文／黃筱婷，竹東客家人，這下戴竹東鎮（腔頭：海陸腔）

在?兜竹東鎮大同國小个學校大門就近，做得看著一隻盡有日本建築樣式个所在，這位斯係新竹縣盡出名个美術家——蕭如松先生識戴過个位所，今這下既經係蕭如松藝術園區了，三不二時有當多人來到這位參觀，希望做得對這個新竹縣个美術家有還較多个了解。

有世大人早先斯摎?講過，其實蕭如松先生个老屋識荒廢盡多年，放分佢畜蚊仔，毋單淨恁樣，老屋還過堵著會分人拆忒个問題；好得該下痛惜客家文化、做人當熱心个陳石山律師滿哪仔尋人?手，在二十年以前一場當盛大个客家活動當中，陳律師摎前新竹縣長鄭永金先生詳細說明蕭如松先生个老屋需要有人?手修整，所以文化局斯從頭接二進行修整工程个建設，這下?兜正有機會做得欣賞靚靚个蕭如松藝術園區。

蕭如松先生係新竹縣當出名个美術家，佢行事公私分明，乜係一個教書盡嚴條个先生；蕭如松先生佢識在芎林國中做美術先生，毋管在哪位，佢總係認真教書，做得講係學校个模範；上課个鈴仔一響，蕭如松先生就會準時進入教室準備開始上課，先生行入去教室若係看著學生仔个桌凳無排正，就會先要求學生仔摎自家个桌凳排正來；學生仔上課个時節，乜愛專心聽先生講課正做得。

背尾蕭如松先生到竹東高中做美術先生，堵好?乜係竹東高中畢業个，毋過盡打爽?無機會聽著蕭如松先生上課，毋過?還記得當多先生摎學生仔都輒輒思念這個認真教書个先生；蕭如松先生上美術課个時節，會要求學生仔做毋得出聲，還過愛摎所有个美術傢伙頭準備齊來，美術傢伙頭放个位所都愛照規定，做毋得儘採放，乜做毋得摎借同學个去用，?胚想這係愛分學生仔養成負責个好習慣。

上課个時節，蕭如松先生自家乜會坐在枋仔做个講臺脣項恬恬畫圖，有成時蕭如松先生會帶等歸群學生仔到學校裡肚滿哪仔去寫生，摎學生仔共下畫圖；有成時蕭如松先生會摎學生仔个作品放共下，分大自家互相觀摩，講出自家心肝肚个看法，?想這係蕭如松先生當特別个美術欣賞課程。

蕭如松先生為著竹東畫出已多當有意思个作品，乜摎竹東這隻位所分大自家看著；蕭如松先生過身盡多年了，毋過佢認真做事个態度還過盡有特色个作品，一直到這下還係有當多學生仔當懷念佢。

華語

在新竹縣竹東鎮大同國小的校門口附近，可以見到一個很有日本建築樣貌的地方，這裡就是新竹縣非常有名的美術家——蕭如松老師曾經居住的地方，現在已經是蕭如松藝術園區了，時常有許多人來到這裡參觀，希望能夠對這位新竹縣的美術家有多一些的認識。

有長輩之前就和我說過，其實蕭如松老師的故居曾經荒廢很多年，變成關蚊子的場所，不只是這樣，舊房子還面臨到要被拆毀的問題；好在那時候珍惜客家文化、為人很熱心的陳石山律師到處找人協助，在二十年以前一場排場盛大的客家活動中，陳律師和前新竹縣長鄭永金先生詳細說明蕭如松老師故居需要有人幫忙的情況，希望能夠修補蕭如松老師居住過的老房子，所以文化局便開始進行修復工程的建設，現在我們才有機會能夠欣賞優美的蕭如松藝術園區。

蕭如松老師是新竹縣相當有名的美術家，他做事公私分明，也是一位教學相當嚴謹的老師；蕭如松老師他曾經在芎林國中擔任美術老師，不管在哪裡，他總是認真教學，可以說是學校的模範；只要上課鐘聲一響，蕭如松老師就會準時進入教室準備開始上課，老師走進教室若是看到桌椅沒有排整齊，就會先要求學生把桌椅全部排整齊；學生們上課的時候，也要專心聽老師講課才可以。

後來蕭如松老師到竹東高中擔任美術教師，剛好我也是竹東高中畢業的，只可惜我並沒有機會聽蕭如松老師上課，不過我還記得許多老師和學生都常常想念這位認真教學的老師；蕭如松老師在美術課的時候，會要求學生禁止發出聲音，還要將所有的美術用具準備齊全，美術用具的擺放位置都要按照規定，不可以隨便亂放，也不可以和同學借用具使用，我想這是要讓學生養成負責任的好習慣。

在美術課時，蕭如松老師自己也會坐在木板做的講臺旁邊安靜的畫圖，有的時候蕭如松老師會帶領整群學生到學校裡面對著各處進行寫生，和學生一同作畫；有時蕭如松老師會學生們的作品擺放在一起，讓大家互相觀摩，說出自己心裡的想法，我想這也是蕭如松老師獨特的美術欣賞課程。

蕭如松老師為竹東畫出許多很有意思的畫作，也讓竹東這個地方被大家所看見；蕭如榮老師已經逝世許多年了，不過他認真做事的態度以及獨具特色的畫作，直到現在還是有許多學生非常懷念他。