全民普發6000　周三3/22起這樣登記！

2023年03月20日

00:00

「七十三公忠義廟春祭大典摎閹雞比賽活動」

【蘇佑昇／西湖海陸腔】客家委員會副主任委員周江杰昨晡日朝晨去到桃園市龍潭區，代表客委會主委楊長鎮出席「七十三公忠義廟春祭大典摎閹雞比賽活動」，摎因為1895年「乙未保台戰爭」過身个七十三儕客家先烈致敬，也希望這隻活動做得分大家持續傳承客家先民保鄉衛土个忠義精神。

周江杰表示，1895年乙未戰爭該時，龍潭對抗日本个義勇軍用生命保衛自家个鄉土，這兜義勇軍毋單淨係客家人定定，也有河洛人摎原住民各族群參與，共同保衛台灣，所以希望透過七十三公忠義廟个年度祭典活動，做得分龍潭个子弟瞭解這段歷史記憶，也希望大自家做得傳承客家先民保鄉衛土个忠義精神。

客委會副主委周江杰3月19日早上前往桃園市龍潭區，代表主委楊長鎮出席「七十三公忠義廟春祭大典暨閹雞比賽活動」，向1895年「乙未保台戰爭」壯烈犧牲的七十三名客家先烈致敬。客委會提供

客委會副主委周江杰（左四）3月19日早上前往桃園市龍潭區，代表主委楊長鎮出席「七十三公忠義廟春祭大典暨閹雞比賽活動」，向1895年「乙未保台戰爭」壯烈犧牲的七十三名客家先烈致敬。客委會提供

政府發放新台票6千箍會在這禮拜三陸續開放登記

財政部今晡日表示，政府發放新台票6千箍，有5隻領錢个管道，假使鄉親想愛這6千箍直接匯到銀行个戶頭，鄉親做得在3月22到3月26這幾下日提前去網路登記，毋過3月22到3月26係身分證最尾號碼登記个分流方式，像係第一日3月22做得登記个身分證號最尾號碼係0還有1，到了3月23係2還有3、3月24係4摎5、3月25係身分證最尾號碼係6摎7、3月26係8摎9。

另外，數位部也講，3月27之後，所有符合領錢資格个鄉親，全部做得上網登記（https://6000.gov.tw），毋過提醒鄉親，無論哪時上網登記，全部愛等到立法院完成三讀，還有等到總統公布生效之後，這6千箍正會陸續分鄉親領著，數位部也表示，這隻登記个系統，會持續提供服務最少6隻月，鄉親毋使愁，也毋使一定愛趕遽愛在第一時間登記。

目前這隻發放6千箍分鄉親个預算案，全名係「中央政府疫情之後強化經濟摎社會韌性摎全民共享經濟成果特別預算案」目前還在立法院審查當中，目前各黨團同意在3月24院會表決處理，完成三讀个程序。假使3月24表決通過，3月25下晝就會送到總統府，假使完成法定个程序，就會在總統公布預算案生效之後个第5個營業日陸續匯錢到鄉親个戶頭。