文／鍾孝昇，國小教師、中壢客家人，這下戴中壢（四縣腔）
這駁仔收著公文，?兜龍岡國小在舊年客語生活學校个評比當中，得著「特優」个成績。這隻好成績，除忒係因為學生仔煞猛打拚學客語，還過有先生用心推廣客語，正分龍岡國小變作一隻滿哪仔都聽得著客話个學校。這幾日堵好學校請「打幫你樂團」來表演，故所?兜決定愛在活動當中，邀請這兜盡辛苦个客語先生來領學校頒个獎。
為著愛分先生感受著大家个心意，?兜想唱一首歌曲來感謝佢兜。毋過到底愛唱哪條歌曲，?兜嗄尋無頭䌈。上網尋資料，發現「打幫你樂團」有一條歌安做「客家阿婆」，同?兜个想法當鬥搭，故所黏時就決定用這首歌咧。因為愛感謝个三位先生，堵堵好係——「客家阿婆」。
「客家阿婆」這首歌係樂團團長劉榮昌个創作。佢認為現下當多个客家阿婆，毋單淨有客家細妹勤儉、毋驚苦个傳統精神，乜有展出自家、勇敢追求夢想个現代觀念。故所，佢就用簡單个文字，輕鬆个旋律，寫出這首傳統特色摎現代新色觀念个歌曲。
確實，龍岡國小這兜?手推廣客話个先生，像教客家語課程个馮秋景先生、指導客家藝文創作个呂廷政先生，還有在學校服務盡久，到今還在學校?手客語朗讀、演說教學个「邱新春」先生，佢兜確實講，「客家阿婆」這首歌曲就係最湛斗个代表。
音樂會一開始，先由桃園市政府客家事務局楊安光科長，代表客委會頒發獎狀分學校，嘉獎學校得著「特優」个成績。續等就由校長頒發感謝狀分三個客語先生，並邀請小朋友在台頂獻唱「客家阿婆」這首歌曲。
為著愛展出《客家阿婆》MV裡肚阿婆个造型，客家藝文社个小朋友，戴等烏目鏡，手擐等家濟袋仔，這風神哎哎个樣仔，分樂團歌手看戇忒，佢兜當歡喜，還過阿腦小朋友恁有心，連衫褲都有考慮著，實在還慶哪。故所就在客家藝文社个小朋友示範過後，全校小朋友用嘹亮个歌聲，感謝三位「客家阿婆」對學校个付出。
續下來，劉榮昌團長帶等樂團團員，演出幾下首客家歌曲，過湊同學共下演出，歸隻會場鬧熱煎煎。過程當中，主持人還用帶動唱、打嘴鼓這兜搞个方式，帶等細人仔認識各式个客家美食，分客家文化同語言深入小朋友个生活。
雖然鬧棚个節目，一隻接等一隻，毋過?心肝肚響起个，還係該下學生仔唱个「客家阿婆」這首歌仔。望等會場邊脣，緊搭手鼓勵細孲仔个邱新春先生——最早在龍岡國小教客語个先生，佢確實就係團長劉榮昌寫个新時代个「客家阿婆」。
邱先生係苗栗公館人，從細就愛?手屋下「四頭四尾」个事頭。台北師範學校畢業後，雖然嫁分外省人，毋過，佢還係用客家婦女个精神，勤儉做家，經營美滿个家庭。
除忒有幸福个家庭，邱先生也發揮自家在語言表達个能力，煞猛推廣客家語言，毋單淨在全國語文競賽客語演講打頭名，乜係盡多學校相賽邀請个客語指導先生。
邱先生在龍岡國小擔任客語先生三十零年，幾下年前退休後，還繼續在這位擔任志工，培養當多客家語言人才，正經對推廣客家語有當大个貢獻。邱先生同?講：「係講身體還堪得，定著會繼續教下去。」看著佢恁無私个奉獻，實在分人當毋盼得，乜當感心。
音樂會最尾節，大家在團長个帶領下，共下唱乜係榮昌團長寫个「承蒙你、感謝你、恁仔細」這首歌。?想這首歌曲，做得代表龍岡國小个師生，對這兜客語先生个感謝。客家阿婆，打幫有你，?兜龍岡國小客家文化个傳承、客家語言个推廣，正有今晡日這一息息仔个好成績。
