文／彭歲玲，「講客廣播電臺」節目主持人
在2022年个熱天，載等阿俊行過綠色隧道，講等該下教細人仔廣播个生趣事，看等兩片像衛兵樣个大樹，阿俊??風講：「你上擺報導過个一群衰過个細人仔，應該愛來關心…」亻厓心肝頭乜共樣愐著這事就隨應：「係啊，上擺亻恩俚有想過係毋係來研究辦一個客家流行音樂義演，結果疫情關係就…」亻厓目珠一金，看著兒童之家就遽遽比分佢看「欸！亻厓講个就係這間…這間…」兩儕同時想著共一件事情个時節，恁堵好車仔就經過阿尼色弗个門口，冥冥之中个感應，就在長長个隧道肚，分車頂个人共樣試著神奇。
該擺个行程係愛去拜訪一個在節目中紹介過个，專門用客語同王母娘娘溝通个阿美族長老，對特殊个事情阿俊總係有特殊个見解，佢長期關注多元議題，無分宗教無分族群，展現包容摎關懷，分人感受著佢个良善。佢講：「亻恩俚心肚个願，係良善个，就愛煞猛去做。」就像想愛為阿尼色弗舉辦慈善義演，佢講佢會來義務主持，該央時，亻厓知前面還有當遠个路愛行，毋過亻厓還係盡期待！
在2023年初个寒天，載等文玫教授行過197道路，在鸞山部落觀景台，講等「在山里對岸想你」个故事，看等卑南溪流向太平洋，文玫訪問亻厓製作廣播節目个想法，仰般規劃探訪，帶領聽眾朋友欣賞台東个人文風情，尋出台東在地个客家。行入廣播帶分亻厓个成長，全都係愛感謝阿俊个指導，亻厓乜同文玫講今年暑假亻厓兜還會辦廣播夏令營，會再邀請阿俊來教後生人噢！
無想著，第二日當晝，接著分人無法度相信个消息，前一日就係1月31日个暗夜，阿俊走了……，該日正經係亻厓兜緊想著佢个日仔，無想著係永別个日仔，這敢乜係冥冥之中？亻厓心肝肚想，係講該日邀請佢來台東共下遶尞，係毋係佢就毋會無聲無息走忒，唉！恁多个冥冥之中，恁多个毋盼得，就單淨溚溚流个目汁知得。
回想著，亻厓行入廣播个機緣，因為前幾年輒常去電台分享自家个繪本創作，有一擺在寶島電台，堵好堵著阿俊有閒著，佢黏時就邀請亻厓受訪錄音，第一擺接觸就試著仰會有恁滑溜恁會撩人笑个主持人，當專業分人試著當輕鬆，亻厓識接受過佢兩擺个訪問，印象都係當深刻。當多人同亻厓共樣，同佢認識無幾久，就會感受著佢對人个真誠親切。
後來，在2020年徐智俊擔任客家公共傳播基金會个總經理，同時乜係講客廣播電臺个臺長，規劃了客庄三六九个節目，佢看中意亻厓當會講故事，就請亻厓負責幸福台九線-臺東个主持，佢當熱心教亻厓，節目開播之後，就輒輒收著佢傳來个訊息，「歲玲你愛餳人想愛繼續聽」、「時間捉好來，音樂放完整」、「你做得去尋回鄉青農」……
其中，亻厓自家試著當難个就係，佢緊嫌亻厓講忒多話，這對亻厓來講當難改進，因為慣做先生个亻厓，總係想愛將事情完整紹介清楚，毋過，佢講做節目愛顧慮著聽眾个耳公，愛營造氣氛，愛有適當个音樂，分聽眾享受空中个美感，哇～這就係專業啊！盡感謝就係有佢無私个傳授摎鼓勵，正分亻厓尋著做節目个意義摎方向。
2022年暑假台東辦理廣播夏令營，阿俊䟓工來到台東，?手指導後生人，佢設計題目分大家分組練習，有壓力、有學習、有歡笑，細人仔跈等阿俊搞到當歡喜。佢講：「就係愛好搞，細人仔正會自動講客啊！」佢當歡喜台東个細人仔恁肯學，當會講客，思路清楚。
阿俊个熱情摎專業帶分一群後生人當大个影響，受佢个感染，佢兜自信、開陽，受佢个引導，佢兜思路遽速又特別有創意，亻厓兜師生都恁欽佩佢！原本期望佢今年暑假再來台東帶領大家~歡喜講客，這下嗄永別，喊亻厓兜仰般毋痛腸啊！原本佢講另日愛來台東設一個小分台，做得分後生仔就近做細主播，有意義个夢想，今這下嗄變成壯志未酬个遺憾！
細人仔摎家長大家都非常感謝阿俊對客家个熱心摎貢獻，亻厓兜永遠感恩難忘！亻厓兜會將這份熱情延續分還較多後生人，相信阿俊个心，永遠會摎這兜熱愛客家个後生人共下！
阿俊一生人對客語摎音樂盡有熱情，盡有創意，為客家盡心盡力，係一個當良善个人，才華出眾，看等相片一張張亮麗个身影，無限懷念，佢逐擺就講，翕相毋好單淨企竳竳，愛有變化，較沙鼻兜仔，變怪乜做得啊，佢就係恁樣帶分大家歡樂良善。佢正經就係一個變鬼變怪，想空想缺帶等大家成長个臺長，佢帶等大家認識客家个精彩，燒暖个光，永留心中！
