劍指TikTok 美國參議員將提案立法禁外國科技產品
【王于郡／南投四縣腔】美國眾議院外交事務委員會在三月初一表決通過，分總統拜登禁止TikTok个權力，這會係美國對社群媒體做出个最大限制。白宮上禮拜分政府機構一個月个期限，愛來確定聯邦裝置同系統裡肚無安TikTok，美國會有30個州、加拿大還有歐洲聯盟政策機構也既經禁止在公務裝置來下載TikTok。華納表示，TikTok發分用戶个影片類型，分大自家當愁該影片「可能會變到宣傳个工具」，佢兜希望做得在一禮拜之內來正式宣布提出這項法案。（中央社）
馬祖莒光海象不佳無法運補 運輸機將空運副食
陸軍馬祖防衛指揮部發布新聞稿表示，負責運送補給冷凍副食个軍租民船，這駁仔因為海頂項个情況無好，後來又因壞忒在整，故所無法肚順序運送物資，莒光地區貨源有限，還過廠商供貨也有無穩定个情形，故所這兩日仔肉仔个供應較無罅，暫時會用軍用罐頭來代，其他食材都當足，毋係像網路頂項講个淨伸白米飯定定。指揮部強調，既經協調南竿个廠商今晡日?送冷凍肉仔到莒光地區，另外，陸軍司令部對官兵个生活照顧當重視，針對軍租民船个問題，也會先用C-130運輸機?送物資，來滿足官兵个需求。（中央社）
葡萄牙藝術家費雷拉個展 以畫回顧疫後世界
這擺「戶外-獻分後疫情世界个畫作」個人展覽當中，會來展出Ferreira 30零幅最新个作品。安卓藝術表示，2020年因為COVID-19疫情分歸個世界都無結無煞个時節，Ferreira深深感受著限制行動个規定對生活个影響有幾大，這種突然無法度同社會互動个感覺，引起佢深深个疏離感，同時也刺激了佢个創作慾望， Ferreira个個人展覽會在台北安卓藝術展出到4月14號。（中央社）
【客文版】
美國愛立法禁止外國科技產品
美國眾議院外交事務委員會在三月初一表決通過，分總統拜登禁止TikTok个權力，這會係美國對社群媒體做出个最大限制。白宮上禮拜分政府機構一個月个期限，愛來確定聯邦裝置同系統裡肚無安TikTok，美國會有30個州、加拿大還有歐洲聯盟政策機構也既經禁止在公務裝置來下載TikTok。華納表示，TikTok發分用戶个影片類型，分大自家當愁該影片「可能會變到宣傳个工具」，佢兜希望做得在一禮拜之內來正式宣布提出這項法案。
馬祖莒光運輸副食品
陸軍馬祖防衛指揮部發布新聞稿表示，負責運送補給冷凍副食个軍租民船，這駁仔因為海頂項个情況無好，後來又因為壞忒在該整，故所無法度順序運送物資，莒光地區貨源有限，還過廠商供貨也有無穩定个情形，故所這兩日仔肉仔个供應較無罅，暫時會用軍用罐頭來代，其他食材都當足，毋係像網路頂項講个淨伸白米飯定定。指揮部強調，既經協調南竿个廠商今晡日?送冷凍肉仔到莒光地區，另外，陸軍司令部對官兵个生活照顧當重視，針對軍租民船个問題，也會先用C-130運輸機?送物資，來滿足官兵个需求。
葡萄牙藝術家Ferreira 個人展覽
這擺「戶外-獻分後疫情世界个畫作」個人展覽當中，會來展出Ferreira三十零幅最新个作品。安卓藝術表示，2020年因為COVID-19疫情分歸個世界都無結無煞个時節，Ferreira深深感受著限制行動个規定對生活个影響有幾大，這種突然無法度同社會互動个感覺，引起佢深深个疏離感，同時也刺激了佢个創作慾望， Ferreira个個人展覽會在台北安卓藝術展出到4月14號。
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
