文／彭賢祥，客語薪傳師，苗栗大湖人、這下戴桃園大溪
腔頭：四縣腔
老屋禾埕个圍牆頭前，有一頭牛眼樹，係吾老屋个地標，乜係?做事轉屋，尞涼个位所，有當多童年个回憶，係愛講，可能講歸日仔乜講毋會忒，因為係跈等?成長个樹仔，也係客家莊肚輒輒看得著情形，因為牛眼樹除忒逐年會打牛眼分?兜食，還做得坐在樹頭下个石頭頂項尞涼，可以講係盡湛斗个樹仔，雖然?這位係摎泰安當近，原住民文化个位所，還係有保留傳統客家个風俗。
頭擺還讀國小个時節，莊下還有當多田，都還有蒔田，田項禾仔正割忒，禾稈會紮到一只一只，企等在田肚項愛晒分佢燥，續等摎禾稈集中搭稈棚，?兜細人仔伴，為著愛有自家搞个位所，就會去拿禾稈來搭寮仔，竹仔鋸斷破篾仔來合禾稈，就會變做一片一片个禾稈，過摎佢鬥起來，變做細人仔个祕密基地，這隻基地就在這牛眼樹下，除忒搭寮仔以外，乜會去田項搞打球仔摎擲泥團，寮仔項會拿當多搞个囥在該，一有閒就走去寮仔項尞，尤其係寒天時節，禾稈个寮仔肚當燒暖哦！
這下个牛眼樹頭下，有兩隻大石牯，一隻係打橫較矮，一隻係打直較高，這係?兜轉來老屋，一定會坐等尞涼个所在，熱天个時節，?輒常會在牛眼樹下食晝，碗項張飯挾菜兜去牛眼樹下，坐在樹下石頭頂，涼爽个風吹過，實在當享受，就在牛眼樹下享受个時節，頭那不時會臥起來看樹頂，嗄看著牛眼樹身項，有青里里个蕨，生在牛眼樹皮上背，毋單淨係一頭定定，既經生到歸片仔，除忒蕨以外，樹皮項有看著幼幼長長个莖纏在上背，該毋係蕨个莖哦！係盡耐命个火龍果，佢做得從樹頂生到樹頭个地泥下，葉仔生到樹頂項打火龍果，這就係當麻煩个事情，逐年在牛眼樹頂打个火龍果，忒高仔摘毋著，就會分鳥仔做點心，故所這頭牛眼樹係蕨、火龍果共下生存个樹仔，希望臺灣做得學習這牛眼樹，分無共樣个聲音，共樣在這發聲生存。
華語：共生的牛眼樹
老家庭院圍牆前面，有一棵龍眼樹，是我老家的地標，也是我工作回來，乘涼的地方，當然有很多童年的回憶，要講的話，可能會講一整天也講不完，因為它是跟著我成長的樹，也是客家庄裡常常看得著的情形，因為龍眼樹除了每年會長龍眼給我們吃，還可以坐在樹底下的石頭上面乘涼，可以說是最棒的樹，雖然我這邊是跟泰安接近，是原住民文化的地方，但還是保留著傳統客家的風俗。
以前還讀國小的時候，鄉下還有很多田，全部都有插秧，所以會有跟田有關係的回憶，田裡稻子剛割掉，稻草會綁成一綑一綑，站著在田裡面要曬給它乾，然後將稻草集中搭草寮，我們這些小孩玩伴，為了要有自己的空間，就會去拿稻草來搭草寮，利用竹子鋸斷剖開來和稻草綁一起，就會變做一片一片的稻草，然後去組裝拼湊起來，就會變成小孩子的祕密基地，這個基地就在這龍眼樹下，除了搭草寮以外，也會去田裡玩打球跟丟泥團，草寮裡會拿很多玩的藏在那邊，一有空就走去草寮裡玩，尤其是冬天的時候，稻草作的草寮裡很溫暖喔！
現在龍眼樹下，有兩顆大石頭，一顆是打橫較矮，一顆是打直較高，這是我們回來老家一定會座著乘涼的地方，夏天的時候，我很常在龍眼樹下吃午餐，碗裡裝飯挾完菜端去龍眼樹下，座在樹下石頭上，涼爽的風吹過，是很享受的生活，就在龍眼樹下享受的時候，頭會時常抬起來看樹上，結果看到龍眼樹身上，有很青綠色的蕨，長在龍眼樹皮上面，不單單是一顆而已，是已經長到整片了，除了蕨以外，樹皮上有看到細細長長的莖纏在上面，那不是蕨的莖哦！是最耐命的火龍果，它的莖可以從樹頂長到樹頭的地上，結果葉子長到樹頂上，這樣很麻煩的事情就會發生，每年在龍眼樹上長的火龍果，太高了採不到著就會被鳥當做點心吃，所以這棵龍眼樹是蕨、火龍果共生的樹，希望臺灣可以學習這龍眼樹，讓不一樣的聲音，一樣在這裡生存。
