文／揚尾仔，全職媽媽、桃園客家人，這下戴新北市（四縣腔）
?當記得你細細該時，就盡好同?講：「阿姆，?當愛你！?仰會恁愛你啊？」?總係應你講：「?乜毋知。毋過?乜當愛你啊，你係阿姆个細寶貝！」。你逐日恁樣講無二十零擺乜有十過擺，還過愛唚?幾下正做得，定著愛唚到?歸面仔全係若口涎水正甘願煞，實在盡得人惜！
毋知你仰會恁嘴甜舌滑，?胚想，你應該係同你該既經過身个阿哥个額，做一擺共下講出來，分?知著你兩儕對?个愛，係無？愐到這，?个心肝肚就當艱苦。還記得你吂出世該下，?輒輒會愐著若哥恬恬仔睡在醫院病床个樣仔，佢總係恁乖、毋會吵人，實在分人試著盡毋盼得。毋過，人生總係有恁多無奈何，過恁樣毋盼得，盡尾佢還係走忒了，?个心肝肚實在痛到講毋得，就像分人拿刀仔割開个樣仔，?正經希望這係一場夢。還記得在醫院个育嬰室裡背肚，?第一擺乜係盡尾擺揇等佢，?輕聲摎佢講再會，摎佢講?當愛佢、盡毋盼得同佢分離，雖然佢無一息仔反應，毋過?知佢有聽著?講个，單淨無法度應?定定…。?乜當希望佢做得像別儕个細人仔恁樣，平平安安、順順序序个成人長大，做得同?講：「阿姆，?乜當愛你！」毋過?知這單淨係?个妄想定定，這一生人都無可能了。?揇等佢，恬恬仔坐等、恬恬仔陪佢行過人生盡尾个一段路……。
逐日更深夜靜个時節，夜越深，?對佢个思念就越深，目汁恬恬仔流下來，緊流緊長，仰般捽都捽毋得燥，?實在奈佢毋何，將就隨在佢了！淰淰个思念攞等悲傷，結一張網仔漸漸仔摎?包起來，分?仰般行乜行毋出。毋過，天光日䟘起來，?這兜仔心事，又會像分風吹啊去，無影無跡。日見日，日仔就恁樣一日日恬恬仔過忒，毋過?半夜仔个目汁嗄流毋會煞，思念个心情毋知有哪位好囥。
總算，?等到你出現了。該央時，?看著婦產科个超音波裡肚像星仔个光點、聽著你个心跳一聲一聲，像打鼓樣仔打在?个心肝肚，就像在摎?講，「阿姆，你愛較堅強兜仔哦！」你敢知，該時你分?當大个力量，?堅心為你堅強、為你康健起來，定著愛分你好好成長、康健又平安。?乜無愐著你个氣力仰會恁大，摎?對悲傷个海竇肚拉起來，還過同?受傷个心包到好勢好勢，分?做得定定仔平靜下來、漸漸仔轉好；好得有你，分?做得蹶䟘起來，又有向前行个力量。
?知，你定著係天公派來摎?做伴，陪?行過悲傷、行過痛苦，假使無你，?毋知?自家會變仰般形。看等你一日一日仔長大，?个心肝肚正經當歡喜、乜試著自家當幸福，?愛同你講，?乜當愛你哦，?乜會分你加倍个愛。因為，你係?个細寶貝，你係照等?心肝肚个月光！
華語：你是我心中的月光
我記得你很小的時候，就很喜歡跟我說：「媽媽，我好愛你哦！我怎麼會這麼愛你啊？」我總是回你說：「我也不知道啊。不過我也很愛你，你是媽媽的小寶貝！」。你每天這樣說沒有二十幾次也有十多次，還要親我幾下才行，一定要親到我整臉都是你的口水才會做罷，實在很可愛！
不知你嘴巴怎麼會這麼甜，我猜想，你應該是將你那已經過世的哥哥的份，一起把它說出來，讓我知道你們倆對我的愛，對嗎？想到這裡，我的心就覺得很痛苦。還記得你還沒出生的時候，我常常會想到你哥哥靜靜地躺在醫院病床上的樣子，他總是這麼乖、不會吵人，實在讓人很捨不得。但是人生總是充滿了無奈，再怎麼捨不得，最後他還是走了。我的心實在很痛苦，就像被人拿刀子割開一樣，我好希望這是一場夢境。還記得在醫院的育嬰室裡，第一次也是最後一次抱著他，我輕聲跟他道別，跟他說我很愛他、很捨不得跟他分離，雖然他一點反應都沒有，但是我知道他有聽到我說的話，只是沒辦法回答我而已。我也很希望他能像其他的小孩一樣，平平安安、順順利利的長大成人，可以跟我說：「媽媽，我也很愛你！」不過我知道這只是我的幻想而已，這輩子都不可能實現。我抱著他，就這樣靜靜地坐著、靜靜地陪他走完人生最後的一段路。
每當夜深人靜，夜越深，我對他的思念就越深，眼淚靜靜地流下來，越流越多，怎麼樣都擦不乾，我實在也沒辦法，就隨它吧！滿滿的思念摻著悲傷，結成一張網漸漸地將我包圍起來，讓我怎麼走都走不出去。但是，天亮一起床，我的這些心事，又會像被風吹走一般，不見蹤跡。日復一日，日子就這樣一天天靜靜地度過了，但是我夜半的淚水卻還是流不停，思念的心無處安歇。
終於，我等到你出現了。那時候，我看著婦產科的超音波裡像星星的光點、聽著胎心音一聲一聲，像打鼓的樣子打在我的心裡，就像在跟我說，「媽媽，你要堅強起來哦！」你知道嗎，那時你給了我好大好大个力量，我決定為你堅強、為你健康起來，一定要讓你好好成長、健康又平安的長大。我也沒想到你的力氣怎麼這麼大，竟然把我從悲傷的海裡撈起來，還將我受傷的心包紮好，讓我可以慢慢的平靜下來、漸漸的好轉；幸好有你，讓我可以爬起來，又有向前走的力量。
我知道你一定是老天爺派來跟我做伴的，陪我一起走過悲傷、走過痛苦，如果沒有你，我不知道我自己會變成什麼樣子。看著你一天天長大，我的心裡真的很高興、也覺得自己很幸福，我要跟你說，我也很愛你哦，我也會給你加倍的愛。因為，你是我的小寶貝，你是照亮我心底的月光！
