文／羅秀玲（若琳江），屏東萬巒客家人
亻厓好旅行，輒常湊伴共下去探尋名勝景點抑係廟宇建築。
台灣个族群文化已多元，包括原住民、客家、學老、新住民，台灣一莊一俗，各各有豐富个內涵特色。你識體驗當地个人文鄉土民情無？像民俗活動、自然河川、產業地形，或者歷史人物个事蹟這兜….比論講，你來到這個所在，知這位地名个由來無？
像該日?在龍潭坐公車，愛盤車歸去臺北，該站个公車車牌寫等「南蛇崎」，咦，亻厓就疑狐：做麼个安到南蛇崎？記得客語「崎」个意思，就係華語个「斜坡」，亻厓心肝肚愐毋解，敢係這位有盡多得人驚个南蛇係無？想到這，亻厓雞嫲皮緊起，因為從細就驚蛇哥，客諺講：「若愛學問好，必得問三老」，若係堵著毋曉得个問題，做得請教老人家、有學問个人還過有經驗个人。蓋堵好脣口有一個共樣在該等車个阿伯，故所，亻厓大膽个行上前去問了佢。
無想著佢好心細意回答南蛇崎係一條茶米古道，崎已嶇，行路人跋到緊敨大氣，還過該彎彎斡斡个山路像南蛇樣仔，故所安名做「南蛇崎」。講了一駁仔車仔還吂來，還有半點鐘恁久，阿伯還同亻厓講佢還細時節，隔壁鄰舍識有一個撿樵个人行過該跡仔，尋了一頭大樹下尞涼合哺一下菸，哺忒準備繼續行，在脣項同菸節撚烏忒該下，佢覺著奇怪，樹仔仰會停動呢？正發現當當坐在一條大南蛇脣口！膽就險險嚇噼忒！
亻厓罕得聽著有關南蛇个古，乜覺著蓋生趣。人講：「讀萬卷書，毋當行萬里路」，用學校先生教个理論方法，實踐規劃了後自家去行尞一轉。「學問」，學了就愛問，肯問，得著个答案就係若个，最尾離開進前，愛記得同請教个人多謝，因為毋論佢个身分，係耕田人抑係做工个，佢都係先生。
又有人問亻厓：哪位風景最鬧又有好尞好食呢？亻厓會講：台灣最美麗个風景就係人情味，放下手機仔，去外背行行啊，觀察注意若屋下莊肚附近个細巷仔、花樹抑係古蹟建築，其實，滿哪仔都係一幅靚靚个風景，看你用麼个角度去欣賞，係講用心去感受體驗，你定著會尋著美麗个桃花源。
華語翻譯：
我喜歡旅行，常常邀伴一起去探訪名勝景點或是廟宇建築。
台灣的族群文化非常多元，包括原住民、客家、閩南、新住民，台灣一莊一俗，各有豐富的內涵特色。你可曾體驗當地的人文鄉土民情嗎？像民俗活動、自然河川、產業地形，或是歷史人物的事蹟這類….舉例來說，你來到這個地方，知道這邊地名的緣由嗎？
像那天我在龍潭坐公車，要轉車回去臺北，那站的公車車牌寫著「南蛇崎」，咦，?就懷疑：為什麼叫做「南蛇崎」？記得客語「崎」的意思，就是華語的「斜坡」，我內心百思不得其解，難道是這兒有很多讓人感到害怕的南蛇嗎？想到這邊，我起了雞皮疙瘩，因為從小就怕蛇，客家諺語說：「若要學問好，就要向老年人、老實人和老經驗的人請教」，遇到不懂的問題，可以請教老人家、有學問的人以及有經驗的人。正好路邊有一個同樣在那等車的伯父，所以，我大膽的走上前去問了他。
不料他好心仔細地回答南蛇崎是一條茶米古道，坡很陡峭，路人爬得直喘大氣，還有那彎彎曲曲的山路像南蛇的樣子，所以取名叫做「南蛇崎」。講了好一會兒車子還沒到，還有三十分鐘之久，伯伯還跟我講他小時候，隔壁鄰居曾經有一個撿柴的人走過那一帶，找了一棵大樹下休息抽菸，抽完菸準備繼續走，在旁邊把菸蒂熄滅，他感覺奇怪，樹怎會搖晃呢？才發現正坐在一條大南蛇旁邊！差一點嚇破膽子呢！
我難得聽到有關南蛇的故事，也覺著很有趣。人說：「讀萬卷書，不如行萬里路」，用學校老師教的理論方法，實踐規劃之後自己去走逛一遍。「學問」，學了就要問，肯問，得到的答案就係您的，最後離開前，要記得向請教的人道謝，因為不論他的身分，是農夫還是工人，他都是老師。
又有人問我：哪裡的風景最美麗又有好玩好吃呢？我會說：台灣最美麗的風景就是人情味，放下手機，去外面走走，觀察注意您家裡村莊附近的小巷仔、花樹或是古蹟建築，其實，到處都是一幅美麗的風景，看你用什麼角度去欣賞，假如說用心去感受體驗，您一定會找到美麗的桃花源。
