文／鄭湘婷，國中七年級學生，桃園楊梅富岡客家人（海陸腔），邱鴻春先生指導客語寫作
人生有當多新个挑戰，毋知大家會仰般面對？?這擺个挑戰，就係客語情境式演講比賽。?姊客家話講到當好，逐擺出去比賽全有當好个成績，正經當慶，所以上國中後，先生乜喊?共下練，下二擺去比賽。
斯恁樣，先生開始教?簡單个詞彙、數字、季節摎節日這兜仰般唸仰般發音，還有分?題目練習寫稿並測速度，屋下人乜共下?手，阿婆摎阿姊教?毋會个詞，阿爸阿姆緊摎?加油鼓勵，就恁樣日合夜緊練，希望做得拿著好成績。因為愛分喉嗹發出好聲哨，所以歸隻月無食甜个、烰个還有飲料，逐日都食水定定，強強試著會佇毋著咧，好得逐擺上客語課都當歡喜，先生乜會摎?加油。
到比賽這日，日頭吂出?就䟘床，無想著喉嗹嗄無聲，?緊食水，希望做得摎聲音恢復，同時乜遽遽準備，練習詞彙，還有比賽愛注意个事情。時間一下就過咧，愛出門个時節，嗄堵著喊頭大水，?摎阿姊遽遽鑽入阿爸个車肚，去摎先生講好个位所會合，先生煞煞載?兜去比賽个地方，食飽朝後，先生就喊?兜緊講話，恁樣等下比賽，正毋會講毋出來，一下仔評審先生喊?兜過去，講愛注意个事情，講煞?兜就去等待區咧。
?摎阿姊本來在該打嘴鼓，但係阿姊个號碼較前，黏時就分人喊去準備咧，佢還摎?講，等下毋使緊張，愛相信自家！加油！堵好?係最尾個選手，等當久正喊著?，又當幸運抽著个題目，摎平常練个當像，30分鐘个準備時間，?寫了25分鐘，留5分鐘在心肝肚唸一遍看順毋順。
到比賽場所个門口，旁脣个人乜摎?加油，想著當多人摎?加油，馬上就有自信咧，踏落門口，行到台頂，先摎評審先生問好，就開始講古咧，兩、三分鐘个內容一下就結束咧，行出門口，心肝頭黏時就輕鬆當多，一點鐘後名次出來咧，大家都當緊張，評審先生還特別唸出?摎阿姊个題目，因為單淨?兩儕有訂題目，講忒鼓勵个話後，先生開始報名次，最尾聽著自家得著優等，實在還暢。
摎先生、阿爸、阿姆摎同學分享，大家全阿腦?當慶，還拿著1000箍个獎勵，但係?知，這毋係?一儕人拿著个成績，係教?个先生，鼓勵?个同學，還有這一路來，摎??手个阿婆、阿姊、阿爸摎阿姆共下拿著个，經過這擺比賽，?个客話進步當多，希望下二擺比賽還係做得維持好成績，當然?乜會繼續認真學習。
華語
人生有很多新的挑戰，不知道大家會怎麼面對？我這次的挑戰，就是客語情境式演講比賽。我姐姐客家話講的很好，每次出去比賽都有很好的成績，真的很厲害，所以上國中後，老師也叫我一起練，將來去比賽。
就這樣，老師開始教我簡單的詞彙、數字、季節和節日等怎麼唸怎麼發音，還給我題目練習寫稿及測速度，家人也一起幫我，奶奶和姐姐教我不會的詞，爸爸媽媽一直和我加油鼓勵，就這樣日夜的練，希望可以拿到好成績。因為要讓喉嚨發出好聲音，所以整個月沒吃甜的、炸的還有飲料，每天都喝水，真的快要受不了了，還好每次上客語課都很開心，老師也會和我加油。
到比賽這天，我太陽還沒出來就起床，沒想到喉嚨卻沒有聲音，我趕緊喝水，希望可以聲音恢復，同時也趕快準備，練習一些詞彙，還有比賽要注意的事情。時間一下就過了，要出門的時候，卻遇到傾盆大雨，我和姐姐很快鑽進爸爸的車裡，去和老師講好的位置會合，老師很快載我們去比賽的地方，吃完早餐後，老師就叫我們一直講話，這樣等一下比賽，才不會講不出來，沒一會評審老師就叫我們過去，講要注意的事情，講完我們就去等待區了。
我和姐姐原本在那聊天，但是姐姐號碼比較前面，馬上就被叫去準備了，還和我講，等會不用緊張，要相信自己！加油！剛好我是最後一個選手，等很久才叫到我，又很幸運抽到的題目，和平常練的很像，30分鐘的準備時間，我寫了25分鐘，留5分鐘在心裡念一遍看順不順。
到了比賽場地的門口時，旁邊的人也給我加油，想到很多人給我加油，馬上就有自信了，踏進門口，走到台上，先和評審老師問好，就開始講故事了，2~3分鐘的內容一下就結束，一走出大門，心情馬上就輕鬆很多，一小時後名次出來，大家都很緊張，評審老師還特別唸出我和姐姐的題目，因為只有我們有訂題目，講完鼓勵的話後，老師開始報名次，最後聽到自己得到優等，真的很開心。
和老師、爸爸、媽媽和同學分享，大家都誇獎我很厲害，還拿到1000元的獎勵，但是我知道，這不是我一個人完成的成績，是教我的老師，鼓勵我的同學，還有一直以來，幫助我的奶奶、姐姐、爸爸和媽媽一起拿到的，經過這次比賽，我的客語進步很多，希望下次比賽還是可以維持好成績，當然我也會繼續認真學習。
