文／羅倩英 護理師、高雄美濃客家人、現下歇美濃
腔調：南四縣腔
你係後生人無?你還在為著夢想打拼無？在這競爭恁大个時代，分盡多後生人揹等各種壓力，無論係追求利益、追求該兜分人欽羨个生活，這下个後生人，實在係無簡單，故所離開家鄉，該像變成了大家唯一个選擇。
從麼个都毋知个學生時代開始，阿爸阿母分你當多个資源，分你學習各種可以學習个事物，佢等看等你成長，陪你參加盡多个考試同比賽，進到自家合意个學校抑係工作个地方，嗄無想著乜係看等你，離開自家个家鄉。
「你這擺放尞有要歸來屋下尞無？」這係幾多人在外背生活，輒常聽着个一句話。你係歡喜講「好」，也係無奈何講「無」？「這擺放尞沒辦法歸屋下尞吔。」，「毋怕，你係無閒就毋使歸來吔！」。一隻簡單个問題，嗄分這通電話有了無共樣个心情。自家心肚清楚，轉屋一擺愛花幾多時間同心力，在還吂有自家个事業以前，「轉屋」係毋係變成了無法度講出來个壓力？
還細時節，總係望自家遽遽長大，想愛像大人共樣，可以做盡多事情，可以去盡多地方。毋過，麼人乜想毋著，?等變成大人之後，有幾想歸到做細人仔个時節，快快樂樂，無煩無惱。人生這條路有長有短，愛把握自家想要把握个，毋莫勉強自家去變成別人希望个樣勢，愛對自家負責，正對得起你个阿爸阿姆，乜對得起所有愛你个人。
「無要緊，就停下來，?等休息一下。」阿爸阿姆愛个毋係你有麼个大成功，佢等愛个係自家个細人仔，平平安安、健健康康。煞猛打拼个大家阿，毋莫記毋得你个根在哪，若係無養分个補充，愛仰般結恁靚个果呢？
轉屋歸來去，歸去感受家鄉个溫暖，看該兜陪你長大个大人儕，佢等好無？身體有康健無？有快樂生活無？相信歸到家鄉个你，定著會有新个力量同新个心情，分你更加勇敢面對這千變萬化个社會，乜做得在這混亂當中，尋歸自家个路。
華語：
「回家，從根出發」
你是年輕人嗎？你還在為了夢想打拼嗎？在這競爭力大的時代，讓很多年輕人背負著眾多壓力，無論追求利益、追求那些令人羨慕的生活，現在的年輕人實在是不簡單，然而離開家鄉，好像成了大家唯一的選擇。
從懵懵懂懂的學生時代開始，爸爸媽媽給了你充分的資源，讓你學習各種能學習的事物，他們看著你成長，陪你參加很多的考試和比賽，進入到自己喜歡的學校或是職場，卻沒想到也是看著你，離開自己的家鄉。
「你這次放假有要回家嗎？」這是多少人在外生活，最常聽見的一句話。
你是開心的說好，還是無奈的說沒有，「這次放假沒辦法回家了」，「沒關係，你要是沒空就不用回來了」。一個簡單的問題，卻讓這通電話有了天壤之別的心情。
自己的心裡知道，回家一趟要花上多少時間和心力，在還沒闖出一番事業之前，「回家」是否變成了你無形的壓力。
小時候總是盼望著長大，想要像大人一樣，可以做好多事，可以去好多地方。但誰也料想不到，長大後的我們，有多想回到小時候的時光，快快樂樂，沒有煩惱。人生這條路有長有短，把握當下自己想把握的，不要勉強自己去成為別人希望的樣子，要對自己負責，才能對得起你的爸爸媽媽，對得起所有愛你的人。
「沒關係，就停下來吧，我們休息一下。」爸爸媽媽要的不是你的功成名就，他們要的不過是自己的孩子，平安健康。各位努力打拼你阿，不要忘了你的根在哪，若沒有養分的補充，要怎麼長得出漂亮的果實呢？
回家吧，回家感受家鄉的溫暖，看看陪你長大的大人們，他們好嗎？身體健康嗎？有快樂的生活嗎？相信回到家鄉的你，一定會有新的力量和新的心情，讓你能更加勇敢面對這千變萬化的社會，也在這混亂當中，找回自己的路。
