文／邱鴻春，客語薪傳師，桃園楊梅 伯公岡客家人（海陸腔）
〈樹薯〉
改起毋打眼
削皮變身白淨樣
煮好虬虬黃金裝
盡多年前就知阿姆有種一年一收个樹薯，改起來後乜會在賣菜个時節，拿去合貨合貨共下賣，屋下下把仔也會煮來食，但係?一直都無看上眼，全毋識試食看看，也毋知味道係仰般！
直直到舊年个一日，在一擺个佛堂聚會中，在齋食湯頭肚，食著金黃色虬虬粉粉个一種薯仔，味道有息仔像栗仔，又試著有點仔像蕃薯，毋過蕃薯無恁虬，還過對中央有一條根，確定毋係蕃薯，實在就已生趣，正經口感盡好當好食，黏時問脣頭个講師前賢，正摎?講係黃金樹薯，就係?俚一般人講个樹薯，無想著捩了一大圈，恁好食又營養个東西，竟然就在?个身邊，實在就還屙巴還螔缽（she bad）。
印尼新住民好手藝，阿姆市場賣薯仔，來摎阿姆交關，了後就一直摎阿姆買，發現佢毋單淨買來煮定，竟然係做盡好食个薯片，專門割分新住民店仔，幾日幾日就會去郵局寄，銷到通台灣去，難怪買个量恁大，包尾佢嗄講，用電話訂做得無？直接送厥屋下去，一問正知，佢就戴離菜園當近个位所，吂知還較方便，毋使重跕跕（debˋ debˋ）載轉來，正經係產地直銷最萋个，就恁樣開始，過後阿姆也毋使載去市場賣咧，有講愛个時節正改分佢，一擺定50斤以上，超過个乜照秤全收，一斤賣40箍，做得賣2000箍以上，阿姆歡喜靂天。
毋過改薯仔實在盡辛苦，開始採收係舊曆過忒年，天時還盡涼無恁熱，感覺就較爭，慢慢在五、六月，日頭當烈就盡艱苦咧，尤其一擺愛改恁多，實在就無恁該，見擺?就會共下去?改，有幾下擺手改到起膘，洗手正知痛咻咻，阿姆哀哪！
這下七月咧，前幾日改忒全部交分佢，今年總算做完工咧，愛等過忒年正有咧。想想仔，這兜辛苦个耕種人，種个農作物愛幾下隻月甚至歸年正有好收成，中央還有盡多無法度控制个天氣變化，像這擺个凱米風搓，南部受災嚴重，連阿姆種个苦瓜，斯正當打、當有好食，風搓過後嗄死淨淨，這乜係無奈何个事情，毋過還係有好處啦，滿哪个水庫水全淰淰咧，可見天做事，自然有佢个道理。
華語
〈木薯〉
挖起不起眼
削皮變身雪白樣
煮好Q彈黃金裝
很多年前就知道媽媽有種一年一收的木薯，挖起來後也會在賣菜的時候，拿去一起賣，家裡有時候也會煮來吃，但是我一直都沒看上眼，從來沒有試吃看看，也不知道味道是怎樣！
一直到去年的某一天，在一次的佛堂聚會中，在素食湯裏，吃到金黃色Q彈粉粉的一種薯，味道有點像栗子，又感覺有點像蕃薯，不過蕃薯沒有那麼Q彈，而且中間有一條根，確定不是蕃薯，實在是很有趣，口感真的很好也很好吃，馬上問旁邊的講師前賢，才和我說是黃金木薯，就是我們平常講的木薯，沒想到繞了一大圈，那麼好吃又營養的東西，居然就在我的身邊，實在是很誇張很差勁。
印尼新住民好手藝，媽媽市場賣木薯，來和媽媽買，之後就一直來買，發現他不僅買來煮而已，居然是做好吃的薯片，專門批發給新住民店家，沒幾天就會去郵局寄，宅配到全台各地去，難怪買的量那麼大，後來她卻說，用電話訂可以嗎？直接送她家去，一問才知道，居然她就住離菜園很近的地方，沒想到還更方便，那麼重不需要先載回家，真的是產地直銷最新鮮，就這樣開始，之後媽媽也不用載去市場賣了，有說要的時候就挖給她，一次都訂50斤以上，超過的也照單全收，一斤賣40元，可以賣2000元以上，媽媽歡天喜地。
不過挖木薯實在很辛苦，開始採收是農曆年後，天氣還很涼不會熱，感覺就還好，慢慢到五、六月，太陽很大就很難過了，尤其一次要挖那麼多，實在是沒那麼容易，每次我會一起去幫忙挖，有好幾次手都挖到起泡了，洗手才知道痛，我的媽呀！
現在已經七月，前幾天挖完全部交給她，今年總算完成採收了，要等過完年才有了。想一想，這些辛苦的農夫，種的農作物要好幾個月甚至一整年才有收穫，中間還有很多不可控的天氣變化，像這次的凱米颱風，南部受災嚴重，連媽媽種的苦瓜，才剛結果正要採收，颱風過後全死了，這也是沒辦法的事情，不過還是有好處啦，到處的水庫都是滿水位了，可見老天爺做事，自然有它的道理。
