文／宋勝綱 苗栗頭份客家人、現下戴台中霧峰
腔調：北四縣腔
民國69年?在苗栗讀專科个時節，胡泉雄先生在苗栗救國團開客家歌謠班，?係第二期个學員。學員裡肚大體係客家人乜有一兩個學老人，?係班項盡後生个。學了幾擺過後略略仔有感受摎心得，轉到屋下有閒就會大嫲牯聲練習，連隔壁鄰舍就阿腦講「阿綱仔恁慶，會唱山歌哩喲！」，去到學校，毋管係同學間譫哆該下，抑係開同樂會个時節，總愛表現吾等个客家山歌，並摎先生教導有關客家民謠个源流摎意涵分享分同學佢兜。
毋過有一個奇怪个現象，見擺?開嘴唱山歌个時節，同學不管外省也係學老人都會擠過來，欣賞佢兜罕得聽着个音樂，顛倒班上同為客家籍个同學，毋係閃開無就挶到外外，坐在外緣無麼个興頭。該央時自家常會愐想「仰會恁樣？」身為客家人會失你兜个面子抑毋係？
出了社會多少也感覺着身為客家人，受着已多有形同無形个壓力；就係因為恁樣，故所不管?去到哪位，參加麼个團體，自我紹介時節，?絕對會先講?係客家人。深深感受着，每當?自信个講出自家係客家人个時，一方面得着个係別人對?个尊重，另外就像注預防射樣仔，?先摎你兜講哦！「?係客家人，毋好在吾面前鄙視客家人，乜毋好欺負客家人哦！」，就因爭有恁樣个信念，到今食到超過一甲子了，一直以身為客家人為榮，所有對客家个負面觀點，對?毋會有影響。「?就係?，客家个?！」
吾等這輩个客家人講華語，以個人个經驗有九成个客家人，只要講兩句?就揣得出你係客家人，並還知得你係講四縣抑係講海陸个。在各種場所成時會堵着客家口音个鄉親，打嘴鼓聽着厥口音，問佢係客家人無？輒常會堵着直接應你「不是！」，等?再用客語問候个時節，對方正會脫除提防用客語交談。成時還會細聲摎你講，毋好分佢兜知得係客家人，係無會分人欺負。有兜客家人自我否定抑係自卑，這敢毋係等自我造成客家人越來越弱勢，客語人口越來越消減个原因之一呢？
振興客家，毋係靠別人个尊重，毋係單靠學校个母語教學，毋係淨靠各級政府个客家委員會个推廣。係愛從?等鄉親自家個人做起，自家家庭做起，爭名份不如自醒！自重！趕?等這輩還曉得講客个時節，遽遽傳承分後撐仔。大聲講出「?係客家人」！係無，客家族群、客家語言、客家文化絕對會消（xiauˊ)忒。
華語：
身為客家人的「愁」！
民國69年我在苗栗讀專科時，胡泉雄先生在苗栗救國團開客家歌謠班，我是第二期的學員。學員中大都是客家人也有一兩個閩南人，我是班裡最年輕的。
上了幾堂課後略有感受與心得，回到家一有空就會大聲練習，就連隔壁鄰居都稱讚說「阿綱你好棒，會唱山歌哩！」，去到學校…無論同學間聊天時，或是開同樂會的時候，總要表現我們的客家山歌，並把老師教導有關客家民謠的源流與意涵分享給同學們。
不過有一個奇特的現象，每回當我開口唱山歌的時候，同學們不管外省亦或閩南人都會聚過來，欣賞他們難得聽到的音樂，反倒是班上同為客家籍的同學，不是閃得遠遠的就是若無其事，坐在外緣沒啥興趣。當時自己常想「怎會這樣？」身為客家人是會讓你們面子掛不住與否？
出了社會多少也感覺到身為客家人，所受到蠻多有形或無形的壓力；就因為如此，所以不論我去到哪，參加什麼團體，自我介紹時，我絕對會先講我是客家人。深深感受著，每當我自信的講出自己是客家人之時，一方面是得到別人對我的尊重，另外就像打預防針樣，我先跟你們說哦！「我是客家人，別在我面前鄙視客家人，也別欺負客家人哦！」，就因為存有這樣的信念，而今活了超過一甲子了，一直以身為客家人為榮，所有對客家的負面觀點，都不足以影響我。「 我就是我，客家的我！」
我們這輩的客家人說華語，以個人的經驗有九成的客家人，只要講兩句我就能猜出你是客家人，並還知道你是說四縣亦或是海陸的。在各種場所有時會遇到客家口音的鄉親，一經交談聽其口音，問他是客家人否？時常會遇到直接回答「不是！」等我再用客語問候時，對方才會卸除心防而用客語交談。有時還會小聲的說，別讓他們知道咱是客家人，不然會受人欺負。部分客家人的自我否定或者自卑，這難道不是我們自我造成客家人越來越弱勢，客語人口越來越消減的原因之一嗎？
振興客家，不是靠別人的尊重，不是單靠學校的母語教學，也不單靠各級政府的客家委員會之推廣。是得從鄉親們自個兒做起，自己家庭做起，爭名份不如自醒！自重！趁我們這輩還懂得講客家話的時候，趕緊傳承給後代。大聲說出「我是客家人」！否則，客家族群、客家語言、客家文化，絕對會滅絕。
