文／黃筱婷，竹東客家人，這下戴竹東鎮（腔頭：海陸腔）

鹿港个古地名係「鹿仔港」，係第一位經由漢人開荒个據點，同時乜係最接近大陸地區个港口，分清朝政府指定做摎泉州府進行商業往來个官方港口，所以鹿港就漸漸發展變做臺灣早期當要緊个航海城市。

頭擺鹿港有一句「見毋著天、見毋著地、見毋著細妹人」个諺語，意思就係中山路兩片商號个屋頂大部分係斜頂，所以過路人摎車仔行過街路項就晒毋到日頭，所以係「見毋著天」；街路大體鋪紅色个地磚，看毋著底下个泥，所以安到「見毋著地」；細妹仔平常時都在屋下無出門，街路項罕得看著細妹人，所以係見毋著細妹人」。

?兜特別行去盡出名个「鹿港天后宮」，這位係唯一敬奉湄洲開基媽祖婆个廟；落去廟坪過後斯看得著三川殿面頂个剪黏，正殿面頭前斯係當重要歷史文物个紅毛泥龍柱，毋過為著驚龍柱分人破壞，所以就用柵仔摎龍柱圍起來；正殿兩片个石雕係「保生大帝」摎「張真人」个傳說故事，?想雕刻這兜當靚个石雕定著盡費時間，行落去正殿裡背，做得看著面頂代表富貴摎吉祥个各種彩畫，逐張畫个畫工實在當幼。

在正殿最頭前个該尊神像就係「湄洲開基媽祖」，在中央个係「鎮殿二媽」，最後背个係「鎮殿媽」神像，在右手片神房內肚供奉个斯係歷史等久个「湄洲媽」，媽祖婆神像个面相看起來當慈祥莊嚴，?誠心誠意來拜，希望媽祖娘娘做得保祐?爺哀摎屋下人身體康健。在神龕兩片，摎人共樣恁高个係千里眼摎順風耳神像，頂背還做得看著清朝時期个三大垤牌匾。

正殿个後背還有八卦形个「天龍池」，頂背係「吾家聖女」个牌匾，下背係興化莆田天后宮个全景圖；另外一片係太歲殿、凌霄寶殿、拜斗廳摎文昌廳。六十個太歲星君六十年輪一擺負責管理人間个吉凶，?盡毋簡單正尋著?自家出世該年个太歲星君；凌霄寶殿供奉玉皇大帝，若係想愛祈求得著功名个人斯係去文昌廳這位參拜。

鹿港有盡珍貴个宮廟古蹟，逐隻所在都會分人試著當鬆爽，?衷心希望鹿港做得保留恁好个文化資產，分所有人都做得來到鹿港，欣賞鹿港這位靚靚个風景。

華語

鹿港的古地名為「鹿仔港」，是第一處經由漢人所開發的據點，同時也是最接近大陸地區內地的港口，被清朝政府指定為可與泉州府進行商業往來的官方口岸，所以鹿港便逐漸發展成臺灣早期非常重要的航運都市。

早期鹿港有一句「不見天、不見地、不見女人」的諺語，意思就是中山路兩邊的商行屋頂大部分是斜頂的造型，行人和車子走在街道上就晒不到太陽，所以為「不見天」；街道多以紅磚鋪地，見不著下方的泥土，所以為「不見地」；各家的女兒大門不出且二門不邁，街道上難以見到女子，所以為「不見女人」。

我們特別走到著名的「鹿港天后宮」，這裡是唯一奉祀湄洲開基媽祖娘娘的廟宇；進入廟埕後即可見到三川殿上方的剪黏，正殿前則是重要歷史文物的水泥龍柱，不過為了避免龍柱被人為破壞，所以就用以欄杆把龍柱包圍起來；正殿兩側的石雕為「保生大帝」及「張真人」的傳說故事，我想雕刻這些很美麗的石頭一定很花費時間，走進去正殿裡面，可以看到上方代表富貴與吉祥的各種彩繪，每張彩繪真是非常精細。

在正殿最前方的那尊神像就是「湄洲開基媽祖」，在中間的是「鎮殿二媽」，最後方的是「鎮殿媽」神像，供奉於右方神房內便是歷史最悠久的「湄洲媽」了，媽祖神像的相貌看起來非常慈祥莊嚴，我也誠心誠意參拜，希望媽祖娘娘可以保佑我的父母與家人身體健康。在神龕兩邊的是與人等身高的千里眼與順風耳神像，在上方還可以看到清朝時期的三大塊匾額。

正殿的後方還有八卦造型的「天龍池」，上方是「吾家聖女」的牌匾，下方為興化莆田天后宮的全景圖；另一側為太歲殿、凌霄寶殿、拜斗廳與文昌廳。六十位太歲星君每六十年輪值一次年負責管理人間的吉凶，我好不容易找到了自己出生當年的太歲星君；凌霄寶殿供奉玉皇大帝，若想要祈求得到功名的人都會來到文昌廳這裡參拜。

鹿港有非常珍貴的廟宇古蹟，每個地方都會讓人感覺很舒服，我衷心期盼鹿港能夠保留優秀的文化資產，讓所有人都能夠來到鹿港，欣賞鹿港這裡優美的景色。