文／邱鴻春，客語支援教師，桃園楊梅客家人（海陸腔）
伯公岡偎音偎音擘光光，1955年改名富岡，原旦想講，看做得慢慢仔發展會較好無，吂知嗄顛到停跎幾十年，完全無民眾做得行尞个位所，毋知會係因為在桃園最南片个壁壢角，分大家毋記得去無?
好得楊梅鎮升市前有起當多公園，伯公岡公園就恁樣形做起來咧，係富岡地區第一隻大型个公園，總算民眾有一隻活動行尞个位所，毋使刊刊（kanˋkanˋ）愛等到富岡國小放學後，正做得落去做運動。
接等桃園縣升直轄市以後，伯公岡公園又再過整理，加種盡多个花樹，有流蘇、櫻花、油桐花，還過當多?喊毋出名仔个花花草草，一年四季全當靚，乜有盡多運動器材做得來使用，公園裡肚還有一隻當大个天幕廣場，乜盡適合一兜團體來辦活動，實在盡湛斗。
桃園燈會在伯公岡雖然結束咧，還有留盡多紅紅个燈籠在樹頂，又加添不少个可看性。加上進前鐵道藝術節留下个藝術裝置，還過脣頭个民生陂陂塘肚乜有，盡值得民眾來運動行尞。民生陂盡闊，陂塘䃗歸圈乜做到盡好勢，有鋪紅毛泥路，還有種盡多矮青仔，行一圈1100步左右，一擺行六圈，一日運動量斯有基本數咧，熱天朝晨，鞋脫忒來行當鬆爽，有腳踏實地、方方吉祥个感覺喔。
民生陂自然生態盡豐富，看得著白鶴、夜鴰，下把還有鴛鴦摎水鴨仔，尤其係看著鴛鴦摎水鴨仔，心情特別好，基本上佢兜大款係歸屋人共下，最少乜有兩公婆共下，盡值得分亻恩俚人類來學習，想看啊，有幾久無摎屋下人共下出去行行尞尞咧？
加幾日仔，就係五月个阿姆節咧，你有準備渡阿姆抑係屋下人去哪位尞？抑係食飯打嘴鼓無？愛遽遽提早規劃喔！若係吂有想著愛去哪位，建議來伯公岡一日个緩緩仔行尞，做得駛車來放在公園脣，乜做得坐火車來，全盡利便。伯公岡公園面前摎脣頭，有盡多間平價親民个小食店摎雜貨店做得利用，假使還係無當中意，就由等民生街行往上，五分鐘左右會到大井頭，這脣頭有當多間傳統个客家點心店，其中有一間百年老店，最有名个係薑絲炒粉腸，做得食看啊欸。
華語
伯公岡諧音脫光光 ，1955年改名富岡，原本想說，看可以慢慢發展會比較好嗎，殊不知卻反而停頓了幾十年，完全沒民眾可以走動遊玩的地方，不知道是因為在桃園最南邊的偏鄉嗎，被大家給遺忘了？
幸好楊梅鎮升市前蓋了很多公園，伯公岡公園就這樣誕生了，是富岡地區第一個大型的公園，總算民眾有一個活動運動的地方，不用一定要等到富岡國小放學後，才可以進去做運動。
接著桃園縣升直轄市以後，伯公岡公園又再加強整理過，多種很多的花和樹，有流蘇、櫻花、油桐花，還有很多我叫不出名字的花花草草，一年四季都很漂亮，也有很多運動器材可以使用，公園裡面還有一個很大的天幕廣場，也很適合一些團體來辦活動，實在是很棒。
桃園燈會在伯公岡雖然結束了，留下了很多紅紅的的燈籠在樹上，又增加不少可看性。加上之前鐵道藝術節留下的藝術裝置，還有旁邊的民生池裡面也有，很值得民眾來運動遊玩。民生池很寬，池塘邊走道整圈也做得很好，有鋪水泥路，還有種很多矮綠植物，走一圈1100步左右，一次走六圈，一天運動量就有基本量了，在夏天的早上，鞋子脫掉走很舒服，有腳踏實地、四方吉祥的感覺喔。
民生池自然生態也很豐富，看得到白鷺鷥、夜鶯，有時候還有鴛鴦和水鴨子，尤其是看到鴛鴦和水鴨子，心情特別好，基本上他們大部分是全家人一起的，至少也有夫妻倆一起，很值得我們人類來學習，想想看，有多久沒和家人一起出去走走遊玩了？
再過幾天，就是五月的母親節了，你有準備帶媽媽還是家人去哪裡玩？還是吃飯聊天嗎?要快點提早規劃喔！如果還沒有想到要去哪裡，建議來伯公岡一天的慢活遊玩，可以開車來放在公園旁，也可以坐火車來都方便。伯公岡公園前面和旁邊，有很多家平價親民的小吃店和雜貨店可以運用，假使還是沒有很喜歡，就沿著民生街往上走，約五分鐘左右會到大井頭廣場，這旁邊有很多家傳統的客家飲食店，其中有一間百年老店，最有名的是薑絲炒粉腸，可以吃看看喔。
