文／黃筱婷，竹東客家人，這下戴竹東鎮（腔頭：海陸腔）
義民爺做得講係?等客家族群十分尊敬个神明，義民爺斯係拚命對抗林爽文兵變摎戴潮春兵變該兜過身个人；全臺灣等出名个義民廟斯在新埔，在新埔義民廟廟背有兩隻當大个風水，該位斯係安葬超過五百儕義民軍个所在。
逐年新竹縣都會在舊曆七月个時節，舉辦客人族群當重要个「褒忠亭義民祭典活動」，來紀念該兜保護家鄉个義民，這隻祭典係國家當重要个習俗了；今年新竹縣文化局乜特別舉行「義魄千秋」全國義民祭「敬愛鄉土，義民後生」个客家話講古比賽，希望打幫講古打擂台个方式，分大自家曉得客家話優美个音韻，順續仔乜做得推廣發揚自家个鄉土人情摎歷史故事，同時還做得教育後輩人定著愛尊重各個無共樣个族群文化，恁樣?兜个社會正會更加安定。
新竹縣陸豐國小五年級个蘇顗倢同學講話个聲音非常好聽，佢試著練習講客做毋得「講係一溜水，做事無半撇！」恁樣無法度成功，所以佢愛參加這擺个客家話講古比賽，希望分自家个客家話越講越好。
這擺蘇顗倢同學愛講个古安到「虎姐婆」，這係一隻早期在臺灣客莊輒常聽得著个民間故事，聽講在山項有一隻惡擎擎个老虎精，這隻老虎精不時會變成做老阿婆，佢會在暗晡時頭用花蓼扁嘴拐細人仔，得人驚个係分佢拐騙个細人仔兩下半斯分佢食忒了；故事裡背个老妹分老虎精食忒了，好得阿姊隨機應變，用鑊肚底背燒熝熝个燒水倒落老虎精个嘴肚，老虎精斯熝死忒了。
顗倢從細斯摎屋下人共下戴在芎林，在時間及及个訓練期間，顗倢逐日都留到學校認真練習「虎姐婆」講古，厥婆摎爺哀總係在屋下一擺又一擺用心教顗倢客話个發音，因為若係講毋正，別人斯會聽毋識了。
經過十分激烈个擂台賽，顗倢表現盡好，斷真得著「優勝」个好名次，這擺个客家話講古擂台賽乜分佢學著當多講客話還較好个方法，相信佢用心學著个技巧，較久也毋會毋記得。
華語：義民祭來講古
義民爺可以說是我們客家族群十分尊敬的神明，義民爺就是奮不顧身對抗林爽文之亂與戴潮春之亂而因故身亡的人；全臺灣最出名的義民廟就在新埔，在新埔義民廟的後面有兩個很大的墳墓，那裡就是埋葬超過五百位義民軍的地方。
每年新竹縣都會在農曆七月的時候，舉辦客家民族最為重要的「褒忠亭義民祭典活動」，來紀念那些保護家園的義民，這個祭典已經是國家重要的習俗了；今年新竹縣文化局也特別舉辦「義魄千秋」全國義民祭「愛鄉愛土，義民後生」的客語講古比賽，希望可以藉由講古打擂台的方式，讓大眾瞭解客家語優美的音韻，順便也可以推廣發揚我們的鄉土人情和歷史故事，同時還可以教導後輩一定要尊重各種不一樣的族群文化，這樣我們的社會才會更加安定。
新竹縣陸豐國小五年級的蘇顗倢同學說話的聲音非常好聽，她認為練習說客語不可以光說不練，這樣是不會成功的，所以她打定主意要參加這次的客語講古比賽，希望讓自己的客語可以愈講愈好。
這次蘇顗倢同學要說的故事叫做「虎姐婆」，這是一個早期在臺灣客家庄經常可以聽到的民間傳說，聽說在山上有一隻兇猛的老虎精，這隻老虎精經常會化身為一位老太婆，牠會在晚上使用花言巧語哄騙小孩，更可怕的是被牠哄騙的小孩子一下子就被吃掉了；故事裡的妹妹被老虎精吃掉了，還好姊姊隨機應變，用鍋子裡滾燙的熱水倒到老虎精的嘴巴裡，把老虎精給燙死了。
顗倢從小和家人一起住在芎林，在時間相當緊迫的訓練期間，顗倢每天都留在學校認真練習「虎姐婆」這個故事，她的祖母與父母親總是在家裡一次又一次用心指導顗倢講客語的發音是否正確，希望能夠讓客語發音更為精準，因為如果講得不夠標準，其他人就會聽不懂了。
經過十分激烈的擂台賽，顗倢表現非常優秀，果然得到「優勝」的好成績，這次的客語講古擂台賽也讓顗倢學習到許多講客語更好的方法，相信她用心學會的技巧，過多久也不會忘記。
