有講著，希望在屋下對面个地坪起一間屋，恁樣就做得摎自家收藏當久个傳統宮廟歷史文物放等在這間文物館內肚；佢認為歷史文物做毋得儘採攉忒，愛好好保存、留分後代子孫，佢兜正知前人做事个辛苦，後輩正做得認真个做頭路，正會出頭天。
毋過當打爽，起文物館个夢想吂有實現，?公斯過身了，逐儕對起文物館个想法都無共樣，所以?知阿公想愛起文物館个想法毋會實現了，毋過?還係盡感謝客家電視台个節目組摎採訪阿公个內容拍成紀錄片；見擺?思念阿公个時節，?總係會看紀錄片裡背佢笑笑咪咪个形影，雖然阿公過身當久了，毋過佢个精神永久在?个心肝肚。
【華文】
前陣子母親和我說，以前在家裡幫忙工作的伯父生病了，結果才沒有幾天的時間，那位伯父就過世了；伯父很早就跟著祖父工作，也是祖父的徒弟，聽到他過世的消息，我的心裡有些哀傷。
那天晚上我把祖父的紀錄片重新再看一遍，祖父過世已經很多年了，他是一位建築廟宇的師傅，三十歲那年開始，一輩子都在建築廟宇，是一位非常了解傳統建築技藝的老匠師。我還記得那時候客家電視台製作了一個叫做「世紀的寶貝」的節目，記錄許多客家前輩的生命故事，其中一位就是我的祖父。
以前祖父白天出去工作，晚上吃飽飯就會和父親坐在客廳，商量工程遇到的問題還有解決的辦法，其他時間祖父都會在自己的房間裡畫圖；很多要建廟和客家傳統三合院的人都會特別來找祖父幫忙，還有一些年輕的建築師也會來家裡拜訪，請祖父幫忙解答不懂的問題。
在祖父七十五歲的時候，「世紀的寶貝」節目組來到家裡，希望可以把祖父建築廟宇的故事記錄下來，這部紀錄片的名稱叫做「阿榮伯的文物館」，這位阿榮伯就是我的祖父；在紀錄片裡可以看到祖父總是面帶笑容，不過那個時候他其實已經生病了，但是祖父對待工作非常認真，到生病那時，他還是想要去建廟現場看看廟宇建築有沒有遇到任何問題。
祖父還有在記錄片裡提到，希望在家裡對面的土地蓋一間房子，這樣就可以把自己收藏很久的傳統廟宇歷史文物放在這棟文物館裡面；他認為歷史文物不可以隨便丟掉，要好好保留給後代子孫，他們才知道祖先工作的辛苦，晚輩才能夠認真的工作，才會出頭天。
不過很可惜，蓋文物館的夢想還沒有實現，我的祖父就過世了，每個人對蓋文物館的想法都不一樣，所以我知道祖父想要蓋文物館的想法不會實現了，不過我還是很感謝客家電視台的節目組將採訪祖父的內容製作成紀錄片；每次我想念祖父的時候，我總是會看看紀錄片中他笑瞇瞇的身影，雖然祖父過世很久了，不過他的精神會永久留存於我的心頭。
