印度工業聯合會南部大會貿協促台印深化合作

2023年03月02日

00:00

印度工業聯合會南部大會貿協促台印深化合作

【王于郡／南投四縣腔】印度工業聯合會舉辦「揭密南印度-全球聯繫會議」，外貿協會駐清奈辦事處指出，各國企業个參與係印度經濟成長个動能，像係日本、韓國、新加坡這兜東亞國家，都摎印度个關係當密，還過經濟成長都維持在前十名，台灣對印度个產業投資同貿易，在過去2年到3年之間也增加當多。另外，南印度目前係台灣電子產業主要个聚集地，包括了鴻海、和碩、台達電這兜大型工廠，同時也係全球關注个蘋果手機仔產能，係毋係做得對中國大陸順序徙走个關鍵地區，外貿協會希望印度企業家做得來深化同台灣合作个可能性。（中央社）

全球首例羅馬尼亞政府使用AI擔任榮譽顧問

羅馬尼亞總理Nicolae Ciuca同大家發表佢个「新榮譽顧問」，這顧問係一個安到ION个人工智慧助理。Nicolae Ciuca在發表時阿腦講，由ION擔任這項工作係人工智慧个首例，佢生到像鏡仔，還做得發出聲音，ION主要个任務係檢查社交網路，通知政府「羅馬尼亞人即時个提議同希望」，民眾也做得在這計畫頂項个網站同ION打嘴鼓。（中央社）

愛無界限藝術作品展中正紀念堂3日起展出

中正紀念堂表示，「希望透過平面、立體个視覺藝術作品，來傳達創作者个創意同藝術風采，邀請中意藝術个鄉親，乜鼓勵爺哀帶等細人仔共下入到展場，感受多元族群朋友展現个多元媒材創作。」這擺个展覽安到「累積無共樣成就大力量—愛無界限藝術作品展」3月3號到22號，在中正紀念堂4展廳展出，歡迎鄉親共下參與。（中央社）

【客文版】

印度工業聯合會南部大會

印度工業聯合會舉辦「揭密南印度-全球聯繫會議」，外貿協會駐清奈辦事處指出，各國企業个參與係印度經濟成長个動能，像係日本、韓國、新加坡這兜東亞國家，都摎印度个關係當密，還過經濟成長都維持在前十名，台灣對印度个產業投資同貿易，在過去2年到3年之間也增加當多。另外，南印度目前係台灣電子產業主要个聚集地，包括了鴻海、和碩、台達電這兜大型工廠，同時也係全球關注个蘋果手機仔產能，係毋係做得對中國大陸順序徙走个關鍵地區，外貿協會希望印度企業家做得來深化同台灣合作个可能性。