文／徐佳妤，國高中小學客語支援先生，屏東客家人。這下歇新北市（南四縣腔）
「新聞」，毋單淨係「看」定定，看核後還愛去愐想。
有一日看著電視新聞，一個立法委員拿高中个閩語課本，喚文化部長唸出來，想乜知，無學認閩語漢字，定著讀毋出來！該委員續等講：「…..學母語，去同阿公阿婆共下看本土戲劇還過贏。」 吾學生仔講，除核過年，每日愛去補習，哪有美國時間看本土劇？加上後生爺哀都毋會講母語，屋下愛學會母語，正經係「屋簷鳥想生鵝卵–無可能」恁仔看起來，係講無本土語先生來傳承母語，根本就斷核咧。
看毋識閩語漢字、客語漢字就落股（註1）？大部分屋下个長輩乜看毋識，毋過佢等个母語都蓋溜掠！一起勢，?乜看毋識客語漢字，係去上客語認證班，通過中高級認證考試後，定定仔正學會个。這兜政府官員有參加過本土語認證考試無？係無，定著看毋識。?試著愛愁个係，仰仔閩語漢字、客語漢字無幾多人看得識？日常生活肚有機會用得著無？正係愛重視个問題。
在臺灣社會會講英文、日本話甚至德語、法語，都分人試著蓋湛斗！有人認為會講母語無麼个，學校毋使特別去教，國中會考、大學學測又毋會考，驚怕會增加學生仔課業壓力同負擔，顛倒會失核對本土語言个興趣？係恁仔吓？
這學期?除了繼續教小學以外，還有教國、高中學生仔，一年下來，同學認識不少客語漢字，乜會看標音讀課文，雖然有時毋係讀到蓋正，毋過，只愛有息把仔進步，又願意開嘴講，?就會阿腦佢等。用毋正个客話同阿公阿婆譫誃又有麼要緊？今嘎个長輩聽著孫仔孫女願意講客，暢到耐毋得，仰會嫌講毋正？?時常對同學講：其實，?，毋係若先生，若先生應該係若公、若婆、若爸、若姆正著！有閒多多同佢等打嘴鼓、呷風（註2）哦。母語，就係祖孫兩儕个情感橋樑；母語，乜係連接兩世代个對話工具。
有一個高中夜間部个同學，佢雖然毋係客人，毋過蓋認真學，佢同?講：「?做得自家看等標音念課文了，下學年還愛繼續選客語課。」還有爺哀都係外國人，嗄來學客个一個低年生細阿妹仔，蓋好唱客語歌。本土語支援先生企在教育第一線，透過煞猛研習同設計課程，來餳學生仔學習，暑假還愛訓練選手，?等个辛苦，正經需要社會大眾个掌聲同鼓勵啊！
註釋：
（註1）落股：log guˋ；不及格。
（註2）呷風：gab fungˊ ；聊天。
華語
「新聞」，不只是「看」而已，看完後還要去想想。
有一天看電視新聞，一個立法委員拿高中的閩語課本，要文化部長唸出來，想也知道，沒學認閩語漢字，一定讀不出來！那委員繼續說：「……學母語，去和阿公阿婆一起看本土戲劇還比較學得會。」 我的學生說，除了過年，每天要去補習，哪有美國時間看本土劇？還有的學生，阿公阿婆都不在咧，加上現今很多年輕爸媽都不會講母語，家裡要學會母語，真的是「麻雀想生鵝蛋—不可能」這樣看起來，如果沒有本土語老師來傳承母語，根本就斷掉了。
看不懂閩語漢字、客語漢字就不及格？大部分家裡的長輩也看不懂，不過他們的母語都很流利！一開始，我也看不懂客語漢字，是去上客語認證班，通過中高級認證考試後，慢慢地才學會的。這些政府官員有參加過本土語認證考試嗎？若沒有，一定看不懂。我覺得要擔心的是，為何閩語漢字、客語漢字沒多少人看得懂？日常生活裡有機會用得到嗎？才是要重視的問題。
在臺灣社會會講英文、日本話甚至德語、法語，都讓人覺得很厲害！有人認為會講母語沒什麼，學校不用特別去教，國中會考、大學學測又不考，怕會增加學生課業壓力和負擔，反而會失去對本土語的興趣？是這樣嗎？
這學期我除了繼續教小學以外，還有教國、高中學生，一年下來，同學認識不少客語漢字，也會看音標讀課文，雖然有時不是唸得很標準，不過，只要有一點點進步，又願意開口說，我就會稱讚他們。用不標準的客語和阿公阿婆聊天又有什麼關係呢？現在的長輩聽到孫子孫女願意講客語，高興不得了，怎麼會嫌講得不標準？我時常對同學說：其實，我，不是你的老師，你的老師應該是你的阿公、你的阿婆、你的爸爸、你的媽媽才對！有空多多和他們聊天哦。母語，就是祖孫兩人的情感橋樑；母語，也是連接兩世代的對話工具。
有一個高中夜間部的同學，她雖然不是客家人，不過很認真學，她對我說：「我可以自己看著音標唸課文了，下學年還要繼續選客語課。」還有爸媽都是外國人，卻來學客語的一個低年級小女生，很愛唱客語歌。本土語支援老師站在教育第一線，透過努力研習和設計課程，來吸引學生學習，暑假還要訓練選手，我們的辛苦，真的需要社會大眾給予掌聲和鼓勵啊！
