文／范雪霞 國小先生退休、苗栗客人、現下歇苗栗
四月係「教孝月」故所讀小學三年生該下，先生喊?講古分大家聽，用華語講「二十四孝之拾葚供親、拾葚異器」意思係講摘桑仔子分阿姆食，無放共籃个賢孝故事。
漢朝个孝子蔡順，佢當細阿爸就過身，佢當賢孝阿姆。該央時王莽奪漢大亂，也堵著年荒，無米無菜好煮食。高不而將摘桑仔子來過餐，還用無共樣个籃仔裝。
有一日，賊仔搶蔡順个籃仔，正知蔡順這隻孝子摎烏?色較熟个桑仔子留分老阿姆食，紅色還吂熟酸澀个桑仔子分自己食。賊仔聽著已感心，毋單只無㓾這兩子哀，還分佢兜歸袋米。故事講忒?無打頭名，毋過，賢孝這件事情，一路里來放著心肝肚盡頭前。
係啦！逐年四月清明掛紙時節，樹頂高个桑仔子正起始從青白色轉熟，變著紅色摎烏?色，一年四季也總係4月尾5月頭盡短个時間食得著，故所愛食手腳愛遽。
目珠盡利个鳥仔，像鵓鴣仔、畫眉仔看著恁好食个果子，暢到飛上飛下嘰嘰啾啾緊喊，敢係食著仙果？
頭擺聽阿姆講：「四月桑仔子贏過人蔘」
食桑仔子一等好，像火氣大，做得降血壓顧胃腸，還有，食桑仔子頭那毛會烏金烏金，毋會緊㪐毛，目珠花花乜做得變金、屙屎毋出盡有效。故所，還細時節桑仔子準零嗒食，無摎佢看做係野果，正經係儕儕講佢係果子裡肚个（烏寶石）。
「鵓鴣仔好食桑仔子，食忒多嗄醉摸摸仔」阿姆講這句話毋單淨係講鳥仔食會醉， ?兜較好食乜做毋得食忒多。還有，對人做事做毋得有貪念，毋使麼个愛仰般正罅仔，做人愛知足。阿姆个話較久?乜毋會毋記得！
老古時代就有个觀念「男耕女織、農桑並舉」打白講，桑仔子樹歸身係寶，樹皮做得做紙，皮摎根又係做中藥个桑白皮，果子桑仔子，做得打淨食抑係做果醬、果汁。桑仔子葉也做得畜蠶仔牽絲打被骨。故所細倈仔耕種，細妹仔做衫，係講食、著共樣恁重要。
四月桑仔子大出時節，該恁多年苗栗縣銅鑼鄉種个一千頭桑仔子樹，隨在你摘桑仔子毋使錢。客家大縣个客家人當好人客來尞哩！今年，當當發瘟時期，拜託大家毋好相爭來摘，愛食毋使愁無。做得上網買啊！
華語：
四月吃桑葚
四月是「教孝月」所以唸小學三年的時候，老師叫我說故事給大家聽，用國語說「二十四孝之拾葚供親、拾葚異器」意思是說採桑葚給媽媽吃，沒放在同一個籃子的孝順故事。
漢朝的孝子蔡順，他還很小爸爸就去世，他非常孝順媽媽。那時候王莽篡漢作亂，又碰上荒年，沒米沒菜可以烹飪。不得已採桑葚來充飢，還用不一樣的籃子裝。
有一天，小偷搶蔡順的籃子，才知道蔡順這個孝子把黑紫色較熟的桑葚留給老媽吃，紅色還沒熟酸澀的桑葚給自己吃。小偷聽到非常感動，不僅沒殺母子倆，還給他們整袋米。故事說完我沒拿到第一名，可是，孝順這件事情，一向放在我心裡最前面。
是啊！每年四月清明掃墓時候，樹上桑葚才開始從綠白色轉熟，變成紅色和黑紫色，一年四季也只是在4月底5月初最短的時間吃得到，所以要吃手腳要快。
眼尖的小鳥，像布穀鳥、畫眉看到這麼好吃的水果，高興到飛來飛去吱吱喳喳一直叫，難道是吃到仙果？
從前聽媽媽說：「四月桑葚賽人蔘」吃桑葚-像肝火旺，可以降血壓顧胃腸；還有，吃桑葚頭髮烏黑油亮，不會一直脫毛，視力模糊也可以變亮、便祕最有效，所以，小時候把桑葚當作零食，沒把它佢當做是野果，真的是人人說它是水果子裡面的（黑寶石）。
「布穀鳥愛吃桑葚，吃太多竟醉醺醺的」-媽媽說這句話不只是說鳥吃了會醉，我們較喜歡吃也不行吃太多。還有，待人處事不可以有貪念，不用什麼要怎麼樣才夠，做人要知足，媽媽的話再久我也記得！
久遠時代就有的觀念「男耕女織、農桑並舉」，說穿了，桑樹全身是寶，樹皮可以造紙，樹皮和樹根又是做中藥的桑白皮，果實桑葚，可以直接吃或者是做果醬、果汁。桑葉也可以養蠶抽絲打坐棉被，所以男生下田、女生織布，是說衣食同樣重要。
四月桑葚盛產時候，那些年苗栗縣銅鑼鄉種的一千棵桑樹，隨便你摘桑葚不用錢。客家大縣的客家人非常好客！今年，疫情當頭，拜託大家不用搶著來摘，要吃不用擔心沒得吃。可以網購啊！
