文／蕭宥，台東客家人，現下戴臺東，但係吾婆係南投國姓客家人（四縣腔）
這擺在臺東舉辦个印尼美食活動，邀請著印尼客家阿姆來擔任先生，教大家製作芎蕉葉包糯米雞肉捲（Lemper ayam）同香蘭椰乳（Cendol），這兜都係印尼當地有名个美食。煎過的Lember ayam係芎蕉葉包等糯飯同炒過个雞肉絲；Cendol个特色，係裡背有異多青色个香蘭條，該係用泡過香蘭葉个粉團，再過用擦仔擦做一條一條像米篩目个青色粉條。下後就加入椰仔乳、椰仔糖、冰矻做成Cendol涼水，臺灣乜有人直接喊佢「煎蕊」、「珍多冰」。
教學過程肚，先生非常用心，詳細講解印尼當地美食个特色，包括了食材个選擇、煮食个過程，甚至有每一道料理後背个文化故事。另外，還當細心細意教?兜仰般用印尼話來表達這兜食物个名仔同相關詞彙，分現場个朋友過較了解無共樣个文化。透過這擺活動，毋單淨做得學習製作有當地味緒个印尼美食，還做得對裡背了解了當地人个生活方式同習慣這兜全面性个知識。
這場「世界客家好味緒」个活動，講客少年團乜有盡多成員來參加，其中就有分做兩個工作小組：自媒體採訪組同現場活動組。現場活動組負責翕相同現場事務；自媒體採訪組除忒攝影之外，主要就係愛?手採訪。其實自媒體採訪組个現場採訪，因為時間這兜關係，差一息仔歸段錄音毋見忒、抑係錄毋忒。好得最尾排除萬難，總算完成精彩、生趣个訪問。有成員乜回應：「來這位?手分?當有成就感，活動乜當有意思，分?有機會認識來自印尼个客家文化同料理。」
講客少年團採訪了教大家做印尼美食个印尼客家人——張思霞先生。佢當支持後生人學習客家話同自家个母語，兩個倈仔乜都係講客少年團个成員，屋下還得著了客語家庭个認證，佢在採訪个時節用客家話講：「平常在屋下、還有轉外家个時節，?兜都會用客話來講話。?乜係嫁來臺灣之後正知得，原來，臺灣乜有恁多客家人。」厥倈仔也分享：「其實，在?屋下全部个人都係用客家話溝通，?4歲識轉印尼，乜都係同親戚用客話打嘴鼓，後來正自家學兜仔印尼話。」佢兜乜有想過，幾年過後再過轉到印尼一擺，重新體驗家鄉个風情。
這擺活動，老嫩大細、大人細子都有來參與，有兜人戴等花布巾，乜有人著等靚靚个藍染衫，還有印尼个蠟染裙裝，現場除忒臺灣个客家人之外，還有當多印尼客家鄉親乜共下加入活動。透過美食，毋單只看著當多在日常生活肚當少看著个印尼食材，比論講香蘭葉、椰糖這兜，分大家人知得該片个美食同文化特色。
美食教學活動結束之後，還有客語故事「阿三妹奉茶」个分享時間同提問。其中，有兜小朋友該央時正發現：「原來印尼乜有恁多客家人！」當歡喜同身邊个人分享。除忒創造生活化个講客環境、了解文化、藝術、美食同故事，分來自無共樣國家个客家朋友進行了一場會分人「尋味」个交流。乜分亻恩俚知得：這種交流，乜做得係客家行向世界、連結世界个一種方式。
華語
這次在臺東舉辦的印尼美食活動，邀請了印尼客家媽媽擔任老師，教大家製作香蕉葉包糯米雞肉捲（Lember ayam）與香蘭椰奶(Cendol)，這些都是印尼當地名聞遐邇的美食。煎過的Lemper ayam是香蕉葉包著糯米飯、炒過的雞肉絲製成；Cendol的特色則是其中有著許多綠色的香蘭條，是泡過香蘭葉的粉團，用篩子篩成的一條一條像米苔目的綠色粉條。之後加入椰奶、椰糖、冰塊做成Cendol飲料，臺灣也有人稱其為「煎蕊」、「珍多冰」。
教學過程中，老師非常用心，詳細講解印尼當地美食的特色，包含食材選擇、烹飪的技巧，甚至有每一道料理背後的文化故事。另外，還耐心地教我們如何用印尼語來表達這些食物的名稱和相關詞彙還，讓現場的朋友更加了解不同的文化。透過這次活動，不僅能夠習製作道地的印尼美食，還能從中了解了當地人的生活方式和習俗等全面的知識。
這場「世界客家好味緒」活動，講客少年團也有許多成員前來參加，其中就分為兩個工作小組：自媒體採訪組與現場活動組。現場活動組負責照相與現場事務；自媒體採訪組除了攝影之外，主要則需協助採訪。其實自媒體採訪組的現場採訪，因為時間等因素，差一點把錄音檔案格式化、或是錄不完。所幸最終排除萬難，完成了精彩、有趣的訪談。有成員回應：「來這裡幫忙讓我頗有成就感，整個活動也很有意思，讓我有機會見識到來自印尼的客家文化與料理。」
講客少年團採訪了教大家做印尼美食的印尼客家人——張思霞老師。她十分支持年輕一代學習客家話與母語，兩位兒子也都是講客少年團的成員，家中還得到了客語家庭認證，採訪時她有用客語提到：「平常在家裡、還有回娘家的時候，我們都會用客家話講話。我也是嫁來臺灣之後才知道，原來，臺灣也有這麼多客家人。」她的兒子也分享：「其實，在我們家裡全部人都是用客家話溝通，我4歲時曾回到印尼，也都和親戚用客語聊天，後來才自己學了一點印尼話。」他們一家也曾想過，在幾年之後再度拜訪印尼，重新體驗家鄉風情。
這次的活動，男男女女、老老少少皆有前來參與，有些人戴著花布巾，也有人身著絢麗的藍染服裝，還有印尼的蠟染裙裝，現場除了臺灣的客家人之外，更有許多印尼客家鄉親也一同加入活動。透過美食，不單單看見許多在日常生活中鮮少接觸的印尼食材，如香蘭葉、椰糖等，知曉印尼的美食與文化特色。
美食教學活動結束之後，還有客語故事「阿三妹奉茶」的分享時間與提問。其中，有些小朋友到這時才發現：「原來印尼也有這麼多客家人！」既興奮又高興的與身邊的人分享。除了創造生活化的講客環境、了解文化、藝術、美食與故事，讓來自不同國家的客家朋友進行了一場會讓人「回味」的交流；也讓我們知曉：這種交流，也能是客家走向世界、連結世界的一種方式。
