水情黃燈嘉市要求洗車、三溫暖業者減量供水

2023年03月03日

00:00

水情黃燈嘉市要求洗車、三溫暖業者減量供水

【王于郡／南投四縣腔】嘉義市政府今晡日發布新聞稿指出，嘉義市个水情到「黃燈」等級了，市政府要求嘉義市工業用戶自主省水百分之七，逐隻月使用1000度以上个非工業用水戶愛減量供水百分之二十，係講使用1000度以上个工業用水戶、游泳池、洗車、三溫暖同水療業者，還有其他毋係生活一定愛用个水，愛減量供水百分之十到二十。嘉義市政府也會透過資源回收車廣播、有線電視个訊息播送摎市政府官方line這兜多元管道來宣導節約用水，嘉義市水資源回收中心會提供回收个水，分環保局洗街路、淋公園个植物、分建築工地來使用。（中央社）

918台東強震重建花蓮六十石山北側道路封閉

花蓮富里鄉六十石山兩條聯外車路，因為舊年9月18號个台東地動造成幾下位崩山，雖然搶通了，毋過不時還係會有小可崩山个現象，富里鄉代理鄉長江東成今晡日接受媒體聯訪指出，兩條聯外車路修整工程，既經得著行政院公共工程委員會補助新台票九千萬個銀，目前在設計規劃階段，按算今年5月起榼，會在過忒年金針花季前來完工，施工期間偎竹田村个聯外車路會採取管制。江東成講，今年花季个交通還在討論，到時可能會用接送个方式來?手遊客。（中央社）

中部以南擴散較差中部高屏空氣品質亮橘燈

環保署空氣品質監測網顯示，今晡日个環境風場係東北風，中部往南个空氣品質區係在下風處，較會累積污染个東西，除忒雲林、嘉義、台南局部地區短時間會來到柑仔色等級，中部、高雄、屏東會維持柑仔色等級，這空氣品質對敏感族群係無好个，環保署提醒相關族群出門做好防護。（中央社）

【客文版】

嘉義市愛限水

嘉義市政府今晡日發布新聞稿指出，嘉義市个水情到「黃燈」等級了，市政府要求嘉義市工業用戶自主省水百分之七，逐隻月使用1000度以上个非工業用水戶愛減量供水百分之二十，係講使用1000度以上个工業用水戶、游泳池、洗車、三溫暖同水療業者，還有其他毋係生活一定愛用个水，愛減量供水百分之十到二十。嘉義市政府也會透過資源回收車廣播、有線電視个訊息播送摎市政府官方line這兜多元管道來宣導節約用水，嘉義市水資源回收中心會提供回收个水，分環保局洗街路、淋公園个植物、分建築用地來使用。