文／張攸旋，台東客家人，這下戴台東縣（腔頭：四縣腔）
這隻七月个暑假，在台東个客家學堂肚舉辦吔一個講客廣播夏令營，這擺个夏令營有15儕參加，有人較細，乜有人毋會講客家話，毋過在活動肚大家當慶，會講客家話个阿哥阿姊會教該兜毋會講客个老弟老妹，佢兜乜當認真學，堵到毋會个客家話，就會遽遽去問先生。
第一日个課程就當生趣，一開始，劉立委就來同?兜勉勵，還有同澎澎（彭歲玲）先生在講客號頂背講客做訪問，?試著劉立委个客語當慶，訪問立委結束，夏令營就正式開始，澎澎先生先喊?兜抽籤，兩儕一組，互相紹介同訪問對方，澎澎先生个課當生趣，都毋會想睡目，因為先生將語氣同表情發揮著當好，先生還有教?兜幾隻當湛斗个詞彙，有勇氣、參詳、開陽、餳人，勇氣：就係愛煞猛擎手、回答問題同上台發表，參詳：在訪問前，先收集別人个資料，了解訪問對象，開陽:愛分享樂觀个事，自己中意个事，別人正會中意，餳人：內容愛生趣，有餳人个點，正會餳著人。
下晝還有陳君明記者个課程，君明記者教?兜當多議題同新聞報導个知識，?兜還有分組討論，這隻暑假過到仰般，一儕人問，其他兩儕人回答，毋單淨訓練了?兜上台个勇氣，還有口說能力。
除忒上背个兩個先生，還有一儕?乜印象當深，就係講客電台台長徐智俊先生，台長乜係分?兜分組討論，毋過這擺係討論台東个景點，每組个景點都當生趣，像有客家个好米收冬季、熱氣球、鹿野高台等等，最尾還愛做一個組內个訪問。
還有一個先生，?感覺佢當慶，因為佢19歲就出當多首歌仔，其中有幾首?乜當中意，像有《汝在个地方》、《記得歸來》、《細人仔》，這擺李彥鋒先生，來同?兜分享佢个歌仔同經驗，背尾還有教?兜唱歌仔。
第四日个朝晨?兜直接到教育廣播電台，直播?兜第三日課程肚，練習个東西，經過這四日，?發現?个客語正經有變較好，?做得上台當流利用客語講出?个心得。
這係?第一擺挑戰全程講客，第一擺自家做主持人，因為前兩日，澎澎先生有分?兜抽籤來紹介別人，故所到第三日做主持人訪問台長同客語先生个時節，乜毋會緊張了。
希望下二擺還做得有這種夏令營，這擺學著盡多，乜得著盡多知識！
華語：非常有趣得廣播夏令營
這個七月的暑假，在台東得客家學堂裡舉辦了一個講客廣播夏令營，這次的夏令營有15位參加，有很小的，也有不會講客家話的，不過在活動中大家都很厲害，會說客家話的大哥哥大姊姊會教那些不會的小弟弟妹妹，他們也很認真的學，遇到不會的客家話，就會趕快去問老師。
第一天的課程就很有趣，一開始，劉立委就勉勵我們，還有跟澎澎（彭歲玲）老師在講客號上面講客做訪問，我覺得劉立委的客語很厲害，訪問立委結束後，夏令營就正式開始，澎澎老師先要我們抽籤，兩兩一組，互相介紹跟訪問對方，澎澎老師的課很有趣，都不會想睡覺，因為老師將語氣跟表情發揮得很好，老師還有教我們幾個很讚的詞彙，有勇氣、參詳、開陽、餳人，勇氣：就是要積極舉手、回答問題跟上台發表，參詳：在訪問前，先收集別人的資料，了解訪問對象，開陽：要分享樂觀的事，自己喜歡的事，別人才會喜歡，餳人：內容要有趣，有看點，才會吸引人。
下午還有陳君明記者个的課程，君明記者教我們很多議題跟新聞報導的知識，我們還有分組討論，這個暑假過得如何，一個人問，其他兩個人回答，不但訓練了我們上台的勇氣，還有口說能力。
除了上面的兩位老師，還有一位我也印象深刻，就是講客電台台長徐智俊先生，台長也是讓我們分組討論，不過這次是討論台東的景點，每組的景點都很有趣，像是客家的好米收冬季、熱氣球、鹿野高台等等，最後還要做一個組別內的訪問。
還有一個先生，我感覺他很厲害，因為他19歲就出了很多首歌，其中有幾首我也很喜歡，像是《汝在个地方》、《記得歸來》、《細人仔》，這次李彥鋒先生，來跟我們分享他的歌曲和經驗，後面還教我們唱歌。
第四天早上我們直接到教育廣播電台，直播我們第三天課程裡，練習的東西，經過這四天，我發現我的客語真的有變好，我可以上台流利的用客語講出我的心得。
這是我第一次挑戰全程講客語，第一次自己做主持人，因為前兩天，澎澎老師有讓我們抽籤來介紹別人，所以到第三天當主持人訪問台長跟客語老師的時候，也就不緊張了。
希望下次還可以有這種夏令營，這次學到很多，也得到很多知識！
