文／趙叔，文史、社區工作者、客家音樂樂評人，竹東饒平底客家人，這下戴竹東
2022新埔巨埔舂柄祭，7月30个時節在新埔吳濁流故居鬧熱舉辦，這係第一擺个舂柄祭典。
這擺个活動係新竹縣新埔鎮巨埔社區發展協會辦理，研究文史多年个新竹縣兩河文化協會理事吳聲淼先生，係這擺「舂柄祭」个推動人，佢表示大約在百年前，桃園新竹苗栗个客家庄，有出現過當多个「舂柄賊」，該當時庄民為著愛防備舂柄賊，有兜人會摎屋家起加兩路圍牆，有兜人會在大門門楣摎門檻加壓艙石，頂背鑽孔，在暗晡時用大支个樹仔加強大門个防禦。
這兜「舂柄賊」就會用當大支个舂柄抑係樹仔，在暗晡頭摎門舂開，走入人屋家裡背肚搶劫。後來這兜「舂柄賊」慢慢變到像「義賊廖添丁」恁樣个角色，劫富濟貧。背尾在乙未戰爭當中，這兜人乜加入鄉勇參與戰爭保鄉衛土。聽講當有名个吳湯興，厥部隊裡背肚，斯有當多人係「舂柄賊」。因為「舂柄賊」本身有毋好个意思，頭擺在客庄底背肚，其實當少人會講著，故所慢慢斯分人添忘忒。
這擺活動摎附近个社區還過吳濁流故居做結合，變到一隻環境劇場，在祭典當中，有當多个活動。比論講邀請當有名个「自然而然劇團」、客家歌手劉榮昌演出、行到自然步道个文史導覽、大茅埔油糜个分享、客家諺語闖關活動、社區排舞个演出，乜舉辦環境友善个田脣市集。祭典當中最重要个，就係該暗晡舉行个力士比賽，逐隊有成員十儕，愛共下摎舂柄搬到另外一隻位所，時間最遽該組斯得到頭名，做得拿著五萬元个獎金。
這擺个祭典，有來自各地个遊客來到吳濁流故居參加活動，佢兜參加社區行讀導覽、欣賞藝文團體个表演、逛市集。斷烏了後活動來到當鬧熱个時節，參加个人擎等油笐火，行過活動个位所，代表保衛鄉土个精神。過後係巨埔社區居民个打鼓表演，佢兜扛著舂柄舂開代表壞運、疫情摎窮苦个牌仔。歸場活動最鬧熱个時節係大力士比賽，這擺祭典有六隊參加，在大自家个加油之下，比賽當順序，得頭名个隊伍正用七秒零个時間斯完成，現場所有个民眾試著當沙鼻，佢兜乜拿著五萬塊个獎金。到第二日个活動，還有文學地景行讀、細人仔个玩具DIY、草編課程等等，第一擺个「舂柄祭」斯恁樣順序結束了，希望明年還做得繼續辦理。
華語：新埔舂柄祭鬧熱舉辦
2022新埔巨埔舂柄祭，7月30日於新埔吳濁流故居熱鬧舉辦，這是第一屆的舂柄祭典。
這次的活動是由新竹縣新埔鎮巨埔社區發展協會所主辦，研究地方文史多年的新竹縣兩河文化協會理事吳聲淼，是這次「舂柄祭」的主要推動人，他表示大約在百年前的桃竹苗客庄曾經出現過許多的「舂柄賊」，當時的庄民為了防盜，有的人將住宅強化為兩道圍牆用以防範，有的在大門門楣和門檻設壓艙石，石上鑿洞，在夜晚時豎立大木樁來強化大門的防禦。
而這些「舂柄賊」就用使用大型的舂或是木頭，一群人在夜間把門撞開進到屋內搶劫。而後來這些「舂柄賊」逐漸轉變為類似「義賊廖添丁」的角色，只劫富濟貧。後來在乙未戰爭當中，這些人也加入鄉勇參與戰爭，來保鄉衛土。傳說中知名的吳湯興抗日部隊當中，有大部分的部隊成員就是「舂柄賊」。因為「舂柄賊」本身帶有的負面意涵，過去在客庄其實較少為庄民所討論，是故逐漸被人所遺忘。
這次的活動，將附近的社區與吳濁流故居結合，轉變為一個環境劇場，在祭典的當中，有相當多的活動舉辦。包含邀請知名的「自然而然劇團」、客家歌手劉榮昌演出、自然步道在地導覽、大茅埔油糜分享、客家諺語闖關活動、社區排舞演出，也舉辦環境友善田間市集。整個祭典當中最重要的，就是在晚間舉行的力士比賽，每一隊成員十人，共同將巨型木樁移動到另一處，時間最快的一組獲勝，將可獲得五萬元獎金。
這次的祭典，有來自各地的遊客來到吳濁流故居參加這次的盛會，參加了社區走讀導覽、欣賞了藝文團體表演、逛市集。入夜後活動迎來高潮，是由參加者手持火把，繞行場地一圈，屆此象徵保衛鄉土的精神。而後是巨埔社區居民的鼓藝演出，並扛著大木舂撞開象徵厄運、疫情與貧窮的牌子。而整場活動的最高潮，是力士比賽，這次祭典共有六隊參賽，在群眾的加油下，比賽順利舉辦，其中第一名只花了七秒多的時間就完賽，讓現場圍觀的民眾驚呼連連，也順利獲得了五萬塊的獎金。在隔天第二日的活動當中，還有文學地景走讀、童玩手作、草編課程等活動，第一屆的「舂柄祭」就此順利結束，並期待來年能夠再度舉辦。
