文／鍾孝昇，國小教師、中壢客家人，這下戴中壢（四縣腔）
在上一篇文章（【寫客文】認識救難小英雄）當中，同大家分享有關救難犬來?學校——龍岡國小，摎同學交流个活動，乜簡單說明救難犬訓練个過程。毋過?感覺該篇文章，無摎這兜救難英雄紹介清楚。又再看一擺文章，正發現?嗄漏寫這兜照顧、訓練救難犬个領犬員。故所，這篇文章就愛渡大家認識全台灣唯一得著國際救難犬審查員資格个詹天文教官，這個來自苗栗罩蘭客家莊个神隊員。
詹天文教官，在內政部消防署搜救大隊服務，到今有二十年了。本旦佢係?手直升機救災个人員，一擺个意外，手著傷當傷重，無辦法繼續原來个工作。堵好該央時，消防署愛成立救難犬小組，佢評估自家个能力，還過長官个推薦下，詹教官就加入救難犬小組。
雖然屋下有畜過狗，自家乜當惜狗，毋過正加入救難犬小組該下，詹教官就堵著當多个難題，最輒常發生个情況，就係想要喊狗仔來，這兜狗仔就仰般都毋搭你，毋摎你應聲。下後有一個學長，教佢這兜狗仔行為个專業知識，正分佢知著，原來訓練一條救難犬，實在無恁該。
詹教官表示在生活當中，狗仔不時就摎你傳達信息，無論係用大嫲聲吠，餳你注意，抑係緊拂尾，表達想愛摎你搞个意思，做為一个專業个領犬員，愛了解狗仔這兜行為背後个意義，正做得建立深厚个信用關係。另外，這樣也可以較早發現狗仔个健康問題，帶去分醫生治療。
訓練一條救難犬个過程，就像摎狗仔共下搞共樣，逐擺救難犬完成一項任務，領犬員就愛鼓勵佢，摸一下佢，也係分佢食兜仔肉都做得。另外，乜愛訓練佢兜服從主人个命令、習慣生分个環境，還有用心在救難个過程等等，這兜過程都愛有領犬員个陪伴正做得完成。
除忒愛了解狗仔行為背後个意義，詹天文教官經過恁多年訓練救難犬个經驗，佢發現愛培養一隻做得出任務个救難犬，最重要个就係愛摎狗仔建立當深个感情，分狗仔信任領犬員。「就像『樂樂』這條救難犬，就係?從佢一歲就開始畜，?兜經過當多擺个任務，雖然這下佢去到總統府過退休个生活，毋過?還會不時想著摎佢共下生活个時節。」
摎狗仔共下做事恁多年，詹教官感覺共樣係狗仔，街路項仰會有恁多流浪狗？共樣係生命，流浪狗个生命仰會無受著尊重？故所這幾年，佢開始關心動物保護个議題。「?希望逐儕人都做著認識動物行為背後个意義，大部分个動物都毋會主動傷害人，有正確个觀念，就做得摎這兜動物和挼相處。」
分?問著仰會對訓練救難犬有興頭呢？詹教官想著頭擺在苗栗罩蘭食水坑老屋个時節。
「厥爸逐日天吂光，就愛去田項做事。每一擺佢拿起掛在門項个鎖匙，屋下兩條狗仔黏時企起來，跈著阿爸共下去田項，耕田又耕埔，做到兩頭烏。雖然毋盼得佢兜恁辛苦，毋過想著有這兩條狗仔做伴，分在外背食頭路个佢感覺較安心。」
自細就摎狗仔共下生活，還有客家人个勤儉同煞猛，分佢當遽就熟絡救難犬訓練个工作。佢摎同事共下訓練个第一條救難犬，乜得著國際認證，到這下，分詹教官訓練過个救難犬，通過國際認證个就有十過條。雖然因為職務調度个關係，詹教官這下離開了救難犬訓練个工作，毋過，佢救人、救災个熱情，還係摎正加入消防工作該央時共樣。
每一擺大地動過後，這兜救難小英雄跈著領犬員在救難現場，用專業能力，?手尋人、救人。佢兜係共下出任務个同事，乜係互相幫助个「神隊員」，下二擺係講有看著這兜「神隊員」，請多多分佢兜支持摎鼓勵。
