文／張美煜，講海陸腔个屏東客人（新竹關西裔），師大國文系退休，現居台北新店，目前擔任寶島客家廣播電台主持人，中正紀念堂志工與文史導覽

台灣係多元文化个國家，地方細罔細，有原住民有漢人，原住民分做十過族，漢人又有客人、福佬人、外省人之分，這二三十年，還增加了東南亞來个新住民，族群正經多元又鬧熱。

老古人講一庄一俗，各族群个婚喪喜慶个規矩風俗、男女个關係，當無共樣；就算平平係漢人，早期客人摎福佬人个習慣乜有相當差別；還過，共樣个節日，各地个過法、食个東西乜各有特色，像尾牙，台北人食「割包」，在南北交流毋方便个老頭擺，南部人根本毋知有這樣食物，正經係細細台灣南北全無共樣哩。

春節堵堵過忒無幾久，各行各業陸續開工了，加兩日仔就係華人講个「元宵節」，台灣人講个「正月半」（福佬人客人共樣講法）了，恩俚來看這隻舊曆新年過後第一擺月光圓个日仔，除了講法無共樣，台人、華人還有麼个無相同？

戒嚴時代，尤其1962年有電視以後，見到年節，電視就大力放送中國傳統个風俗，元宵節一定係迎燈籠、揣令仔、食「元宵」；?細細戴屏東庄下，迎燈籠、揣令仔，該恁「風雅」个事情，聽斯毋識聽過哩。該量時，大家人个屋下都當艱苦，當多人三餐都食毋飽，一家人無餓肚屎斯當慶了，大人哪走有閒神搣該兜把變呢？

人講，食飯皇帝都無恁大，可見人生一等要緊个係食飽。閒時做得儘採過儘採食，年節一定愛食較罕得食个東西，華人元宵節愛食「元宵」（大粄圓），該恩台灣人（尤其係客人）係無食該東西愛食麼个呢？頭擺人講「冬節大如年」，表示看重「冬節」（華人安到冬至）斯像過年共樣，所以台灣人（無論閩客）在冬節斯食代表團圓个粄圓，還講食了會加一歲；冬節已經食粄圓了，正月半當然無再過食，該恩俚食麼个呢？?屋下一溜里係打菜包食，就?所知，桃竹苗个客人乜共樣。因為正月半个天時還當冷，菜頭堵好大出又好食，所以菜包餡（讀ㄚˋ ）體係包菜頭絲。正月半有燒燒个菜包好食對?來講，係18歲離開故鄉以前一等幸福个事情，屋下一年斯包該一擺定定，無食著，愛等加一年。到今，五十零年過去了，?還當記得阿姆包个菜包味緒，講有幾好食就有幾好食。

這幾十年來，因為媒體大放送講元宵節愛食「元宵」，還合社會工商業化个關係，罕得有人會自家包菜包了，顛倒係買人做便个粄圓來煮加當利便，正月半大家跈等華人食粄圓，sa毋記得自家个傳統了，文化特色乜一點一滴緊流失去。就講係食粄圓好了，其實華人个「元宵」摎恩俚个「大粄圓」係無共樣个東西，無論做法抑係包个餡都有爭差，講到這，該又做得寫一篇文章了。

華語

元宵節，一定得吃「元宵」（大湯圓）嗎？

台灣是多元文化的國家，地方雖不大，卻有原住民有漢人，原住民分成十幾族，漢人又有客家人、閩南人、外省人之分，最近二、三十年，還增加了東南亞來的新住民，族群確實多元鬧熱。

昔時有一庄一俗之說，各族群婚喪喜慶的規矩風俗、男女關係，很不一樣；就算同屬漢人，早期客家人和閩南人的習慣乜有相當差異；還有，同樣的節日，各地的過法、食物也各有特色，以尾牙來說，台北人吃「割包」，在南北交流不方便的從前，南部人根本不知「割包」為何物，真的是小小台灣南北大不同哩。

春節剛剛過去不久，各行各業陸續開工了，再過兩、三天就是華人說的「元宵節」，台灣人說的「正月半」（福佬人客家人講法相同）就到了，我們來看這個農曆新年過後第一次月圓的日子，除了講法不同，台人、華人還有哪些差異?

戒嚴時代，尤其自1962年電視開播之後，每到年節，老三台電視就強力宣傳中國傳統風俗，元宵節一定是提燈籠、猜燈謎、吃「元宵」；我小時候住屏東鄉下，提燈籠、猜燈謎，那種「風雅」事，聽都沒聽過。當時，大家經濟情況普遍都很差（日子都過得非常艱苦），很多人連三餐都吃不飽，一家人沒挨餓就不錯了，大人哪有閒情逸致搞那些玩意ㄦ呢？

一般人都說，民以食為天，可見人生最重要的是吃得飽。平常可以吃得簡單隨便，年節一定要吃些特別且難得一吃的東西；華人元宵節要吃「元宵」（大湯圓），咱們台灣人（尤其是客家人）正月半不吃那東西，吃啥？古人說「冬至大如年」，表示看重「冬至」，認為跟過年一樣重要，所以台灣人（無論閩客）在冬至吃代表團圓的湯圓，還說吃了就加一歲；冬至已經吃過湯圓了，元宵節當然不再吃，那麼咱們吃什麼呢？我家一向做菜包來吃，就我所知，桃竹苗的客家鄉親也多如此。因為元宵節當時的天氣還相當冷，正逢蘿蔔盛產又好吃的季節，所以菜包餡料大抵是用蘿蔔絲。元宵節有熱騰騰的菜包可吃，對我而言，在18歲離開故鄉以前是最幸福的事了，家裡一年只做那麼一次而已，錯過了，就得再等一年。至今，五十多年過去了，我對母親做的菜包味ㄦ還記憶猶新，要多好吃就有多好吃。

這幾十年來，因為媒體強力宣稱元宵節得吃「元宵」，加上社會工商業化的關係，已經很少有人會自己做菜包了，反而是買現成的湯圓來煮更加方便。元宵節大家跟著華人吃湯圓，渾然忘記自己的傳統了，文化特色也跟著一點一滴在流失。就說吃湯圓這事好了，其實華人的「元宵」跟咱們的「大湯圓」是不一樣的東西，無論做法或餡料都大不相同，講到這，又可以再寫一篇文章了。