文／邱雯琳，客語薪傳師，高雄美濃客家人（四縣腔）這下戴桃園

「敬字惜紙」係客家先民傳統个美德，「送聖蹟」儀式係同寫過字个紙張，集共下燒忒，灰上背還留等个字跡乜共樣還係聖蹟，做毋得濫糝擲，再恭請河神同紙灰送到大海，這燒字紙个地方就安做「聖蹟亭」。

在桃園个龍潭，有一座全世界規模最大、保留最完整个聖蹟亭，在地人喊做「字紙亭」。今（2024）年9月初8龍潭導覽協會用頭擺个三獻吉禮舉行「送聖蹟」儀式。桃園市王副市長明鉅、客家事務局范姜局長泰基等人，都親身到祭典現場感受傳統文化餳人个地方。

龍潭聖蹟亭在清朝1875年起好，到這下既經有150年了，係一座祭拜倉頡先師，還有燒化字紙个字紙亭，有三進式建築型式，同祭拜个空間，係全世界盡罕得看著个古蹟。

龍潭導覽協會從2008年開始，就跈等頭擺个古禮來辦理，今下北部地區單淨龍潭，逐年舊曆八月初三會舉辦送聖蹟儀式，傳承?兜客家族群敬字惜字意義个重大活動，分來參與送聖蹟个鄉親朋友除了參加祭典以外，還做得認識龍潭聖蹟亭。

今年，桃園市政府還特別來辦培訓个課程，分更加多人做得深入學習送聖蹟个歷史文化同祭典科儀，還愛在送聖蹟祭典當中，擔任祭典禮生、無就係導覽解說人員，親身參與同體驗傳統客家文化。

這擺个活動無分人做拓碑、寫大字，單淨有莊嚴个三獻吉禮儀程，就係愛分參與个人做得專心沉浸到三獻禮裡肚，儀程一開始係宣告祭典開始，續下來擊鼓鳴金，請神、落座，接等係降神、酌酒、奉饌、恭讀祝文等三獻禮儀程。

祭拜了倉頡以後，用砂撩同字紙燒个灰，撩到聖蹟袋仔肚，這就係「請聖蹟」。續下來就分客家局局長、執事者同㧡字紙細人仔等，㧡等聖蹟到二板橋。燒香向河神禀告了後，分聖蹟跈等河壩水流到大海裡肚，象徵漢字文化做得傳到四方，漂流各地。最尾，進行辭神、送神、撤饌、撤班後，送聖蹟就圓滿了。

這個三獻禮儀程係毋係盡特別呢？假使你還吂親身參加過，明年个活動會在2025年9月28日來舉辦，今年赴毋掣參與个鄉親朋友，明年千萬毋好添放核，愛來參加噢！

華語

「敬字惜紙」是客家先民傳統的美德，「送聖蹟」儀式是將寫過字的紙張集中焚化，灰燼上殘留的字跡仍視為聖蹟，不可以隨意丟棄，再恭請河神將灰燼送至大海裡，而這集中燃燒字紙的地方就是 「聖蹟亭」。

在桃園的龍潭，有一座全世界規模最大、保留最完整的聖蹟亭，當地人稱之為「字紙亭」。今（2024）年9月8日龍潭導覽協會遵循古禮舉行「送聖蹟」儀式。桃園市王副市長明鉅、客家事務局范姜局長泰基等人，均親臨祭典現場感受傳統文化的魅力。

龍潭聖蹟亭建於1875年，到現在已經有150年了，是一座祭祀倉頡先師，及焚化字紙的敬字亭，具備有三進式的建築型式與祭祀空間，是全世界極罕見的古蹟。

龍潭導覽協會自2008年起，即遵循古禮辦理，現在北部地區僅有龍潭每年農曆8月會舉辦送聖蹟儀式，傳承客家族群敬字惜字意義重大的活動，使參與送聖蹟的民眾除了參與祭典以外，還可以認識龍潭聖蹟亭。

今年，桃園市政府特別開設培訓課程，讓更多人能深入學習送聖蹟的歷史文化及祭典科儀，並在送聖蹟祭典中，擔任禮生及導覽解說人員，實際參與並體會傳統客家文化。

這次的活動没有額外安排拓碑、寫毛筆字等周邊，只有莊嚴肅穆的三獻吉禮進行著，就是要讓參與的人可以專注地沉浸到三獻吉禮儀程中，一開始是宣告祭典開始，接著擊鼓鳴金，請神、安座，接著是降神、獻酒、進饌、讀祝文等三獻禮儀程。

在祭拜了倉頡以後，用鏟子取出字紙燒成的灰燼到聖蹟袋中，稱作「請聖蹟」。再由客家事務局局長、執事、挑字紙小童等人，挑著聖蹟到二板橋處。焚香向河神禀告後，將聖蹟隨著流水流向大海，象徵漢字文化得以傳諸四方，飄散各地。最後，進行辭神、送神、撤饌、撤班後，送聖蹟就圓滿達成。

這個三獻禮儀程是不是很特別呢，如果你還没有參加過，明年的活動將於2025年9月28日舉辦，今年來不及參與的朋友們，明年千萬不要再錯過喔！