華語
在上一篇文章當中，和大家分享有關搜救犬來我的學校–龍岡國小，和同學交流的活動，也簡單說明搜救犬訓練的過程。不過我感覺那篇文章，沒有將這些救難英雄介紹清楚。回頭再看一遍文章後，才發現我竟然漏寫這些照顧、訓練搜救犬的領犬員。所以，這篇文章就要帶領大家認識全台灣唯一得到國際救難犬審查員資格的詹天文教官，這位來自苗栗卓蘭客家莊的神隊員。
詹天文教官，在內政部消防署搜救大隊服務，至今有二十年了。他本來是協助直升機救災的人員，一次的意外，讓他的手嚴重受傷，無法繼續原來的工作。剛好那時，消防署要立搜救犬小組，在評估自己的能力，以及長官的推薦下，詹教官就加入搜救犬小組。
雖然家裡曾經養過狗，自己也很愛狗，不過剛加入搜救犬小組時，詹教官就遇到許多的難題。最常發生的情況，就是想要叫狗過來，這些狗卻怎麼樣都不理睬你，不與你回應。後來有一位學長，教他有關狗狗行為的專業知識，才讓他知道，原來訓練一隻搜救犬，實在沒那麼容易。
詹教官表示生活當中，狗狗不時就想與你傳達信息，不論是用大聲叫，吸引你注意，或是一直搖尾巴，表達想要與你玩的意思，做為一位專業的領犬員，要了解狗狗這些行為背後的意義，才能建立深厚的信用關係。另外，這樣也可以及早發現狗狗的健康問題，帶去給醫生治療。
訓練一隻搜救犬的過程，就像與狗狗一起玩一樣，每次搜救犬完成一項任務，領犬員就要鼓勵他，摸一下他，或是給他一點肉當獎勵都可以。另外，也要訓練他服從主人的命令、習慣陌生的環境，還要用心在救難的過程等等，這些過程都要有領犬員的陪伴才能夠完成。
除了要了解狗狗行為背後的意義，詹天文教官這麼多年訓練搜救犬的經驗，讓他發現要培養一隻可以出任務的搜救犬，最重要的就是要和狗狗建立深厚的感情，讓狗狗信任領犬員。「就像『樂樂』這隻搜救犬，就是我從他一歲就開始養，我們一起經過許多次的任務，雖然現在他去到總統府，過退休的生活，不過我還會不時想到與他一起生活的情形。」
跟著狗狗工作這麼多年，詹教官感覺一樣是狗，馬路上怎會有這麼多流浪狗？一樣是生命，流浪狗的生命為什麼不受到尊重？因此這幾年，他開始關心動物保護議題。「我希望每個人都能認識動物行為背後的意義，大部分的動物都不會主動傷害人，有正確的觀念，就能夠和這些動物和平相處。」
被我問到為何會對訓練搜救犬有興趣呢？詹教官想起以前在苗栗卓蘭食水坑老家的時候。
「我爸每天天未亮，就要去田裡做事。每一次他拿起掛在門上的鎖匙，家裡兩隻狗馬上起身，跟著爸爸一起去田裡，作各種農事，忙到天黑才回家。雖然我不忍心他這麼辛苦，不過想到有這兩隻狗的陪伴，也才讓在外面工作的他稍稍感覺安心。」
從小和狗狗一起生活，還有客家人的勤儉努力的態度，讓他很快就熟悉搜救犬訓練的工作。他和同事一起訓練的第一隻搜救犬，也得到國際認證。至今，詹教官訓練過的搜救犬，通過國際認證的，就有十過條。雖然因為職務調動的關係，詹教官現在已經離開搜救犬訓練的工作，不過，他救人、救災的熱情，還是和剛剛加入消防工作時一樣不變。
每一次大地震過後，這些救難小英雄跟著領犬員，在救難現場，用專業能力，幫忙尋人、救人。他們是一起出任務的同事，也是互相幫助的「神隊員」。下一次若是看到了這些「神隊員」，請多多給他們支持與鼓勵。
