文／曾秀英，胞衣跡係桃園縣，四縣客家人，現下係醫院職員（大埔腔）

台中市東勢區係台灣唯一講大埔腔个所在，毋單淨同大家輒輒講个華語、學老話無共款，同其他客家莊使用个四縣腔、海陸腔乜無共款，大埔腔係對廣東省大埔縣高陂鎮來，這項語言个考證，係過身个客語文化工作者徐登志，佢幾下年前親身去中國調查个結果。

徐登志先生胞衣跡在東勢，阿公對廣東蕉嶺來，屋下講阿公个腔調，細漢讀書了後，厥腔調分同學笑，無同學愛同佢尞，當時佢斯種下對自家鄉土文化有興趣个種仁。在五十歲个時節，佢堵好去報名民間文學研習活動，斯喊醒佢對文化个興趣。

佢同一陣東勢人成立「台中縣客家文化協會」，佢乜係客家鄉土文化陣營个重要人物，當抽間做事，乜發現當多生趣个事情。在收集民間文化个過程中，徐先生發現，老伯姆有當多黃色个故事，當肯分享，講到當精彩，無像老阿伯自家講黃色故事講到當暢，錄音機開啊去，斯無愛講哩。還有，讀書人同社會一般人無共款，受著較高教育个人會將原來日常生活講个話改撇，毋過，正正个民間文學係一般人直接講出原來个語言同故事，恁泥較有價值！

徐登志先生為著推動客家文化，用各色各樣个方式，分東勢人了解故鄉特別个大埔腔。佢出版東勢鎮客語歌謠，拜託校園民歌金鼎獎得獎个邱晨同〈羊咩咩十八歲〉童謠來譜曲，乜尋學老婿郎蘇生勇先生同〈牛車崎〉譜曲，邀請東勢國小合唱團錄製客家童謠。佢乜將〈雨夜花〉、〈月夜愁〉、〈四季紅〉等曲改用客語演唱。佢整理民間故事，斯用講古个方法來推廣，盡特別。

斯恁泥，一步腳、一步腳同東勢人尋著對廣東大埔縣个語言重要个所在，毋會毋記得祖宗講个話，定定尋著大埔客家人自家个語言。徐先生過身一年咧，斯用這文章紀念這個身上流等客家血統个先生，佢用客家人个硬頸精神，五十歲後投入大埔客語个推廣，盡尾，打拚出大埔腔客語一片天，正經無簡單！

華語

臺中市東勢地區的客語大埔腔在臺灣是獨一無二的語言，不僅不同於最普遍使用的華語、閩南語，也跟其它地區較常使用的客語四縣與海風、陸風仍有不同，而是來自廣東省大埔縣高陂鎮，這項語言的考證，是來自已故的文化工作者 徐登志，多年前親赴中國考查的結果。

徐登志為土生土長的東勢人，爺爺來自廣東焦嶺，家中從小講爺爺的話，上學後，同學取笑他的腔調，不跟他玩，也許那時就種下他對鄉土文化好奇的種子。直到五十歲無心插柳報名民間文學研習活動，喚醒他的文化覺醒。

她和一群東勢客家人共組「臺中縣客家文化協會」，她也成為客家鄉土文化陣營中的一員大將，積極投入，也發現很多趣事。采錄民間文化的過程中，徐登志發現，老太太大方提供各種葷素不拘的鄉間傳說，內容十分精彩，不像老先生自己說得開心，錄音機一開就閉口不談。還有，最明顯的區別就是讀書人跟市井小民，受過高等教育的人往往習於改掉原始用語，但對民間文學紀實性而言，市井小民直接反映故事原貎，反而來得更有價值。

在推動客家文化的努力上，徐登志無所不用其極，用盡她能想得到的各種方法，讓更多人瞭解認識家鄉特殊的大埔腔。出版東勢鎮客語歌謠後融入低年級唱遊，請出校園民歌金鼎獎得主邱晨譜寫東勢有名的羊咩咩十八歲，又找閩南籍女婿蘇生勇譜出牛車崎等曲子，由東勢國小學生合唱團錄製出版客家童謠。甚至將雨夜花月夜愁四季紅等曲，改用客語演唱。最特別的是，她整理改寫采錄來的民間故事，以講古方式進行推廣。

就這樣，一步一步為東勢人找到來自廣東大埔縣的語言定位，不讓祖先的話面臨被泡沬化的危機，找到歸屬。徐登志老師去世一周年，茲以此文紀念流著客家血液的女性，她用客家硬頸精神，五十歲後投入大埔客語之推廣，最後，為大埔腔客語打拚一片天，實在不簡單啊！