華語
這陣子收到公文，我們龍岡國小在去年客語生活學校的評比當中，得到「特優」的成績。這個好成績，除了是因為學生們努力學客語，還有老師用心推廣客語，才讓龍岡國小變成一個到處都聽得到客語的學校。這幾天剛好學校請「打幫你樂團」來表演，因此我們決定要在活動當中，邀請這些非常辛苦的客語先生，受領學校頒的獎。
為了要讓老師感受到大家的心意，我們想唱一首歌曲來感謝他們。不過到底要唱哪條歌曲，我們想破腦袋。上網找資料，發現「打幫你樂團」有一條歌叫作「客家阿婆」，相當符合我們的想法，因此馬上就決定用這首歌了。因為要感謝的三位老師，剛剛好都是——「客家阿婆」。
「客家阿婆」這首歌是樂團團長劉榮昌的創作。他認為現在許多的客家阿婆，不但有客家女孩勤儉、不怕苦的傳統精神，也有展現自我、勇敢追求夢想的現代觀念。因此，他就用簡單的文字，輕鬆的旋律，寫出這首傳統特色與現代新色觀念的歌曲。
確實，龍岡國小這些幫忙推廣客語的老師，像教客家語課程的馮秋景先生、指導客家藝文創作的呂廷政先生，還有在學校服務很久，到今還在學校幫忙客語朗讀、演說教學的邱新春先生，他們確實說，就是「客家阿婆」這首歌曲就是最優秀的代表。
音樂會一開始，先由桃園市政府客家事務局楊安光科長，代表客委會頒發獎狀給學校，嘉獎學校得到「特優」的成績。接著就由校長頒發感謝狀給三位客語老師，並邀請小朋友在台上獻唱「客家阿婆」這首歌曲。
為了要展現《客家阿婆》MV裡阿婆的造型，客家藝文社的小朋友，戴著墨鏡，手提著傳統手提包，這洋洋得意的樣子，讓樂團歌手看傻了，他們很高興，並稱讚小朋友這麼有心，連服裝都有考慮到，實在好棒啊。因此就在客家藝文社的小朋友示範後，全校小朋友用嘹亮的歌聲，感謝三位「客家阿婆」對學校的付出。
接下來，劉榮昌團長帶著樂團團員，演出好幾首客家歌曲，還邀同學一起演出，讓整個會場熱鬧滾滾。過程當中，主持人還用帶動唱、鬥嘴聊天這些玩的方式，帶著小朋友認識各種的客家美食，讓客家文化與語言深入小朋友的生活當中。
雖然熱鬧的節目，一個接著一個，不過心裡面響起來的，還是剛剛學生們唱的「客家阿婆」這首歌。望著會場邊，一著拍手鼓勵小朋友的邱新春老師——最早在龍岡國小教客語的老師，他確實就是團長劉榮昌寫的新時代的「客家阿婆」。
邱老師是苗栗公館人，從小就要幫忙家裡「四頭四尾」的事情。台北師範學校畢業後，雖然嫁給外省人，不過，他還是用客家婦女的精神，勤儉持家，經營美滿的家庭。
除了有幸福的家庭，邱先生也發揮自己在語言表達的能力，積極推廣客家語言，不但在全國語文競賽客語演講得到冠軍，也是許多學校爭相邀請的客語指導先生。
邱老師在龍岡國小擔任客語老師三十多年，幾年前退休後，還繼續在這裡擔任志工，培養許多客家語言人才，真的對推廣客家語有很大的貢獻。邱老師跟我說:「若是身體狀況還可以，一定會繼續教下去。」看著他這樣無私的奉獻，實在讓人相當不忍心，也十分感心。
音樂會最後，大家在團長的帶領下，一起唱著也是榮昌團長寫的「承蒙你、感謝你、恁仔細」這首歌。我想這首歌曲，可以代表龍岡國小師生，對這些客語老師的感謝。客家阿婆，還好有你，我們龍岡國小，客家文化的傳承、客家語言的推廣，才有今天這一點點的好成績。
