文／鍾孝昇，中壢客家人，這下戴中壢（腔頭：四縣腔）
八月半轉新竹關西个老屋，在金錦山義民廟堵著兩個老伯姆，佢兜用盆頭鑊仔裝等飯菜，來祭祀義民爺，既經做了幾十年哩。阿爸講這就係亻恩客家人特別个風俗「㧡飯」。
「㧡飯」，乜講係「奉飯」，係客家人對義民爺當有感情个禮儀，大家準備著豐沛个菜色，由各戶人家輪等奉拜這兜因為保鄉衛民，嗄來犧牲性命个無主先民。因爭頭擺係用擔竿㧡等飯菜來，故所安到「㧡飯」。
㧡飯摎拜神無共樣个地方，就係㧡飯毋會用牲儀，顛倒會用屋下三餐食个飯菜。何石松教授就表示恁樣个做法除忒係表達對義民爺个敬意以外，還呈現出信眾摎義民爺之間當親切个關係。因為信眾對義民爺，毋使像對其他神明恁敬畏，顛倒就像係愛惜自家个親人，用「就像佢兜還係在世个樣仔」來服侍這兜既經成仙个義民爺，感謝佢兜个庇佑。
兩位老伯姆同?講，頭擺人生活過著異艱苦，細人仔最盼望个，就係輪著屋下愛㧡飯該日，因為阿姆都會準備較好个飯菜，奉飯分義民爺食，細人仔就有好打幫，該日就做得食著平常時食毋著得个豐沛。雖然係這樣講，戴在山肚个莊下人哪有幾多錢做得買好料呢？大部分就係在炒青菜、豆仔裡肚，過加幾垤仔豆腐乾定定。
老伯姆乜講往時大約四十日會輪著一擺，因為?手㧡飯个人緊來緊少，輪著个時間就緊來緊遽，這下既經當罕得看著有人來㧡飯，在亻恩兜這客莊金錦山義民廟，大概乜伸佢兩儕會約好，在初一、十五㧡飯分義民爺食，佢兜希望這代表客家族群毋忘本个風俗，做得有人相續下去。
「阿伯姆，你兜準備个飯菜還豐沛喔，有魚有肉還有飯，碗筷乜撿好勢哩！」
「係啊，毋過這兜菜都係市場買便个，這下老哩，無法度自家煮，㓾雞捋鴨這兜事頭忒麻煩。」
老伯姆嘴緊講，手緊仰，講佢八十歲哩。阿姆哀！老伯姆根本看毋出有八十零哩。?想定著係佢兜從細到大，恁煞猛來?手㧡飯，分手腳有運動著，正會食著恁大歲數，身體還恁砸增。恁樣看起來，「㧡飯」乜係義民爺保佑佢兜身體康健个一種方式。
看等阿伯姆厥倈仔駛等轎車來，又摎菜盤搬上搬下辛苦个樣仔，分?試著過去个人用擔竿㧡飯，這下个人駛車仔來奉飯，雖然方式無共樣，毋過「食果子拜樹頭，食米飯拜田頭」个精神，還係共樣留在客家子弟个身項，毋識添放忒去。?想，下二擺，正換?帶等飯菜，㧡飯分義民爺來食。
華文翻譯
趁著中秋節假期，回到新竹關西的老家，在金錦山義民廟遇到了兩位老伯母，他們用鍋碗瓢盆裝滿了飯菜，來祭拜義民爺，而這一做，就做了幾十年了，爸爸說這就是我們客家人特別的風俗「㧡飯」。
「㧡飯」也稱為「奉飯」，是客家人對義民爺表達感情的一種禮儀，大家會準備好豐盛的菜飯，由各戶人家輪流奉拜這些因為保鄉為民，犧牲生命的無主先民。因為以前是用擔竿挑著飯菜來的，所以又稱為「㧡飯」。
㧡飯和一般拜神最不一樣的地方，就是㧡飯不會用到雞鴨魚肉等供品，反而會用家裡面三餐吃的普通飯菜。何石松教授就表示這樣的做法，除了是表達對義民爺的敬意外，還呈現出信眾和義民爺之間相當親切的關係，因為信眾對義民爺，不用像對其他神明那樣這麼敬畏，反而就像疼愛自己的家人一樣，用一種「事死如事生」的精神，感念義民爺的忠義精神。
兩位老伯母跟我說，以前的人生活非常的艱苦，小孩子最盼望的，就是輪到自己家要㧡飯的那一天，因為母親都會準備比較好的飯菜，來奉飯給義民爺吃。小孩子也因此就能托義民爺的福氣，吃到平常吃不到的澎派菜色。雖然話是這樣說，但是以前住在山裡的鄉下人，哪有多餘的錢可以買好料的呢？大部分的菜色，大概就是簡單的炒青菜、炒豆子裡，再加幾塊豆腐乾而已。
老伯母也說，以前大約四十天就會輪到一次㧡飯，因為後來幫忙㧡飯的人越來越少，所以輪到的時間也越來越緊，現在已經很少看到有人會到廟裡給義民爺㧡飯了。「在我們這客家莊的金錦山義民廟，大概也只剩我們兩個人會相約好，在初一、十五的時候，㧡飯給義民爺吃。」老伯母們希望這個代表客家族群不忘本的習俗，能夠有人繼續承續下去。
「老伯母，你們準備的飯菜好豐盛喔，有魚、有肉，還有白飯，連碗筷也都準備好囉。」
「是啊，不過這些飯菜都是到市場買現成的，我們現在年紀都大了，沒辦法自己在家裡煮，殺雞殺鴨這些事情對我們來說，都太麻煩了。」
老伯母邊說邊用手比劃著，表示他們都已經都八十多歲了。哇！老伯母根本看不出已經有八十歲了，我想一定是他們從小到大，努力幫忙㧡飯，讓手腳都有運動到，才會活到這麼大歲數了，身體還是這麼硬朗。這樣看來，㧡飯也是義民爺保佑他們身體健康的一種方式呢。
看著老伯母的兒子開著轎車來，又將這些飯菜搬上搬下，辛苦的樣子，讓我感覺過去的人是用擔子來㧡飯，現代人則是駕著車來奉飯，雖然方式不一樣，不過飲水思源不忘祖的精神，還是一樣留在客家子弟的身上，不曾忘記。我想，下一次，也再換我來帶著飯菜來，㧡飯給義民爺享用。
