編按：「台語」名實爭議，近期因教育部預告修法，將「閩南語語言能力認證考試」更名為「臺灣台語語言能力認證考試」，再度引起各界討論。台語、閩南語名稱爭議由來已久，而「臺灣台語」一詞則來自文化部2021年發布〈國家語言發展報告〉，該報告於各語言前加上「臺灣」二字，使用臺灣原住民族語、臺灣客語、臺灣台語，以及臺灣手語來稱呼。
《客新聞》開闢「交鋒」單元，邀請各領域專家、學者針對熱門議題發表意見。本次邀請兩位長期投入客語及客家文化之專家學者，就「台語」名稱爭議發表看法，盼提供各方意見進一步溝通的機會。
文／邱一帆（客家詩人，目前擔任國小教師）
臺灣个客家人輒常稱呼講Hog-Lo話个人安到Hog-Lo人；指稱Hog-Lo人講个話安做Hog-Lo話。Hog-Lo，海陸腔講Hogˋ-Loˊ，四縣腔做Hog-Loˋ，還有其他腔頭个客家話有無共樣个語音指稱。漢字識有人寫做河洛、福佬、鶴佬、學佬這兜，這係客家人對Ho-Lo人，Ho-Lo話个一種指稱方式。
在臺灣，客家人所稱Hog-Lo話个名稱，至少還有：Holo話、臺灣話、台語同閩南語个講法。這種現象，就像華語人指稱个「南瓜」這種作物，還有人講係「番瓜」、「黃匏」、「金瓜」，有當多種無共樣个講法，毋過最大个差別係：番瓜毋會自家講自家安到麼个名，毋會講自家講个係麼个話！也就係講「南瓜」「番瓜」、「黃匏」、「金瓜」這種作物，係別人分佢个稱呼，毋係自家安个名。
臺灣HoLo人自家會講話，自家有權利安自家个名，就像所有个人樣，用自家个話安自家个名，這應該係當自然个道理，總愛自家有恁樣个意願，有恁樣个想望，恁樣个決心，其他人毋使過嘴、毋使否認乜毋使批評，除非厥个指稱有傷害著你个語言發展个權利，或者傷害著其他人个語言發展！
面對HoLo人稱呼自家講个係台語、台灣話、臺灣台語，敢有傷害著其他个臺灣語言、臺灣語言个使用者个安名？敢有傷害著其他語言發展个權利？係無，應該尊重佢兜命名个權利，係有請提出你个理由來反對！一般來講，有兜人擔心个係「台語」會變做「台灣語言」个簡稱，霸佔所有臺灣語言个地位，具有排他性，單用「台語」、「臺灣台語」來指稱客家人稱呼个Hog-lo話，就引起了不少客家人个愁慮！
愁慮係愁慮，毋過，話又講轉來，假使HoLo人稱呼「台語」、「臺灣台語」，並無指稱其他語言个作用，係單純對應等客家人指个「Hog-Lo話」，這，乜無排除其他臺灣語言个問題！因為「台語」係專指客家人講个「Hog-Lo話」。「臺灣台語」乜係專指客人講个「Hog-lo話」，假使係這種論述，這並無排他性！就像講，該間「臺灣大學」，並毋係表示臺灣所有个大學，臺灣大學並毋係臺灣所有个大學簡稱，臺灣个「亞洲大學」也毋係亞州所有大學个代表，臺灣華語，也毋係表示世界所有華語个意思。
貶過來講，假使別個族群个人或者政府硬硬愛用「閩南語」、「臺灣閩南語」，來指稱Hog-Lo人講个「Hog-Lo話」，係無得著Hog-Lo人个同意，無分Hog-Lo人接受，又分Hog-Lo人自家認為係對佢兜命名个歧視、蔑視，該就做毋得強強同人安恁樣个名！這種硬硬安上別人無中意、無法度接受个名仔个行為，就係一種語言上个霸凌，就好比學生仔之間，會摎同學安上人家無中意抑係當難聽个外號、綽號，造成分人安名个學生仔个無歡喜、發譴或者噭眵，這係無尊重人家个表現。基本上，尊重Hog-Lo人對自家語言个安名，比別族群个人為Hog-Lo話來安名較優先、較重要！
