蘋果發表Mac Pro售價6萬4900元起　果粉引頸期待開賣日！

2023年01月18日

00:00

電子大廠林檎發表最新產品MacBook Pro價數會到新台票6萬4千9百箍以上！

Apple公司發表最新搭載新一代系統个單晶片M2 Pro摎M2 Max个14吋、16吋MacBook Pro筆記型電腦。翻攝自Apple公司官網

【苗栗西湖海陸腔／蘇佑昇】林檎公司今晡日半夜發表搭載新一代系統个單晶片M2 Pro摎M2 Max个14吋還有16吋MacBook Pro筆記型電腦，這款筆記型電腦提供Mac歷年來最久个22點鐘電池續航力，所以台灣賣出來个價數會到新台票6萬4900箍以上，毋過這滿正式在市場購買个時間還吂定下來，所以請愛購買最新MacBook Pro个鄉親愛等一下咧。

蘋果發布新款MacBook Pro電池續航歷來最長　售價6.49萬起跳！【影】

蘋果公司今天無預警發表搭載新一代系統單晶片M2 Pro和M2 Max的14吋和16吋MacBook Pro筆記…

臺灣股票个消息

昨晡日係虎年臺灣股票最尾一日，《客新聞》特別摎大家回顧舊年臺灣股票虎年个情形，舊年臺灣股票跌價做盡係跌了2741點、跌幅做盡係百分之15.51，也係14年以來表現最毋好个狀況，平均每儕投資个鄉親賠了新台票67萬個銀。
毋過昨晡日虎年臺灣股票最尾一日，堵著外資連續8日交易買超，還有新台票價值升高、美國通膨壓力漸漸仔停下來、市場樂觀个原因，昨晡日个虎年封關日，最尾係14932.93點略略仔起價收盤，毋過這滿疫情無恁嚴重咧，加上世界各國陸續解除邊境管制，促進世界各國恢復經濟觀光交流，所以市場也對今年兔年个經濟有信心，大部分个投資者也希望今年个臺灣股市做得大起價。

回顧虎年台股慘兮兮！　平均每人賠67萬、14年最差表現

【生活中心／綜合報導】外資連續8個交易日買超，在新台幣趨升、美國通膨壓力漸緩下，市場樂觀氣氛與長假賣壓拉扯，昨…

天時个消息

中央氣象局表示，今晡日有一波冷空氣下南，所以北台灣溫度會略略仔降下來，今晡日朝晨還有暗晡夜个北部，係14到16度个冷天時，中南部个所在係12到15度，花東个所在係17度，到咧當晝全臺灣个高溫係19到24度，中央氣象局提醒鄉親，今晡日中南部日夜溫差還係當大，請鄉親出外愛著燒暖兜毋好冷著。
落水方面，今晡日桃園市、新北市、台北市、基隆還有東半部个宜蘭會有局部落水个情形，除了這兜所在會落水之外，全臺灣其他縣市全部係出日頭个好天時，鄉親做得特別注意。