文／林淳華 學老人、胞衣跡在基隆市、戴台中市在東勢做事
腔頭：大埔腔
亻厓當感謝邱晨个歌曲在吾生命中逐個盡重要个歷程陪亻厓作伴，佢做民歌，唱出台灣後生人自家个歌，在吾青春時節陪亻厓；特富野專輯在亻厓大學山服時節陪亻厓，厥歌曲唱出對原住民个關懷；到亻厓在東勢做記者，聽佢唱客家山歌，乜唱出921大地動了後，老農个心聲。
1970年代，台灣思想無共款个後生，厥等開始創作自家个歌曲，該滿，亻厓係小學高年級同國中生中間，真會唱邱晨个民歌，乜會唱厥搖滾歌，這兜音樂陪亻厓行過艱苦个讀書時節。
1985年，亻厓讀大學，參加台大山服團，該時節，讀書人毋單淨唱自家个歌，乜投入社會運動，亻厓當時讀《人間》雜誌寫湯英伸事件，對鄒族後生人入社會了後，分人欺負，試著當傷心！了後，亻厓斯知邱晨有創作特富野專輯，係佢去湯英伸屋家做調查，用歌曲唱出佢對這事件个想法，寫做「報導音樂」，斯像，用文字係「報導文學」共款个意思，邱晨講過，報導係增進人同人、人同事、人同物之間个溝通同了解，厥盡高意義係關懷同希望。
第一擺堵著邱晨，係在吾研究所指導論文个羅先生討新娘該日，該年係1994年，邱晨係政治大學新聞系第卅七屆（1977年）校友，佢同羅先生係大學時代个同學，佢揇吉他上台頂唱「天公落水」，在華語為主个台北餐廳唱客家山歌，人客試著當奇怪，毋過，亻厓當暢使得看著偶像，亻厓斯同佢紹介自家係東勢地方記者，乜係政治大學新聞研究所畢業，佢講：「有閒，來東勢尞！」
1999年921地動了後，佢同餔娘成立東勢愛鄉協進會，亻厓三不二時會去舊街路尋佢問新聞，亻厓對富山旅社當好奇，該時，亻厓斯知旅社有暗道，斯係人客囥起來，莫分巡察尋著，愛逃走个路。亻厓該項看著客家伯姆共下做梅酒，做客家衫，用日常生活簡單个事，治療災後个心理著傷。
2002年佢選東勢鎮長，用「龍安橋之戀」做競選主打歌曲，佢係台中縣廿一鄉鎮第一個用演唱會个方式來競選鎮長个。現下，又過聽這條歌，斯了解歌曲寫出災後東勢老農个心情，乜唱出佢對東勢个感情。
感謝邱晨寫恁多民歌，陪吾青春歲月，特富野專輯係紀念湯英伸，勉勵創作个人乜使得用音樂來做報導音樂，2002年佢代表民進黨競選東勢鎮長，唱出「龍安橋之戀」，佢在金曲獎擔任多年个客語歌曲評審，對牽成客家後生歌手盡心盡力，希望邱晨毋單淨在天頂唱客家歌，厥客家歌乜使得在東勢繼續傳唱落去！
華語：
改去天堂唱歌
感謝邱晨的歌曲陪伴我人生中重要的歷程，他創作台灣年輕人唱自己的民歌，陪伴我的青春歲月，特富野專輯陪伴我的大學山服時期，歌曲唱出原住民的關懷，等到我成為東勢地方記者時，聽他唱客家山歌，唱出地震後老農的心聲。
1970年代，台灣有一群年輕人開始創作自己的歌曲，當時，正逢我小學高年級、國中時代，邱晨創作的民歌和搖滾歌曲都能朗朗上口，這些音樂陪伴我苦讀的學生時代。
1985年，我就讀大學時，參加台大山服團，當時知識份子不只唱自己的歌，也投入社會運動，當時我讀到《人間》雜誌對湯英伸的報導，對鄒族年輕人進入社會後，被人欺負，覺得很難過，之後，我才知道邱晨的特富野專輯，這是他去湯英伸家中做田野調查，用歌曲唱出對這事件的想法，即為「報導音樂」。邱晨提到，報導是增進人與人、人與事、人與物之間的溝通和了解，其最高的意義是關懷和希望。
第一次遇到邱晨是在1994年，在我研究所論文指導老師結婚當日，邱晨和我的指導老師是大學同學，在婚宴上，他在台上彈著吉他唱「天公落水」，在以國語歌曲為主流的台北宴會場合，唱客家歌曲非常違和，但是因為我看到崇拜已久的偶像，就主動向他自我介紹，告訴他我在東勢當地方記者，也是政治大學新聞所畢業，他說：「有空，來東勢聊聊。」
1999年921地震之後，他和太太成立東勢愛鄉協進會，我常常到本街找他問新聞，我對他的工作室-富山旅社非常好奇，旅社竟然有暗道，這是旅社客人，遇到警察臨檢時逃脫的密道。我在那裡看到客家媽媽一起做梅酒、做衣服，在從事日常生活事情，漸漸走出地震的傷痛。
2002年，他參選東勢鎮長，以「龍安橋之戀」當作競選歌曲，這是台中縣廿一鄉鎮市選舉中，第一位用演場會來作為競選方式的候選人。現在，再聽這首歌，才了解他要唱出東勢老農的心情，也唱出對東勢的感情。
謝謝邱晨創作這些民歌，陪伴我的青春歲月，特富野專輯是為湯英伸受到不公平待遇而平反，勉勵文創工作者可以用音樂來做報導音樂；2002年，他代表民進黨參選東勢鎮長，唱出「龍安橋之戀」；當他擔任金曲獎客語歌曲評審時，著力於提拔客家歌手，希望邱晨不只是在天堂唱歌，他的歌曲也得以在東勢傳唱！