講著「臺灣語言」應該包涵哪兜語言？這牽涉著語言使用者个認同問題！假使臺灣所有个原住民族語、客家語、台語（台灣話）、華語，包含在「臺灣語言」个範圍，該就係取得了語言使用者个認同！認同自家个語言係臺灣語言个一種，台語（台灣話）係台灣語言个一種，客家語、原住民族語、華語這兜乜係臺灣語言个一種；認同自家使用个語言係臺灣語言个一種，認知臺灣語言係臺灣人使用个語言，臺灣人講个係臺灣語言，該係達到臺灣國家認同个重要一步！
愛進入到臺灣國家認同个地步，先從語言个認同開始，愛取得臺灣語言个認同，先從尊重別人自主、自尊使用語言个權利開始，互相尊重同包容，大家有充分使用自家語言个權利，使得臺灣所有族群个語言，在教育、傳播、使用等有各各層面都有充分生存、發展个空間！
根據2019年公布个國家語言發展法，臺灣國家語言包括：臺灣台語、臺灣客語、臺灣原住民族語、臺灣手語、臺灣華語。目的在尊重國家多元文化个精神，促進國家語言个傳承、復振同發展。身為認同臺灣个客家人，應該愛為自家客語个傳承、復振同發展盡一份心力，追求臺灣客語摎各族群个語言在教育、傳播、使用權等層面公平个權利。身為客家人，在生活上、在公共个領域、在各各機構、行業，講轉自家个母語客話，學習用自家个母語客話來寫文章，傳承自家个語言同文化，恁樣，客語、臺灣客語，正有可能傳承、復振同發展。
客家語言、文化个會衰弱、滅絕，當大部分係過去唯一、高壓个語言政策，在教育、傳播、使用權等方面个嚴禁，還有鄙視造成个！當然，客語衰弱个原因，還包括客家族群自家鄙視自家个語言，無傳自家个客話，無寫自家个客文。不管哪種原因，這並毋係人家个台語、臺灣台語造成个啊！該係該時个政權，論真講係華語中國霸權造成个，同時，也係自家放棄自家語言造成个啊！為着避免造成族群之間个惡鬥、互相剝削語言權利个行使，ngai認為愛尊重人家為自家安名、正名个權利，毋係去反對人家族群語言个正名！
臺灣各族群个人，最要緊个事情應該係共同追求、爭取平等个語言文化在教育、傳播、使用个權利，大自家來傳承、復振同發展自家个語言文化，使得臺灣各族群个語言文化，世世代代在臺灣這個自由、民主、尊嚴个國家，傳承創新，開花結果。
延伸閱讀：【交鋒】白馬等於馬？談「台語」名稱爭議
※本文屬於作者個人意見，以上言論不代表《客新聞》立場。
華語翻譯：臺灣語言的傳承、復振與發展：最要緊的是什麼？
台灣的客家人經常稱呼「講Hog-Lo話」的人為「Hog-Lo人」；指稱「Hog-Lo人」講的話叫做Hog-Lo話。Hog-Lo，海陸腔講Hogˋ-Loˊ，四縣腔做Hog-Loˋ，還有其他腔調的客家話有不一樣的語言指稱。漢字有人寫做河洛、福佬、鶴佬、學佬這些，這是客家人對Ho-Lo人，Ho-Lo話的一種指稱方式。
在台灣，客家人所稱「Hog-Lo話」的名稱，至少還有：Holo話、台灣話、台語同閩南語个講法。這種現象，就像華語人指的「南瓜」這種作物，還有人講番瓜、黃匏、金瓜，有很多種不同樣的講法，不過最大的差別是：番瓜不會自己講自己被稱作什麼名，不會講自己講得是甚麼話！也就是說，南瓜、番瓜、黃匏、金瓜這種作物，是別人給他的稱呼，不是自己取的名。
台灣HoLo人自己會講話，自己有權利叫自己的名，就像所有的人一樣，用自己的話稱呼自己的名，這應該是非常自然的道理，總要自己有這樣的意願，有這樣的想望，這樣的決心，其他人不需要多言、不需要否認也不需要批評，除非他的指稱有傷害到你的語言發展權利，或者傷害到其他人的語言發展！
面對HoLo人稱呼自己講得是台語、台灣話、臺灣台語，是否有傷害到其他的台灣語言、台灣語言使用者的命名？是否有傷害到其他語言發展的權利？若沒有，應該尊重他們命名的權利，若有，請提出你的理由來反對。一般而言，有些人擔心的是「台語」會變做「台灣語言」的簡稱，霸佔所有台灣語言的地位，具有排他性，單用「台語」、「臺灣台語」來指稱客家人稱呼的Hog-lo話，就引起了不少客家人的擔憂！
