文／黃筱婷，竹東客家人，這下戴竹東鎮（腔頭：海陸腔）

鹿寮坑在新竹縣芎林鄉，今這下个五龍村摎華龍村斯係鹿寮坑个範圍；這位个桐花步道在新竹縣係盡有名个觀光景點，逐年四月摎五月油桐花開个時節，斯有當多各地个人䟓䟓來到鹿寮坑欣賞靚靚个油桐花。

照早期个傳說，鹿寮坑有盡多野生个鹿仔群在這位出現，頭擺个人斯來到這片獵鹿仔，毋過因為該下交通吂當利便，所以獵鹿仔个人斯在這片搭寮仔來歇睏，這斯係鹿寮坑地名个來由，在入去鹿寮坑个位所乜看得著兩條得人惜鹿仔个鋪排。

伯公係?兜客家人个信仰，有客家人个位所，斯會有伯公廟；有句老古人言講：「莊頭莊尾伯公，田頭田尾伯公」，意思斯係講伯公斯像係里長伯共樣，支持摎關心莊頭內肚个大細事情，大自家堵著任何事情都毋使愁，都做得尋伯公參詳。

鹿寮坑乜有一間伯公廟，毋過，這間伯公廟看起來當無共樣，佢係廟坪脣項有兩隻䌈等紅布个大石牯，較大隻个石牯分人喊做「石爺」，較細隻个石牯安到「石娘」；頭擺風搓來个時節，石娘分大水沖到當遠个位所，石爺摎石娘斯恁樣離當遠，後來鹿寮坑當地个居民請示石爺摎石娘，摎佢等徙位到伯公廟脣項个花園放，分佢兜做得歸家人團圓，還過乜?手舉行石爺摎石娘結公婆个公開儀式，石爺摎石娘正經有盡深个姻緣。

石爺摎石娘結婚該日，當地个居民迎龍打獅、敲鑼打鼓共下來慶祝這隻罕得看著个盛會，歸場婚禮都係用傳統个客家婚禮來舉行，歸隻鹿寮坑人山人海實在當鬧熱；乜因為恁樣，逐年个三月二十九日定做「客家情人節」，代表石爺摎石娘分盡多人感心个愛情傳說。

今這下在伯公廟个廟坪頂背吊等有盡多牌匾，聽人講石爺摎石娘當有靈性，所以有盡多人會來到這片參拜，誠心誠意祈求石爺摎石娘保祐佢等个感情做得圓滿順序，?自家乜誠心希望石爺摎石娘做得保護善良个老百姓，幫助貧苦个人，分大自家身體康健，幸福安樂。

華語翻譯：鹿寮坑的石爺石娘傳說

鹿寮坑位在新竹縣芎林鄉，現在的五龍村和華龍村都是鹿寮坑的範圍；這裡的桐花步道在新竹縣可以說是相當出名的觀光地點，每年五月和六月油桐花開的季節，就有許多各地的遊客專門來到鹿寮坑欣賞美麗的油桐花。

根據早期的傳說，鹿寮坑有許多野生的鹿群在這裡出沒，以前的人就來到此地獵鹿，不過因為當時的交通不甚便利，所以獵人就在這邊建造屋寮來休息，這就是鹿寮坑地名的由來，在走進去鹿寮坑的地方也可以看到兩隻可愛的梅花鹿裝飾。

我們客家人相當信仰土地公，有客家族群的地方，就會興建福德祠；有一句短短的諺語叫做：「田頭田尾土地公」，意思就是說土地公像是里長伯一樣，支持與關心著客家莊內的大小事情，大家遇到任何狀況都不需要擔心，無論何事都可以和土地公商量。

鹿寮坑也有一座福德祠，不過，這座福德祠看起很不一樣的是廟坪旁邊有兩顆綁上紅布條的巨大石頭，比較大顆的石頭被尊稱為「石爺」，比較小顆的石頭被尊稱為「石娘」；以前颱風來臨時，石娘被沖到較遠的地方，石爺和石娘就這樣分隔兩地，後來鹿寮坑當地的居民請示石爺和石娘，將它們移至福德祠旁邊的花圃安放，讓它們能夠一家人團圓，另外還幫忙舉行石爺和石娘結婚的公開儀式，可以說石爺和石娘實在有很深的姻緣。

石爺石娘結婚的那天，當地的居民舞龍舞獅、敲鑼打鼓一起來慶祝這個難得一件的盛會，整場婚禮都是以傳統客家的婚禮來舉行，整個鹿寮坑人山人海實在是相當熱鬧；也因為這樣，每年的三月二十九日被訂為是「客家情人節」，代表著石爺和石娘感動許多人的愛情傳說。

目前在福德祠的廟坪上方懸掛有許多匾額，據說石爺和石娘非常有靈性，所以有許多人都會來到這邊參拜，誠心誠意祈求石爺石娘保佑他們的感情能夠圓滿順利，我自己也誠心希望石爺石娘能夠護佑老百姓，救助貧苦的人，讓大家身體健康、幸福安樂。