文／黃筱婷，竹東客家人，這下戴竹東鎮（腔頭：海陸腔）
竹東在吂有人來開拓个年代，這位有當多野生个橡棋林樹，「橡棋林」就係竹東个老地名；乾隆初年个時節，廣東个陸豐人渡海來到竹東開墾，乜因為恁樣，居住在這位个居民大部分都係講海陸腔个客人，後來係因為竹東个所在在竹塹个東片，所以正會改名安到竹東。
早期竹東个樟腦行業在全臺灣做得講當有名，在衫櫥裡背放兜樟腦丸斯做得防蟲害；除了樟腦行業以外，後來在員崠仔該片還有發現石油，後來竹東乜慢慢發展紅毛泥、石油摎玻璃產業；另外竹東乜係當要緊个林業聚集个位所，內灣支線鐵路做得遽遽從山項運樹仔到竹東，因為恁樣竹東乜就緊來緊繁榮。
竹東係一隻細細个地方，但係在這位有一座其他地方都看毋著个輕便車亭仔，這個車亭仔斯係目前在東寧橋頭脣口个「曉江亭」，這座亭仔係西洋樣式个建築，今這下曉江亭个頂背滿哪都係草，但係還係做得看著紅毛泥壁項有當多當幼工乜盡靚个花草雕刻。
原來東寧橋面頭前係頭擺透到上坪摎五峰山區个主要車路，當多人愛在這位坐輕便車去到山項做事，所以地主斯捐地坪，還過起這座輕便車亭仔，內肚還有奉茶分大自家啉，恁樣大自家就做得在亭仔內肚等輕便車，毋使過忍受風吹日炙了；這座有一百年歷史个曉江亭乜係新竹這片唯一保留个輕便車亭仔，做得講係盡珍貴个歷史建築。
在曉江車亭仔个左片係一間細細間个伯公廟，這間伯公廟个歷史做得講摎曉江車亭仔共樣恁久，當地个居民摎這伯公安到「東寧茶亭伯公」，這間伯公廟係十二垤石枋起起來，實在當特別，看起來當無共樣；在東寧橋底下還有盡少見个「曉江亭仔洗衫坑」，當多伯姆都會在這位洗衫褲摎被骨，正實有客家莊个味緒。
這擺?來到竹東个歷史景點，分?還較了解自家家鄉个歷史摎建築，乜分?還較愛惜?自家个家鄉。
華語：竹東的百年歷史輕便車亭
竹東在還沒有人來開發的年代，這裡有許多野生的杞林樹，「樹杞林」就是竹東的舊名；乾隆初年的時候，廣東的陸豐人渡海來到竹東開墾，也因為如此，居住在這裡的居民大多是講海陸腔的客家人，後來是因為竹東的位置在新竹的東邊，因此才會改名叫做竹東。
早期竹東的樟腦業在全臺灣可以說是相當有名，在衣櫥裡便放一些樟腦丸就可以防止蟲害；除了樟腦產業以外，後來在員崠地區還有發現石油，之後竹東也逐漸發展水泥、石油、玻璃產業；另外竹東也是很重要的林場集散場，內灣支線鐵路可以讓林業資源能夠很快從山區運送樹木到竹東，因此竹東的經濟也就愈來愈繁榮了。
竹東是個小小的地方，但是在這裡有一座其他地方都見不到的輕便車亭，這個亭子就是目前位在東寧橋頭旁邊的「曉江亭」，這座亭子為西洋式的建築，現在曉江亭的上方到處都長滿了雜草，但是還是可以看到水泥牆壁上有許多非常精緻也十分美麗的花草雕刻。
原來東寧橋前方是過去通往上坪和五峰等山區的主要道路，許多人需要在此乘坐輕便車前往山區工作，所以地主便把土地捐出來，還蓋了這座輕便車站，裡面還有提供茶水讓大家飲用，這樣一來大家就可以在亭子內等待輕便車，不用忍受風吹日曬了；這座已經有一百年歷史的曉江亭也是新竹這邊唯一保留的輕便車站，可以說是非常珍貴的歷史建築。
在曉江亭的左側是一座小巧的福德祠，這座福德祠的歷史可以說和曉江亭一樣悠久，當地的居民稱呼這位土地公為「東寧茶亭伯公」，這座福德祠是由十二塊石板所建造的，實在是非常特別，看起來很不一樣；在東寧橋底下還有很少見的「曉江亭洗衫坑」，許多伯母都會在這裡洗衣物和棉被，實在是很有客家庄的風光。
這次我來到竹東的歷史景點做拜訪，讓我更加瞭解到自己家鄉的歷史建築，也讓我更加珍惜我自己成長的家鄉。