煩惱是煩惱，不過話又說回來，假如假如HoLo人稱呼「台語」、「臺灣台語」，並無指稱其他語言的作用，是單純對應客家人指的「Hog-Lo話」，這也沒有排除其他臺灣語言的問題！因為「台語」是專指客家人講的「Hog-Lo話」。「臺灣台語」也是專指客人講的「Hog-lo話」，假如是這種論述，這並無排他性！就像說，那間「臺灣大學」，並不是表示臺灣所有的大學，臺灣大學並不是臺灣所有的大學簡稱，臺灣的「亞洲大學」也不是亞洲所有大學的代表，臺灣華語，也並表示世界所有華語的意思。
反過來說，如果假如其他族群的人或者政府硬是要用「閩南語」、「臺灣閩南語」，來指稱Hog-Lo人講的「Hog-Lo話」，沒有獲得Hog-Lo人的同意，不被Hog-Lo人接受，又讓Hog-Lo人自己認為是對他們命名的歧視、蔑視，那就不可以勉強替人取這樣的名字！這種執意取別人不喜歡、沒辦法接受的名字行為，就是一種語言上的霸凌，就好比學生之間，會幫同學取了人家不喜歡或是非常難聽的外號、綽號，造成被取名的學生不高興、發怒或者難過掉淚，這是不尊重人家的表現。基本上，尊重Hog-Lo人對自己語言的命名，比別族群的人為Hog-Lo話來取名還優先、還重要！
說到「臺灣語言」應該包涵哪些語言？這牽涉到語言使用者的認同問題！假如臺灣所有的原住民族語、客家語、台語（台灣話）、華語，包含在「臺灣語言」的範圍，那就是取得了語言使用者的認同！認同自己的語言是臺灣語言的一種，台語（台灣話）是台灣語言的一種，客家語、原住民族語、華語這些也是臺灣語言的一種；認同自己使用的語言是臺灣語言的一種，認知臺灣語言是臺灣人使用的語言，臺灣人講的是臺灣語言，那是達到臺灣國家認同的重要一步！
要進入到臺灣國家認同的地步，先從語言的認同開始，要取得臺灣語言的認同，先從尊重別人自主、自尊使用語言的權力開始，互相尊重和包容，大家有充分使用自己語言的權利，讓臺灣所有族群的語言，在教育、傳播、使用等各層面都有充分生存、發展的空間！
根據2019年公布的國家語言發展法，臺灣國家語言包括：臺灣台語、臺灣客語、臺灣原住民族語、臺灣手語、臺灣華語。目的在尊重國家多元文化精神，促進國家語言傳承、復振與發展。身為認同臺灣的客家人，應該要為自己客語的傳承、復振與發展盡一份心力，追求臺灣客語以及各族群的語言在教育、傳播、使用權等層面公平的權利。身為客家人，在生活上、在公共領域、在各機構、行業，說回自己的母語客語，學習用自己的母語客語來寫文章，傳承自己的語言與文化，這樣，客語、臺灣客語，才有可能傳承、復振與發展。
客家語言、文化會衰弱、滅絕，很大部分是過去唯一、高壓的語言政策，在教育、傳播、使用權等方面嚴禁，還有鄙視造成！當然，客語衰弱的原因，還包括客家族群自己鄙視自己的語言，不傳自己的客語，不寫自己的客文。不管哪種原因，這並不是人家的台語、臺灣台語造成的啊！這是那時的政權，認真來說，是華語中國霸權造成的，同時，也是自己放棄自己語言造成的啊！為了避免造成族群之間的惡鬥、互相剝削語言權利的行使，我認為要尊重人家為自己命名、正名的權利，不是去反對人家族群語言的正名！
臺灣各族群的人，最重要的事情，應該是共同追求、爭取平等的語言文化在教育、傳播、使用的權利，大家來傳承、復振與發展自己的語言文化，使得臺灣各族群的語言文化，世世代代在臺灣這個自由、民主、尊嚴的國家，傳承創新，開花結果。
※本文屬於作者個人意見，以上言論不代表《客新聞》立場。
