文／謝宜庭，桃園客家人，現下戴新北市（四縣腔）
阿綸牯有當多當多个玩具，跈等佢變做消防員、運轉手、醫生、清潔隊員，抑係起屋工人還係歌手，厥間房个地泥項會出現各種个工具摎車仔，若係愛對該位過，輒輒會分地泥項堆山塞海个玩具徑著，溜著係你自家衰，假使無細義踏壞厥玩具就知死了，阿綸牯定著黏時起戇面開聲大噭，噭到抽胲另命，噭到人个耳公強強會分佢磅忒，好得?乜當精，遽遽詐昏忒搵在地泥項，阿綸牯看著黏時恬忒，煞煞去尋佢个醫藥箱扮做醫生摎?看病，過再扶?去眠床項歇睏，還會細心細意問?還有哪位毋鬆爽。阿姆哀，?个世界總算恬靜下來了，細人仔有時節乜當好拐啊，係毋係？
愐著細細時節，爺哀罕得買麼个玩具分?兜細人仔搞，?歸日仔就同叔伯兄弟、叔伯姊妹還有阿哥去河壩脣捉細魚仔還有蝦公、揙開石頭拉出囥在後背个細毛蟹來搞，無就在圳溝肚捉湖鰍仔、覓蜆仔，順續帶轉去分阿姆煮。在該無麼好食个年代，豆油煮湖鰍仔、蜆仔薑絲湯這兜簡單个菜乜會分?兜細人仔食到暢靂靂仔。食飽飯，細人仔伴又湊等去跋到樹頂摘朳仔食，無就去竹林裡肚尋竹筍蛄，逐儕去尋一枝高高个竹筍輕輕搖啊搖，搖無幾下，當在該食竹筍个竹筍蛄，就會對竹筍頂高跌下來，?兜正摎跌到毋會停動个竹筍蛄對地泥項拈起來，帶轉去用攣衫褲个線對厥長長个鼻公䌈起來，竹筍蛄黏時就變做盡得人惜个細細電扇了。假使毋係輒輒搖著青竹絲，分佢嚇到盡命牯飆轉屋下，還有分虐毛蟲虐著歸身仔癢到會死，在竹林搖竹筍蛄正經係?細細時節盡好搞个。
落雨天無法度去外背搞上搞下，?兜細人仔就在屋下摎四四角角个凳墊仔拿起來搞，總下十二隻凳墊仔做得疊三個細細个屋仔，乜做得擲來擲去，係閃較慢兜仔頭那就會分人擲到開花哦。頭擺个細人仔就係恁樣，麼个都做得搞到歡喜靂天，毋使錢个玩具屋下一千擔，仰愛拿錢去買呢？吾爸吾姆乜罕得專專拿錢去買玩具分細人仔，單淨在?發病仔該下，阿爸渡?去分先生看，會帶等?在診所个門口地泥項排排等个玩具裡肚，喊?自家擇一隻盡中意个，就買轉去搞。還記得有一擺?擇一台當打眼个紅色細車仔，該車仔細罔細，毋過飆起來正經有罅靚有罅派頭，?滿哪仔去展寶，逐個細人伴都看到口涎水溚溚跌。阿哥乜當欣羨?有車仔好搞，輪著佢寒著分先生看个時節，乜摎阿爸討愛買玩具，毋過哪知毋單止無討著玩具，顛倒差一息仔食著阿爸个竹筱仔，還衰過哪。
?毋知係頭擺還係這下个細人仔過到較幸福，?想逐儕細人仔係做得平平安安來成人長大，逐日過到快快樂樂都盡幸福。
華語：
阿綸有很多很多的玩具，隨著他變身為消防員、司機先生、醫生，或是建築工人還是清潔隊員、歌手，他房間地板上總會出現各種工具及車子，若是要從那邊經過，常常會被地板上滿坑滿谷的玩具絆倒，滑倒算自己倒楣，如果不小心踩壞了他的玩具那就完了，阿綸一定馬上翻臉放聲大哭，哭到聲嘶力竭，哭到人的耳朵快要被他炸掉，幸好我也很聰明，趕忙假裝昏倒躺在地板上，阿綸看到就不哭了，趕緊去找他的醫藥箱化身成醫生來幫我看病，然後再扶我去床上休息，還會小心翼翼的問我還有哪裡不舒服。我的媽啊，我的世界總算是安靜下來了，小孩子有時候也很好哄的，是不是？
想起小時候，爸媽也很少買什麼玩具給我們這些小孩子玩，我整天就是跟堂哥、堂姐們還有哥哥去河邊捉小魚和蝦子、翻開石頭拉出藏在後面的小螃蟹來玩，不然就是去圳溝捉泥鰍、摸蛤蜊，順便再帶回去給媽媽煮。在那個物資匱乏的年代，紅燒泥鰍、蜆仔薑絲湯這些簡單的菜色，也會讓小孩子吃的高興的不得了。吃飽飯後，小孩子們又結伴去爬芭樂樹摘芭樂吃，不然就跑去竹林裡面找筍蛄（臺灣大象鼻蟲）玩，每個人去找一枝高高的竹筍輕輕搖一搖，搖沒幾下，正在吃竹筍的筍蛄，就會從竹筍上面跌下來，我們再把跌得不會動的筍蛄從地上撿起來，帶回家後用縫衣服的線將牠長長的鼻子綁起來，筍蛄馬上就變成最可愛的小電扇了。假如不是因為常常搖到青竹絲，我被嚇得拚了命馬上跑回家，還有被毛毛蟲弄到全身癢死了，在竹林搖筍蛄真的是我小時候最愛玩的。
下雨天沒辦法去外面跑上跑下的玩耍，我們這些小孩子就待在家裡把四四方方的椅墊拿起來玩，總共有十二個椅墊可以疊成三個小屋子，也可以丟來丟去的玩，如果閃避不及腦袋就會被人家丟到開花哦。以前的小孩子就是這樣什麼都可以玩到歡天喜地的，不用錢的玩具家裡就一大堆，怎麼會拿錢去買呢？我爸媽也很少會特地拿錢買玩具給小孩子，只有在我生病的時候，爸爸帶我去看醫生，會帶著我在診所門口的地板上一排排的玩具裡面，叫我自己挑一個最喜歡的玩具買回家玩。還記得有一次我挑了一台很亮眼的紅色小車，別看那車子小歸小，跑起來真的有夠漂亮有夠派頭的，我到處去現寶，每個小孩子都看到流口水。哥哥也很羨慕我有車子可以玩，輪到他感冒了去看醫生的時候，也跟爸爸說想要買玩具，誰知道他不只沒要到玩具，反而差一點被爸爸用小竹條修理，好可憐喔。
我不知道是以前還是現在的小孩過得比較幸福，我想，只要每個小孩能夠平平安安長大，每天過得快快樂樂的，就都是最幸福的了。
