文／黃筱婷，竹東客家人，這下戴竹東鎮（腔頭：海陸腔）
金山區頭擺安到「金包里」，就近个大屯山區出產盡多硫磺，這位從頭擺到這下斯係透到臺北當要緊个路。金山區在新北市，係一隻在海邊脣項个細莊頭，村莊肚个光景全當靚，空氣乜盡好；這位還過有盡有名个金山老街，乜有當靚个海脣景色做得欣賞，有閒大家就會來這位尞，所以金山做得講係大臺北地區个後花園。
「金山清水濕地」在磺清大橋个就近，熱天个時節，這位會有開到淰淰个芙蓉，水紅色个芙蓉摎青色个芙蓉葉仔，分人看著就試著當清涼；這位个農家人用無毒个農法來耕種，堅持毋對任何个植物來打藥仔，所以濕地裡背个該兜花開到盡靚，這片滿哪仔鳥語花香，在這坐尞實在當歡喜；頭過識在臺灣停留一站仔个金山細白大鶴，就係在清水濕地這片跍身，這位一溜係鳥仔个休息站。
臺灣个北海岸海脣毋單係光景當靚，空氣乜當好，這位有各樣稀奇形投个大石牯，在金山个海脣輒常做得看著；金山這位海脣摎臺灣西部沙壩个地形完全無共樣，三不二時總係淰淰个人特別來到這片欣賞
金山个海脣斯做得看著盡出名个「燭台雙島」，當像桌頂放等蠟燭台仔个兩隻岩石，頭過還識係「北海岸八景」；還過有當特別个石門空景色，聽講在日本治理臺灣个時節，石門空這位个地形就分日本人試著已奇妙，「石門庄」這隻名仔就係日本人安个，後來就變做當地鄉里个名仔了；石門空个形投看起來摎虹實在已相像，佢个高度差毋多有十多公尺，係經過長年透天海水摎冷風侵蝕正會有這恁靚个地形，在這位還有步道，分大自家做得偎兼海脣欣賞這位个光景，在石門空面頭前係幼幼光滑个沙埔，逐年熱天都有盡多人來這尞，這位个海水乜做得看著當多个細魚仔摎毛蟹唷！
華語翻譯
金山區以前被稱為「金包里」，附近的大屯山區出產許多硫磺，這裡從古至今便是通往臺北的交通要道。金山區的位置在新北市，是個在大海旁邊的小村莊，村莊內的風景全都很優美，空氣也很好；這裡還有大名鼎鼎的金山老街，也有超級美麗的海景可以欣賞，有空大家都會來這裡遊玩，所以金山可以說是大臺北地區的後花園了。
「金山清水濕地」就在磺清大橋的附近，夏天的時候，這裡會開滿荷花，粉紅色的荷花和翠綠色的荷葉，讓人看了暑氣全消；這裡鄉下的農民使用無毒的農法種植，堅持不使用任何的農藥噴灑植物，所以溼地裡的那些花兒盛開得非常美麗，這兒處處鳥語花香，在這裡休息實在非常舒服；過去曾經在臺灣停留許多天的金山小白鶴，便是在清水濕地這邊棲息，這裡一直都是侯鳥的休息站。
臺灣的北海岸地區不只是風景美麗，空氣也很好，這裡有著各式各樣奇特形狀的岩石，在金山的海岸線經常都可以見到；金山地區這裡的海岸地形和臺灣西部的沙岸地形完全不一樣，這裡擁有相當特別的岩石灘，許多遊客都會特別來到這裡觀賞，經常總是滿滿的人潮。
金山的海岸線可以看到非常出名的「燭台雙嶼」，它的形狀和桌上擺放蠟燭的台子特別相像，過去還曾經是「北海岸八景」；另外還有形狀很特別的石門洞美景，傳說在日本治理臺灣的時期，石門洞這個地方的地形就讓日本人感到非常驚訝，「石門庄」這個名字就是日本人所取的，後來就成為當地的鄉里名稱了；石門洞的樣子看起來和彩虹實在很相似，它的高度差不多有十幾公尺，是經過了長期海水與風的侵蝕才形成這種漂亮的地形，在這裡還鋪設有步道，讓大家可以接近海邊觀賞這裡的風景，在石門洞前方是一處細滑的沙灘，每年夏天都有很多人會在來這邊玩耍，這裡的海水也可以看到許多的小魚和螃蟹唷！
