土耳其直擊／台灣搜救隊坐飛行機離開土耳其 當地鄉親熱情歡送
【羅盛滿／新竹竹東海陸腔】台灣搜救隊在土耳其時間2月12臨暗仔，對阿德亞曼機場坐飛行機離開，受著當地鄉親摎軍人、警察佢兜个熱情歡呼。
台灣隊準備撤離期間，有一對土耳其个兩公婆，乜渡等一個年紀差毋多5歲个妹仔，來到台灣搜救隊个布篷頭前，細妹仔笑微微个摎所有个隊員鞠躬承蒙，還過摎逐個隊員共下翕相、搭手Give me five。
細妹仔在離開以前，過一擺喊咧「Taiwan」還過鞠躬，誠心感謝个樣仔，感動咧現場逐個台灣隊員个心。
目前客新聞摎講客廣播電臺个採訪團隊，還留在土耳其繼續搜集最新个地動消息，續下來來聽土耳其現場个報導。
好个，主播，客新聞摎講客廣播電臺帶你入到土耳其，捱係記者江芮敏，記者這下移動到另外一隻城市咧，這下捱在个城市安到「馬拉蒂亞」。
這下摁做得看著捱後背个這棟屋仔，佢係本旦係七層樓高个屋仔，毋過佢在地動个時節，歸隻壓下來，故所摁這下做得看著這還有一層一層个形仔。
這下已經係地動个第七日過後咧，毋過摁還係做得看著這片有當地个搜救隊員，在這下搜救，佢兜講這棟屋仔裡背還有5儕人還吂尋著，佢兜也會煞猛來尋著佢。
這片也做得看著有當多熱心个鄉親，佢兜在別個城市過來，在這片煮東西分大家食，因為這片這下天時還係當寒，佢兜希望做得?手這兜家屬，還有搜救隊員做得度過這隻難關。
以上个新聞由江瑞敏在土耳其个採訪報導。
以上新聞係土耳其摎臺灣个連線報導，承蒙你个收聽。
｜講客廣播電臺－收聽頻率｜
▹宜蘭 FM102.9
▹北北基高屏 FM105.9
▹桃竹 FM105.7
▹苗中彰投 FM101.5
▹雲嘉南 FM104.3
▹花東 FM106.9
｜網路收聽｜
▹講客廣播電臺官網｜https://pse.is/R8RU8
▹講客廣播電臺APP｜
(Android連結：https://reurl.cc/8GWlXd)
(IOS連結：https://reurl.cc/O1pb59 )
