文／羅瑞霞 國小本土語言客語教師、竹北客人，這下戴竹北
腔調：海陸腔
大家摎祭品搬上來了後，斯開始擺，這擺乜有學問，毋係儘採放放斯好，哪種擺哪，麼个愛放頭前、後背，全有規矩，斯看該個劉祥三个餔娘就係潘大姐，無閒直掣開始擺祭品，大家斯聽佢个，愛仰般擺，哪項放頭前，哪項放後背，當煞手，大約二十分鐘左右，所有个祭品全部擺好勢了。
企在碑石面前看上去，在風水最面頂有一條紅布簾寫町「劉元龍公」祭祖典禮。正手析一條全豬，脣頭有紅紙條牌寫「大學獎學金供品放置處」。左手析一條全羊，脣頭有紅紙條牌寫等「新丁、新婚供品放置處」。這係劉家子孫向祖婆稟告當年度劉屋子孫个表現榮耀還過今年又加新人、摎添丁。
較特別个係，佢兜有在石碑頂高用一支烏遮仔遮等，根據劉屋一位長者解說、阿公婆係陰个，請佢出來享用子孫敬奉个食物，驚祖婆太會晒著日頭，所以正愛用烏遮仔遮等。
時間九點左右，來掛紙个劉屋子孫陸續來到咧，開始點香，一儕兩支香，先拜后土，再過拜祖婆太，這個地理風水安到「美人照鏡」，斯做得安葬細妹仔，後代子孫正會發。風水好，位所闊，毋過係在半山排，所以燒香愛輪流排列仔正企得落，今晡日來拜个人當多（聽過係十過年來最多人个一擺），單淨燒香斯花忒二十分鐘。
續下來愛開始行三獻禮，相關人員開始換著青色个長衫。主祭者一個，陪祭者兩個，一個通，一個引，三獻禮先在后土該位先做，后土三獻禮做好，斯到祖婆太這行三獻禮，一擺三獻禮時間十五分鐘左右，兩片加起來大約半點鐘久，三獻禮做好，斯分劉屋子孫輪流在祖婆太墓前敬酒三跪拜。最尾望燎，化帛。三獻禮結束。
續下來佢兜有一個當好个傳統，當年度屋下有添新丁、新婚、還過大學畢業、碩士畢業、博士畢業，考著高考、普考个，都有獎賞，讀書个發獎金，添新丁摎新婚个，領豬肉，今年看到現場有報名添新丁，差毋多有成十個，讀書个乜差毋多有成十個，用恁仰个方式獎賞子孫，領著獎賞儕，在房內人面前係盡有面子个，乜做得鼓勵子孫煞猛打拼讀書。（全文完）
華語：
掃墓三獻禮
大家把祭品搬上來之後，就開始擺放，這擺放也有學問，不是隨便放著就好，哪種擺哪裡，什麼要放前面、後面，都有規矩，看著那位潘大姐，忙得不可開交，又要發號施令，又要擺祭品，大家就聽她指揮，要怎麼擺，哪盤放前面，哪項放後面，劉祥三偶爾也插上幾手，很快的，大約二十分鐘左右，所有的祭品全部擺放整齊。
站在碑石前面看上去，在墓前最上面有一條紅布簾寫著「劉元龍公」祭祖典禮。右手邊擺著一條全豬，旁邊有紅紙條牌寫著「大學獎學金供品放置處」。左邊擺一條全羊，旁邊有紅紙條牌寫著「新丁、新婚供品放置處」。這是劉家子孫向祖婆稟告當年度劉氏子孫的榮耀表現，以及今年又加新人、和增加小娃兒。
比較特別的是，他們在墓碑上面拿一支黑傘遮著。根據劉家一位長輩解說︰祖先是陰的，請她出來享用子孫敬奉的食物，就怕說祖先會晒到太陽，所以才要用黑傘遮著。
時間在九點左右，來掃墓的劉家子孫們都已經陸續到達，開始點香，一個人兩支香，先拜后土，再來拜祖先，這個地理風水稱做「美人照鏡穴」，所以ˊ只能葬女生，後代子孫才會發達。風水好，地緣寬廣，只不過是在半山腰，所以燒香要輪流排隊才站得下，今天來掃墓的人很多(聽說是十幾年來最多人的一次)，單單燒香就花了二十分鐘。
接下來要開始進行三獻禮，相關人員開始換穿青色的長衫。主祭者一個，陪祭者兩個，一個通，一個引，后土那先做三獻禮，后土三獻禮做完，就到祖先這行三獻禮，一次三獻禮時間大約十五分鐘左右，兩邊加起來大約半個鐘頭，三獻禮做完，就讓劉家子孫輪流在組先墓前敬酒三跪拜。最後燒金紙，三獻禮結束。
接下來他們有一個很好的傳統，就是當年度家裡有生寶寶的、娶媳婦的、還有大學畢業、碩士畢業、博士畢業，考上高考、普考个，都有獎賞，讀書的發獎金，生寶寶及娶媳婦的，領豬肉，今年看到現場有報名家裡添小孩，差毋多有十來個，讀書的也差毋多有十來個，用這種的方式獎賞子孫，領到獎金的人，在宗親面前可是很有面子的，又可以鼓勵子孫要認真努力念書。
延伸閱讀：
