文／林淳華，籍貫彰化縣，胞衣跡係基隆市，係學老人，戴豐原，研究東勢基礎產業。（大埔腔）
三月十一在台中洲際棒球場打个經典賽裡肚，吳哲源係中繼投手，總下擲六十球四點一局，封鎖了荷蘭个打擊。佢係台中沙鹿人，高中讀東勢高工，因致這場比賽，佢分全世界看著，佢正正係台中、東勢風神个人物。
吳哲源係台中北勢國小、國中畢業，佢雖然有參加少棒隊，毋過，無人聽過厥名，高中該滿，佢尋無棒球隊好參加，過後東勢高工棒球隊尋佢來參加第一屆个棒球隊，該央時總教練係林仲秋，佢頭擺係中華職棒當有名个選手，吳哲源後來到高雄讀高苑科技大學，2016年到今，佢係中華職棒中信兄弟野球隊个隊員。
本成在經典賽个訓練該下，吳哲源無分教練選著正式選手，過後，因致正式个投手曾仁和腰骨毋鬆爽，無法度擲球，佢正使得參加國家隊，上場擲球，同荷蘭比賽該場，佢表現當穩當，擲球時，面項看毋出表情係歡喜、抑係緊張，單淨同捕手頷頭、搖頭，斯恁泥，荷蘭選手無法度對厥手項得著分數，分台灣選手試著心神定疊，放勢牯打出安打、全壘打，盡尾，台灣隊九比五贏荷蘭隊。
吳哲源係東勢高工培養出來个球員，這滿乜算係台中東勢个風神人物。愐著921大地動過後，東勢高工歸學校倒撇，差一屑屑愛徙到台中大雅去，該時鎮長想辦法留學校落來。東勢做建築个人士認為，地動造成教室倒撇，若係連學校乜徙走，恁泥，東勢嗄連共同記憶个學校乜無撇，乜毋會有林先生做東工棒球隊第一任个教練，乜無吳哲源來東勢高工打棒球个歷史了。
吳哲源係台中人，乜係東勢高工校友，佢在經典賽个表現，在東勢社群網站討論到鬧熱煎煎，東勢國中个陳先生講：「感謝曾仁和，分世界看著吳哲源！」一個姓許个網友講佢係東勢人，這下戴沙鹿，哲源確實戴在北勢這片，北勢國中棒球隊在沙鹿乜當有名，因為厥屋下係兄弟隊个粉絲，佢長在行去北勢國中，厥妹家在東勢區新盛里，轉妹家時，乜長在去東勢高工遶遶哩，行過哲源行過个路，這係粉絲自家朝聖个方式。
亻恩等當歡喜吳哲源頭擺在東勢客家庄讀書同打球，雖然毋知東勢對佢有麼个影響，毋過，吳哲源一路行啊來，雖然無順順利利，佢刻苦堅耐，一步一腳跡，變成台中同東勢風神个人物，正經係後生人个榜樣。
【華文】
三月十一日在台中洲際棒球場的經典賽中，吳哲源擔任中繼投手，投了六十球4.1局，成功封鎖荷蘭的打擊。他是台中沙鹿人，且高中念東勢高工，因為這場球賽，讓他被世界看見，他等於是台中之光，東勢之光。
吳哲源畢業於台中北勢國小、北勢國中少棒隊，國中、國小都默默無名，高中時，沒有球隊找上他，後來他輾轉來到東勢高工，參加東工的第一屆棒球隊，當時東勢高工棒球隊總教頭正是赫赫有名的林仲秋，吳哲源後來到高雄高苑科技大學讀書，2016年至今，為中華職棒中信兄弟棒球隊隊員。
本來在經典賽的集訓時吳哲源被刷掉，後來因為正選投手曾仁和在練球時腰部緊繃退出，他才候補上場，在對荷蘭賽局中，他表現沈穩，完全不受到外界干擾，投球時，表情也看不出開心、還是緊張，只有和捕手點頭、搖頭的動作，成功封鎖荷蘭選手的打擊，這下如同讓台灣選手吃了定心丸，拼命打出安打、全壘打，最後以九比五勝荷蘭。
吳哲源是東勢高工棒球隊培植出來的球員，也算是台中東勢之光，在 921大地震之後，東勢高工差點要搬遷到大雅去，當時鎮長阻止，地方建築業人士認為，如果連東勢高工都遷移，那等於消失了一個東勢人共同記憶的學校，也就不會有林仲秋擔任東工第一任教練，也不會有吳哲源參加東工棒球隊了。
吳哲源身為台中人、東勢高工校友，他在經典賽的表現，在東勢社群網站上也引發熱烈討論，東勢國中陳老師說：「感謝曾仁和，讓世界看見吳哲源！」一位許姓網友說，她是東勢人，目前住在沙鹿，哲源確定住在北勢這邊，北勢國中棒球校隊在這也蠻知名的，因為她家中都是兄弟球迷，常晃到北勢國中，她娘家在東勢區新盛里，回娘家的時候，就常常晃去東勢高工，走過他曾經走過的地方，這是屬於球迷的朝聖方式。
我們很高興吳哲源曾經在東勢客家庄讀書和打球，雖然不知道東勢對他有什麼影響，但是吳哲源一路走來，雖然不是很順利，但是他刻苦耐勞，一步一腳印，成為台中之光、東勢之光，真的是年輕人的榜樣。
