文／黃筱婷，竹東客家人，這下戴竹東鎮（腔頭：海陸腔）
佳冬鄉在哪位呢？其實佳冬就在屏東縣西南沿海，這位頭擺係平埔族个馬卡道族戴个位所，這下斯係六堆个左堆地區；在佳冬鄉个巷仔裡背，有當多傳統客家伙房屋，盡多都有當久个歷史，這莊頭總係恬索索仔，分?試著有一息息孤栖。
清朝康熙年間發生朱一貴事件，屏東地區个客家人決定主動組織義勇軍，共下來保護自家个莊頭，過後這兜客家莊就係安到「六堆」。
「蕭屋老屋」係佳冬盡出名个一間伙房屋，蕭屋來臺祖斯係第十九世个蕭達梅，第二十一世个蕭光明經營布疋摎挨礱生理當成功；蕭屋老屋个面頭前有一隻半月池，陂塘脣項還過有竹林，這可能係摎風水有關係，伙房屋个外觀看起來有影當派頭。
在蕭屋老屋就近个「楊屋公廳」乜係一間伙房屋建築，這位摎蕭屋老屋都係屏東縣盡出名个古蹟，在公廳个面頭前乜有一隻陂塘，毋過這隻陂塘係太極个樣仔，這个設計實在當特別；陂塘肚還有當多青色个荷花葉仔，若係荷花打花个時節來這位遶山花，定著做得看著這搭仔淰淰个荷花當靚景色，有閒大家都做得來這位尞。
在佳冬个街路項行尞，?還過看著閒時閒節盡少見个敬字亭，這隻在清朝道光年起个建築，又分人喊做係「聖蹟亭」；?兜客家人為著愛表現對字紙个尊重，若係寫著文字个字紙都會共下放落去敬字亭裡肚燒忒；佳冬个這隻敬字亭差毋多有兩棧，第一棧係用來燒字紙，第二棧服祀摎學問同文字有關係个神明，在新竹个客家莊較少有機會做得看著敬字亭，所以?試著這隻恁靚个敬字亭當生趣。
佳冬鄉个滿哪仔都係簡單純良个光景，?看著當多个客家伙房屋，?感覺佳冬鄉就像係一隻客家莊博物館，盡值得在有閒个時節來這位好好欣賞這兜有歷史个客家建築。
華語：來去拜訪佳冬客家莊
佳冬鄉在哪裡呢？其實佳冬就位在屏東縣的西南沿海地區，這裡以前是平埔族的馬卡道族居住的地方，現在是六堆的左堆地區；在佳冬鄉的巷弄裡面有許多的傳統客家屋舍，許多房屋都擁有悠久的歷史，這個村莊總是靜悄悄的，讓我感覺有點兒孤寂。
清朝康熙年間發生朱一貴事件，屏東地區的客家人決定主動組織義勇軍，一起來保護自己的村莊，之後這些客家莊就稱為「六堆」。
「蕭家祖屋」是佳冬鄉最有名的一幢伙房屋，蕭家來臺祖為第十九世的蕭達梅，第二十一世的蕭光明經營染布與碾米生意非常成功；蕭家祖屋的前面有一個半月池，水池旁邊還種植竹林，這可能和風水有關係，房屋的外觀看起來真的十分氣派。
在蕭家祖屋不遠處的「楊氏宗祠」也是一幢伙房屋建築，這裡和蕭家祖屋都是屏東縣相當知名的古蹟，在宗祠前方也有一座池子，不過這座池子是太極的樣貌，這個設計實在是很特別；池子裡面還漂著許多綠色的荷葉，如果在荷花盛開的季節來這裡旅遊，一定可以看這邊開滿荷花的美麗景色，有空大家都可以來這裡玩。
在佳冬鄉的街道散步，我還看到了平時較少見的敬字亭，這座在清朝道光年間興建的建築，又被稱為是「聖蹟亭」；我們客家人為了要表示對紙張的敬意，如果有書寫文字的紙張都會集中放到敬字亭裡面燒毀；佳冬鄉的這座敬字亭差不多有兩層，第一層的用途是燃燒字紙，第二層供奉和學問與文字有關連的神明，在新竹的客家村落，我很少有機會能夠見到敬字亭，所於我對於這座美麗的敬字亭感到非常有趣。
佳冬鄉的各處都是簡單純良的風情，我還有看到許多客家建築，我覺得佳冬鄉就像是一個客家村莊博物館，很值得在有空的時候來這邊好好欣賞這些歷史悠久的客家建築。
