文／黃筱婷，竹東客家人，這下戴竹東鎮（腔頭：海陸腔）
彰化鹿港離對岸个泉州當近，盡多泉州該片个人會來這位做生理，所以鹿港在清朝个時節就係臺灣盡大个港口了。
鹿港老街係典型个學老老街，頭擺老街斯係在鹿港溪个旁脣，該位有各種个商號，毋過鹿港溪分泥沙塞著緊來緊嚴重，船仔實在無法度停在鹿港个港口，鹿港个經濟活動就緊來緊冷落了，實在分人試著當打爽。
?在鹿港老街裡背欣賞著盡多靚靚个老屋，在這兜傳統个學老建築裡肚，盡多人排列仔等翕相做紀念个斯係「三槐堂」摎脣項該隻對半放等个古井了，三槐堂係王屋人个老屋跡，對外背看得出係盡靚个老屋，毋過這隻老屋吂有開放分人參觀，王屋人摎自家屋下个水井一半設在屋肚，一半斯設在圍牆外背，恁樣隔壁鄰舍就做得自家來井脣打水，實在當方便。
行過老街無當遠个位所，?發現一隻用磚仔起个門，側角還有做得閂門閂个空；早期个鹿港輒常會發生相㓾鬥打，實在當危險，地方人士為著愛保護大自家个安全，就在隘口个位所用磚仔來起門，恁樣就有防禦个功能；頭擺鹿港總共有五十七隻在隘口用磚仔起个門，今這下斯保留到?面頭前這隻隘門了。
最尾?來到皇帝下令愛起个「敕建天后宮」參拜，乾隆做皇帝个時節爆發林爽文事件，福康安就率領千軍萬馬在鹿港登陸臺灣，經過幾隻月个時間正打贏；福康安試著係因為媽祖娘个庇佑，佢正會贏，所以就摎朝廷建議，希望做得在鹿港這位起媽祖廟，這就係「敕建天后宮」个歷史典故。
該當時在鹿港擔任官員儕逐隻月初一十五都愛來這位敬媽祖娘，所以在天后宮脣有一隻「文武官員到這位愛下馬」个碑石，「敕建天后宮」這間廟等特別个係神龕肚該尊分信徒參拜个媽祖娘神像，身體係用藤編个，係當簡少看著个軟身媽祖神像。
?這擺拜訪了當有歷史个鹿港老街還過珍貴个宮廟，因為鹿港開發个歷史盡早，在歸隻鹿港裡背有盡多个歷史建築摎老街个古蹟，這兜都係鹿港盡靚个風景。
華語
彰化鹿港和對岸的泉州距離相近，許多泉州地區的人都會來到這裡經商，所以鹿港在清朝的時候就是臺灣最大的經商口岸了。
鹿港老街為典型的閩南街道，以前老街的位置是在鹿港溪的旁邊，那裡有各種的商鋪，不過鹿港溪堵塞越來越嚴重，船隻實在沒辦法停泊在鹿港的港口，鹿港的經濟活動就越來越蕭條了，實在讓人感覺非常可惜。
我在鹿港老街中欣賞到許多美輪美奐的屋舍，在這些傳統的閩南建築中，最多人排隊等待拍照留念的就是「三槐堂」和旁邊那口對半放著的古井了，三槐堂為王氏家族的屋舍，從外面看的出來是非常美麗的老宅，不過此幢屋舍還沒有開放給人參觀，王氏家族將自家水井一半設立在宅第內，部分則設在牆壁外面，這樣隔壁鄰居就可以自己來井邊取水，實在很方便。
過了老街不遠處，我發現了一座用磚頭蓋的門，門邊還有可以插著門閂的孔洞；早期的鹿港經常發生械鬥，實在很危險，地方人士為了要維護大家的安全，就在隘口處用磚頭蓋門，這樣就有防禦的功能；過去鹿港共有五十七座在隘口用磚頭蓋的門，現在只剩下我面前這座隘門了。
最後我來到了由皇帝下令要興建的「敕建天后宮」參拜，乾隆做皇帝的時候爆發林爽文事件，福康安率領千軍萬馬由鹿港登陸臺灣，歷經數月的時間才取得勝利；福康安覺得是因為媽祖娘娘的庇佑，他才能夠取得勝利，於是就和朝廷建議，希望可以在鹿港這邊興建天后宮，這便是「敕建天后宮」的歷史典故。
當時在鹿港擔任官員者每月初一及十五都得到此進行參拜，因此在天后宮旁有座「文武官員至此下馬」的石碑，「敕建天后宮」這座廟宇最特別的是神龕內那尊供信徒參拜的媽祖娘娘神像，身體是由藤編製成，是極為少見的軟身媽祖神像。
我這次拜訪了很有歷史的鹿港老街還有珍貴的廟宇， 由於鹿港的發展歷史甚早，在整個鹿港中擁有許多歷史建築與老街古蹟，這些都是鹿港最為優美的風景。