華語
在2022年的夏天，載著阿俊走過綠色隧道，談論著剛才教孩子們廣播的趣事，看著兩邊像衛兵站崗的大樹，阿俊突然說：「你之前報導過的一群可憐孩童，應該要來關心…」我心裡頭也同樣想到這事就馬上回他：「是啊，之前我們有想過是否來研究辦一個客家流行音樂義演，結果疫情關係就…」我目睛一亮，看到兒童之家就趕緊比給他看「欸！我講的就是這間…這間…」兩個人同時想到同一件事情的時候，這麼恰巧車子就經過阿尼色弗的門口，冥冥之中的感應，就在長長的隧道裡，讓車上的人同樣覺得神奇。
那次的行程是要去拜訪一位在節目中介紹過的，專門用客語跟王母娘娘溝通的阿美族長老，對特殊的事情阿俊總是有特殊的見解，他長期關注多元議題，不分宗教不分族群，展現包容與關懷，讓人感受到他的良善。他說：「我們心裡的願，是善良的，就要努力去做。」就像想要為阿尼色弗舉辦慈善義演，他說他會來義務主持，那時，我知道前面還有很遠的路要走，不過我還是極期待！
在2023年初的冬天，載著文玫教授走過197道路，在鸞山部落觀景台，講著「在山里對岸想你」的故事，看著卑南溪流向太平洋，文玫訪問我製作廣播節目的想法，如何規劃探訪，帶領聽眾朋友欣賞台東的人文風情，找尋台東在地的客家。走入廣播帶給我的成長，全都是要感謝阿俊的指導，我也跟文玫講今年暑假我們還會辦廣播夏令營，會再邀請阿俊來教年輕人喔！
沒想到，第二天中午，接到讓人無法相信的消息，前一天就是1月31日的晚上，阿俊走了……，那天剛好是我們一直想到他的日仔，沒想到竟是永別的日仔，難道這也是冥冥之中？ 我心想，若是那天邀請他來台東一起遊玩，是否他就不會無聲無息走掉，唉！這麼多的冥冥之中，這麼多的捨不得，就只有涕零如雨的眼淚曉得。
回想著，我走進廣播的機緣，因為前幾年時常去電台分享自己的繪本創作，有一次在寶島電台，剛好遇到阿俊有空檔，他隨即就邀請我受訪錄音，第一次接觸就覺得怎麼會有這麼流利這麼會故意逗人開心的主持人，專業到讓人很輕鬆，我曾接受過他兩次的訪問，印象都很深刻。很多人跟我一樣，跟他認識沒多久，就會感受到他對人的真誠親切。
後來，在2020年徐智俊擔任客家公共傳播基金會的總經理，同時也是講客廣播電臺的臺長，規劃了客庄三六九的節目，他看中意我很會講故事，就請我負責幸福台九線-臺東的主持，他很熱心教我，
節目開播之後，就常常收到他傳來的訊息，「歲玲你要吸引人想要繼續聽」、「時間捉好來，音樂放完整」、「你可以去找回鄉青農」……
其中，我自己覺得很難的就是，他一直嫌我講太多話，這對我來說很難改進，因為習慣做老師的我，總是想把事情完整介紹清楚，不過，他說做節目要顧慮到聽眾的耳朵，要營造氣氛，要有適當的音樂，讓聽眾享受空中的美感，哇～這就是專業啊！最要感謝的就是有他無私的傳授跟鼓勵，才讓我找到做節目的意義及方向。
2022年暑假台東辦理廣播夏令營，阿俊特地來到台東，幫忙指導年輕人，他設計題目讓大家分組練習，有壓力、有學習、有歡笑，孩子們跟著阿俊玩得很高興。他說：「就是要好玩，孩子們才會自動講客啊！」他很高興台東的孩子們這麼肯學，很會講客語，思路清楚。
阿俊的熱情跟專業帶給一群年輕人很大的影響，受他的感染，他們自信、有朝氣，受他的引導，他們思路快速又特別有創意，我們師生都很欽佩他！原本期望他今年暑假再來台東帶領大家~歡喜講客，現在卻永別了，叫我們如何不哀慟啊！原本他講改天要來台東設一個小分台，可以讓青少年就近做小主播，有意義的夢想，如今變成壯志未酬的遺憾！
孩子們跟家長大家都非常感謝阿俊對客家的熱心跟貢獻，我們永遠感恩難忘！我們會將這份熱情延續給更多的年輕人，相信阿俊的心，永遠會跟這些熱愛客家的年輕人同在！
阿俊一生對客語及音樂很熱血，極有創意，為客家盡心盡力，是一個很良善的人，才華出眾，看著相片一張張亮麗的身影，無限懷念，他每次都說，照相不要只是立正站好，要有變化，臭屁一點，變怪也可以啊，他就是這樣帶給大家歡樂良善。他真的就是一個古怪精靈，充滿鬼點子帶著大家成長的臺長，他帶著大家認識客家的精彩，溫暖的光，永留心中！
